عبدالرحمن بامەرنی
تو د سیكا دھۆكێدا دەرباز بی و پەرتووك ل بن كەفشێ تەبیت، دێ دەھان چاڤ لدویڤ تە خشیێن و من ھەست بڤێ چەندێ كر و ھەڤالێ من ژی ئەڤە تێ ئینادەر. چایخانەك ل سەرێ مەحەلا قەرەچان یا ھەی، ئەز و ھەڤالێ خوە ل سەر تەختەكێ وێ روونشتین و مە گازی دو چایان كر. زەلامەكێ د دەھكێن خوە یێن حەفتییان دابوو، خوە نزیكی مەكر و گوت یێ پەرتووكێن وە ببینیت دێ ھزركەت ھین مەلانە. پێڤەچوو و گوت: "ئەگەر ئەز پرسیارەكێ ژ ھەوە بكەم وەك ھین خواندەڤان، دەما ئەز دمرم ئەز چ دگەل خوە بەمە ناڤ گورێ؟". دھزرا من دابوو ئەز وان تشتان بێژمێ یێن وەك كورێ مەلایەكی ئەز ژ زارۆكینیا خوە ژ بابێ خوە فێر بوویم، لێ ھەڤالێ من د بەری من را كر و گوتێ: "ھیچ تشتەكی دگەل خوەنەبە و بلا ھەمی ئومێدا تە ئەو بیت بەری وەغەر بكەی، ھەر تشتێ تە ھەی رادەست بكەی، ئەگەر تە ھزرەكا جوان ھەبیت، زانستەك ھەبیت ب ئارمانج ب گەھینە و بلا دەستێ تەیێ ڤەكری ژ پێشكێشكرنا ھەر تشتەكێ باش یێ ڤەكری بیت، ژیان یا كورتە و ب بەر چ ناكەڤیت". چایێن مە گەھشتن و ئەز و ھەڤالێن خوە یێ ب تێكڤەدانا چایا خوەڤە مژویل، پیرەمێرێ ھێشتا ژ ئاخفتنا ھەڤالێ من گوھشی، رابوو و ژمە و ژوی، پارێ چایا مەدا و ھەر وەكوو یێ بلەز و دڤێت گەلەك تشتان ئەنجام بدەت.
ليست هناك تعليقات:
إرسال تعليق