عبدالرحمن بامەرنی
ھەر چەندە دەستپێكا ناسكرنا من بۆ وی بۆ سالا 2004ێ دزڤریت، لێ دەما ئەز دگەلدا كەفتیمە كاری، سالا 2005ێ بوو، ل وی دەمی ئەز بۆ كارەكێ رۆژناما چاودێر ل سلێمانیێ بووم و رێكەفت وی كومبوون دگەلمەدا كرن، دەما من شیانێن خوە یێن كاركرنێ بۆ دیاركرین، ئەوی فۆكسا خوە ئێخستە سەر من. پێنەڤێت ھیچ كارەك یێ سەركەفتی نابیت ئەگەر دو فاكتەر پالپشتیێ ل سەر نەكەن، ئێكەم تشت حەز و ووزا مرۆڤی بۆ كاركرنێ و دو كەسەك كارێ مرۆڤی بینیت و شوینا رێگریێ بكەت، پالپشتیێ ل مرۆڤی بكەت و كاك (سامی ھادی) ئەڤە بۆ من كر. من پێشنیارا پاشكۆیەكێ بۆ رۆژناما چاڤدێر دانا بەر دەستێ وی و مەلا بەختیاری، وی شیانێن من یێن دەستپێكی بۆ گوتن و بۆ دیرۆكێ دبێژم، مەلا بەختیاری
و باوەریا وی ب كاك "سامی ھادی" دەرگەھێ ڤەكرنا پاشكویێ ل بن ناڤێ چاڤدێر بۆ مە ھێلا ڤەكری و گوت: "چاودێر رۆژنامەكا نیمچە رەخنەیی یە و ڤێ نیمچە رەخنەیێ د پاشكۆیێ خوە ژی دا پەرە پێبدەن و گوت ئەگەر ھین نەشێن ل زوونا خوە رەخنێ بگرن، كو وی سەردەمی ھەرێم دو ئیدارە و دو حكومەت بوو، گوت رەخنێ ل ئیدارەیا سلێمانیێ بگرن و مە ئەڤەكر و رۆژناما چاڤدێر ل بادینان ئێكەم رۆژنامەیا نیمچە ئازاد بوو ل دھۆكێ و ئەرشیفێ وێ ڤێ چەندێ بۆ د سەلمینیت، ئەڤە ژی بۆ پشتەڤانیا راستەوخو یا مەلا بەختیار و كاك سامی ھادی بوو.بەری وەغەركرنا خوە، كو ئەو چەند سال بوو چاڤدێر ژبەر ھوكارێن داراییێ و داعشێ ژ وەشاندنێ راوەستییایی و دەستپێكا كارێ مە بوو د (روانگە و رەنخنە)دا، ژمن داخوازكر ئەو ببلیوگرافیا رۆژنامە و كوڤارا چاڤدێر چێكەم و لێ نەھاتە چاپكرن و رێزگرتن بۆ وی، بۆ گیانێ وی، بۆ ھەمی پشتەڤانیێن وی یێن بەردەوام، ئەم شییاین وێ ببلیوگرافیێ چاپ بكەین و ھەر چەندە ژمارەكا دەستنیشاكری ژی بوو، لێ ئەڤە كێمترین تشت بوو ئەز بشێم بۆ بكەمە دیاری و ل دووماھیێ ژی دبێژم، گیانێ تە شاد بیت و رێكا تە یا ڤەكری بیت و گورێ تە تژی گۆل و گۆلزار بیت.
ليست هناك تعليقات:
إرسال تعليق