عبدارحمن بامەرنی
دیوارێ مزگەفتا مەزن ل نیڤا سیكا دھۆكێ، چەند كورسی و تەختێن روونشتنێ لێ ھەنە و ھەمی گاڤا ژ مرۆڤێن مەزن و دانعەمر یا پرە و دەما دا دەرباز بم، ھەڤالەكی چاڤ بمن كەفت و گوتە من روینە دگەل مە چایەكێ ڤەخۆ. ھەڤالێ من، ئەز بۆ سێ ھەڤالێن خوە دامە ناسكرنێ و ئەو ماموستا بوون و گوتە وان ئەڤە نڤیسەرە و دەرگەھێ دانوستاندنێ ڤە بوو. ئێكی ژوان گوت: "بەری تو بھێی، دانوستاندنا مە ل سەر بەرێ و نوكە بوو و ئەم یێ بەراوردیێ دكەین، كا بەرێ كەسێن زانا رێبەرایەتی دكر یان ژی كەسێن گەمژە؟ ئەو یێ دبێژنە من نەخێر نوكە زانا یێ رێبەراتیا مە دكەن و یێ بۆ من نموونا تەكەلوژیایێ و ژیریا دەستكرد بەحس دكەن و مە دڤێت دیتنا تە بزانین؟". من گوتێ: ئەگەر پێشكەفتنەك و تەكنەلوژیا ھەبیت، ئەو نەیا مەیە، بەلكو ژ وەلاتێن دی مە دھێت، لێ ئەز دێ بەرسڤێ ب رەنگەكێ دی دەم و من بۆ بەحسا (میخائیل گڤانیتسكی) كر و ئەو ھوسا دبێژیت: "ل بەرێ كەسێن زانا كەسێن گەمژە نەچار دكرن، كو فێری زانینێ ببن و ئەڤە ژی بۆ كەسێن زانا یا ب زەحمەت بوو. لێ نۆكە كەسێن زانا خوە فێردكەن دێ چاوان ب زمانەكی ئاخڤن، كو كەسێن گەمژە تێبگەھن". و ھەمی بێدەنگ بوون و پشتی من چایا خوە ڤەخاری دا رابم و ئەز د بەریكێن خوە خەبتیم، ژمن و ژ وان، ب سەرێ شێخی سویندخارن و گوت چایا تە ل سەر حسابا مەیە.
ليست هناك تعليقات:
إرسال تعليق