بحث هذه المدونة الإلكترونية

pertook

pertook

2014/05/19

ئەو ناڤێن دگەل مندا مەزن بوین!

لاپتوپ............
عبدالرحمن بامەرنی
Bamerni77@yahoo.com
هەر كەسەكی ناڤەك پێخوشە پێ‌ بهێتە گازیكرن و ئەو ناڤێ‌ ئەز پێدهێمە ناسكرن و گازیكرن، ئەو ناڤە یێ‌ بابێ‌ من پێخوش و ڤیایی بەشەك ژ ناسكرنا من بو وی ڤەگەریت و رێزگرتن بو وی، من حەزا وی لپێش وی ناڤێ‌ خوازیارێ‌ خوە ئێخست، ئەڤێ‌ هوین نوكە من پێ ناس دكەن.. چیروكێن ناڤی گەلەك هەنە و هەر ئێكی ژی دڤێت تایبەتمەندییا خوە هەبیت، كو بەلێ‌ ئەو یێ‌ هەی.. لپێشیا وێ‌، بابێ‌ من یێ‌ دوێ‌ هەبو و تا بناڤێ‌ وی من خو نە دا با نیاسین و من (ئەحمەدێ‌ مەلای) پێڤە نەكربا، كەسێ‌ ئەز ناس نە دكرم.. چیروكا من بو هەلبژارتنا ناڤێ‌ منێ‌ خوازیار گەلەكن و هەمی ژی ب زاروكینیا من ڤەنە و ئەو ناڤن یێن من ئەڤ زاروكینیە دگەل دا مەزن كری.. دكانا قدوسی خوشترین جهـ بو كو هەر شەڤ من خەون ب (فالكان) ڤە ددیت و شەكروكێن وی یێن سور و زەر.
ئاشێ‌ (حەجی شەعبانی) هەكو ل پایزان ژنان دەخل و دانێ‌ خوە موخل و بێژنك دكر.. چ جاران بیرێن رەحمەتی (هادیێ‌ گوندورا) ژبیرا من ناچیت هەكو ل كەرێ‌ سپی سیار، دبەر دەروكێ‌ مالا مە دا ب سەر دكەت و خورچكێن وی تژی گوندور. (فەخری بامەرنی) هەر دەم حەژ مەتەلوكان دكر و گەلەك ژ دەمێ‌ خوە ل سەر مەزاری لدەف (قوپێ‌) دبوراند و تا نوكە ژی ئەز نزانم ئەوی چ دگەل خوە دا دگوت، بتنێ‌ هەر دەم بەرچاڤكێن وی یێن رەش، جهێ‌ سەرنجا من بون.. كورسیكێن (یاسینێ‌ حەلاق) باش لبیرا منن، نزانم چاوان پێپكێن وان دزراڤ بون و هەكو كورسیكەكا بچویك ددانا بن مروڤی و پرچا سەرێ‌ زاروكان دقوساند، رەحمەتا خودێ‌ ل گیانێ‌ تە بن (سەیدا مریەم) هەر تشتێ‌ ئەز ژبیر بكەم ژی، جارەكێ‌ ئەز قەنجیا تە و دەرسێن تە یێن قورئانێ‌ ژبیر ناكەم.. چەند جهێ‌ كەیفێ‌ بو دەما فیتیێن جحێلا و دەنگێ‌ دەست قوتانێ‌ ژ چایخانا (سەعیدێ‌ سموی) دهات، هەمیا دزانی (سەمیرا تەوفیق) یا هاتیە سەر تەلەفزیونێ‌ و یا سترانان دبێژیت..  كێكێن دكانا (ئەحمەدێ‌ لەیلایێ‌) گەلەك كەیفا من پێ‌ دهات، نزانم بوچی ڤی دەمی ئەو كێك ناهێنە دروستكرن، خوزیێن سەرەدانێن تە (ئەحمەدێ‌ دكتور و محەمەدێ‌ دكتور)، هێشتا ئێشانا ددانێ‌ من ژبیرا من ناچیت، نزانم ئەو سەرەدانا من یا چەندێ‌ بو ئەز دهاتمە خەستێ‌! گەلەك روژێن خوە من یێن ل بەر گیسكا و بەرخكا بوراندین، كو ئەم چار یان پێنج شڤان دچوینە بەر سێ‌ چارەكان، (شیڤا تنێ‌ و مێرزیڤێ‌) و ئەو گرێ‌ بەرامبەر (گەرا هەسن) چ بهوست نەماینە پێ‌ من ڤێنەكەفتین.. بیرێن گهیشكا ل مناسبێ‌ وەرگێرێ‌، یان دوعایێن (حەجی محەمەدێ‌ توڤیا) ل عەیدا نەبیا و مە كەچكێن خوە دبرن و مە خارنێن خوە رێزدكرن و رەحمەت لتە بن، هەكو مە هەمیا ددویڤ وی را دگوت ئامین.. خوشترین روژێن سالێ‌ هاتنا نەوروزێ‌ بو و سێ‌ روژا بەری و سییان پشتێ‌ وێ‌ مە داوەت بڤێ‌ هەلكەفتێ‌ دكرن.. تا نوكە ژی  تشتێ‌ هەڤالینیا من و لاپتوپی بهێز دكەت، هەر ئەو بیرهاتنن و ئەو ناڤن یێن بەردەوامێ ددەنە ژیانا من.

إرسال تعليق