عبدالرحمن بامەرنی
بەرەیێ جودا تشتەك نینە ژنوی سەرھلدا بیت، هەر ژ سەردەمێ قابیل و ھابیلی وەرە ئەڤ هەڤركیێن هەنێ بەردەوامی هەبووینە و ل سەر ئاستی تاكی نەماینە و ئێدی ژ كەسەكی بووینە دو كەس و بوینە چار كەس و تا بنەمال بخوەڤە گرتین، عەشیرەت و دەڤەر و وەلات و ئێدی ڤان بەرەیان ناكۆكی بدویڤ خوەرا كێشان، شەر و شور ژێ دروست بوون، تالانكرن، كۆمكوژی و دروستبوونا بەرەیێن جودا ئەگەر ددەمەكیدا بتنێ ڤێكنەكرن بیت، ئێدی بیركرنێن جودا و ئاراستەیێن جودا و بەرژەوەندیێن جودا بوونە بابەتێن مەزن و كێشە ژێ دروستبوون و خو فەرزركرنێ ژی خوە ب سەردادا و بابەت ل جوداھیان بتنێ نە راوەستا، بەلكو رەدكرن ھات و ئەنجامێ قەبیلنەكرنا ئێك، هەمی دەرگەھێن لێكنزیكبوونێ ژی دگەل خوە دادئێخیت.
بەحسا ناكۆكیێن ل هەرێما كوردستانێ دناڤبەرا لایەنێن سیاسیدایە، جگەر خوین شاعرێ مەزنێ كورد دبێژیت: «ئەگەر نەبنە ئێك، دێ ژناڤچن ئێك ب ئێك»
ئەڤ چەند رێزێن ل سەری، رێك من بەحسا ناكۆكیێن ل هەرێما كوردستانێ دناڤبەرا لایەنێن سیاسیدایە، جەگەر خوین شاعرێ مەزنێ كورد دبێژیت: «ئەگەر نەبنە ئێك، دێ ژناڤچن ئێك ب ئێك». دیسان سەرھاتیەكا كوردەواری هەیە و یا كورتە بەحسا دوو گوندان دكەت، ناكوكی كەفتنە دناڤبەرا هەردو گونداندا، گوندیان زیانێن ئێك كرن، قۆتان پێكدادان و شەرێن بچیك دناڤبەرا خەلكێ هەردو گونداندا دروستبوون و ل بەر ئێك بوونە رەشە. ئێك ژ عاقلدارێن هەردو گوندان و پشتی گوندی خرڤەكرین، ئێك ژ گوندیان دەستنیشانكرن و گوتنێ تو دێ ب ڤەشارتی چیە ناڤ گوندێ دی و دێ چاڤدێریا وان كەی و ئەگەر مەدیت، خەلكێ گوندی ئێك بەحسا شالۆكێ و دروینێ دكەت، ئێك بەحسا بڤری و داسێ و داربرینێ دكەت، ئێك بەحسا حەیوانی و دەوارا و پەزدوتنێ دكەت، ئەڤە گوندەكە چ تشتەكێ ژ ئێكگرتنێ و بەرگریكرنێ نزانن و ئەم دێ ب سەر گوندێ وان داگرین، مەزنێن وان قوتین و گوندێ وان تالان كەین، ژخوە ئەگەر مە دیت ئێك بەحسا خەنجەرا خوەدكەت، ئێك دبێژیت چەكێن مە دڤێت بھێتە پاقژكرن و ئێك بەحسا سیاریێ و سوحبەتێن وان شەر و تولڤەكرن بن، ئەم دێ ئێكی فرێكەین و دەرگەھێ دانوستاندنێ و ئاشتیێ دگەل ڤەكەین و ئەڤ دێرا شعریا شاعرێ كورد جەگەر خوینی و ئەڤ سەرھاتیا كورت ژی رێك بۆ حزبێن مە یێن سیاسی، سەركردێن مە یا ئاراستەكریە، ئەگەر ئەم نەبینە ئێك و دەرگەھێ خوە ل بەر ئێك ڤەنەكەین، دەستێ خوە بۆ ئێك درێژنەكەین، داگێرانێ بۆ ئێك نەكەین، مە دوژمن و نەیارێن مەزن یێن هەین و چاڤێن وان ل بەر مە د ڤەكرینە و د هەر ھنگافتەكێدا، ئەو د بەرهەڤن و ل دەلیڤەیان دگەرن وەكی ماری ب مەڤەدەن، ئەڤە ژبلێ ژیارا ھاولاتی تێدا دەرباز دبیت، قەیرانێن دروست دبن و ئەو دەستكەفتێن دڤیابانە یێن مەبان، ژبەر ناكوكیێن مە، ژبەركو ئەم ئێك و دو قەبیلناكەین و ئەم ئێك دو رەدكەین، ژناڤ دەستێن مە دەردكەڤن و ھندەكێن دی مفای ژێ وەردگرن.
ــــــــــــــــــــت
رۆژناما كوردستانی نوێ ھژمار 9649 یا رۆژا 2026/5/3
ليست هناك تعليقات:
إرسال تعليق