عبدالرحمن بامەرنی
بۆ ماوێ (2)رۆژان ل بامەرنێ، دیدارا بامەرنێ1 ب 43ێ ڤەكۆلینان ھاتە سازكرن و وەك ئێك ژ رێكخەرێن ڤێ دیدارێ و تشتێ بالا من راكێشایی، ئەڤ دیدارە كارەكێ مەزن بوو ب شیانێن كێم، بۆچی من ئەڤە گوت؟ ئەز د دەھان فێستیڤال و كونفرانساندا یێ بەشدار بوویم، ئەڤا ئەز دبێژم نە بتنێ ل دھۆكێ، بەلكو ل پارێزگەھێن دی و ب قەدەر ڤێ دیدارێ، من بەشداریا ڤەكۆلەران نەدیتییە، 47 ڤەكۆلەر بەشداریێ بكەن و بەرھەڤبوونا كارا یا بەشداربوویان د ھولێ ڤە و كارلێكا مێھڤانێن دیدارێ دگەل ڤەكۆلەران، ئاماژە بوون كو بەلێ ڤەكۆلینێن دیدارێ جھێ سەرنج راكێشانێ بوون و تشتێ دی یێ من دڤێت ل سەر ب راوەستم، ئەو ژی ڤەكۆلین د چوارچووڤێ درویشمێ دیدارێ دا بوون "بەھدینان میراتەكێ كەلتووری یێ زەنگین و دوكیومێنتكرنەكا لاواز"، و ئەڤە ژی ئەو راستییە یا ل دەڤەرا بەھدینان ھەیی و دڤێت ب وێرەكی بێژین، دەما ئەم دبێژین ب وێرەكی، یان كو خوە نەدەینە پاش و بۆ كار بكەین، بەلێ مە میراتەكێ كەلتوری و مێژووی و شوینواری یێ مەزن یێ ھەی و نەھاتیە نڤیسین و مە دڤێ دیدارێ دا ئەڤ پێنگاڤە ھاڤێت و نە ب گوتنا مە، بەلكو یا ڤەكۆلەرێن دیدارێ و بەشداربوویێن دیدارێ، ئەم د پێنگاڤا خوەدا د سەركەفتی بووین. دا دەستا ژ دیدارێ بەردەین و بزانین ئایا ئەم دشێین كارێن مەزن ب شیان و پشتەڤانیا كێم بكەین؟ پێنەڤێت گوتنا من یا گشتییە و دھەمی بوارەكیدا ژی دروستە، چ یێن رەوشەنبیری بن ھونەری بن یان كومەلایەتی بن و ئەگەر مە ئیرادا كاركرنێ ھەبیت، ئەم دشێین وەلاتێ خوە ئاڤا بكەین، ژینگەھا خوە پاقژ رابگرین، شوینەوارێن خوە ب پارێزین و جوانیا باژێرێ خوە تێكنەدەین و ئەڤە ھەمی بۆ ئێك خال دزڤریت، دلساخی و رژدیا مە د سەرخستنا كارێن مە یێن رۆژانەدا و ئەم وەك پالە نەبین ل ھیڤیا دەمژمێر چاری ئێڤاری و كەنگی دێ كرییا خوە یا رۆژانە وەربگرین و مللەتێن پێشكەفتی ژی ب ھەمان لوق پێشكەفتینە و ئەم دشێین بۆ سالێن بھێت ژی، ڤێ دیدارێ بكەینە نموونەیەكا دی یا جوان بۆ بەھدینان ھەمیێ و سەرخستنا ڤێ پێنگاڤێ ژی، ئێكەم تشت بۆ حەزا مە، بۆ حەژێكرنا مە بۆ باژێرێ مە و بۆ دەڤەرا مە و بەلێ ئەم دشێین پێكڤە ڤێ بكەین، ئەگەر دەستێن مە دناڤ ئێكدا بن.
ـــــــــــــــــــــــ
رۆژناما ئەڤرۆ ھژمار (3852)، یا رۆژا 20/10/2025ێ بلاڤبوویە.
ليست هناك تعليقات:
إرسال تعليق