دگەل فازل عومەری و رۆمانا (جانێن ژ تەقنێ بێزار)

عبدالرحمن بامەرنی

من گوت دگەل فازل عومەری، ژبەركو دڤێ رۆمانێ دا كارەكتەرێ وی ژ نەبوونێ پەیدابوویە و لدووماھیێ ژی رۆمان بەرەڤ نەبوونێ دچیت. تشتێ دڤێ ناڤبەرێدا، ھەر ژ دەستپێكا رۆمانێ ژ خەیالا نڤیسەرێ رۆمانێ ھاتیە نڤیسین، یانكو تو چ دەستپێكان نابینی و ل دووماھییا رۆمانێ ژی چ دووماھی ناكەڤنە بەرچاڤ! سەرەرای نڤیسەرێ رۆمانێ ل پاشبەندا رۆمانێ كو دووماھی لاپەرە وەك تێبینی نڤیسییە كو ئەڤ چیرۆكە خلاس نەبوویە و نە دوورە خلاس نەبیت ژی و د تێبینیەكێدا ل ھەمان لاپەر دبێژیت: "من بریاردا بكەمە دو رۆمان.. ئەڤە پشكا دووەمە ل 21 چریا پێشی 2020 خلاس بوو". لێ وەك خواندەڤایەك دەما من دەست بخواندنا وێكری، ھەر تشتێ خوە من بجھـ ھێلا و داڤێن رۆمانێ ئەز بەرنەدام تا ل دووماھیێ رێز راوەستییام، ئەو تشتێ من دڤێت ڤی دەرباەریدا بێژم، ئەگەر ڤێ رۆمانێ بەشێ ئێكێ یێ خوە ھەبیت ژی وەك نڤیسەرێ رۆمانێ ئاماژە بۆ دایی، بۆ من خواندنا وی بەشی گرنگ نینە و ئەز ناخوینم ژی و ئەگەر ڤێ رۆمانێ چەند تایەكێن دی ژی ژێبچن و ھندەك چیرۆك ھەلاویستی مابن، وەك رۆمانڤیسی ئاماژە بۆ دایی، بۆ من ئەو ژی مەرەق نینن، ژبەركو دڤێ رۆمانێ دا ھەر تشت من دیت، یێ من وەك خواندەڤانەك تێر دكەت.

ئەگەر راستگوتر بێژم، پێشوەخت دەما من ئەڤ رۆمانە بەرھەڤكری كو بخوینم، من دزانی جیھانا فازلێ عومەر جیھانەكا جوداترە و دێ رۆمانەكا جوداتر ژی خوینم. جوداتر ب رامانا، نڤیسەرەكێ ئافرێندەر، یێن شیانا ئافراندنا تشتان ھەی ژ خەیالێ بۆ راستیێ، لێ ئەو دڤێ ناڤبەرێدا كەتیە بن چ باندورێن فەلسەفی، ئاینی و مێژوویی و ھەر چەندە ئەو بابەتێ من نابیت، ژبەركو ئەوێ خواندنەكا دی بۆ دڤێت و براستی ژی خواندنەكا دروست و ھەمە لایەنە بۆ دڤێت، ژبەركو د رۆمانێدا چەندین دەرگەھـ ھاتینە قوتان و یا ژ ھەمیێ بۆ منەكێ خواندەڤا سەرنجراكێشتر، ئەو جیھانە یا نڤیسەری ئافراندی، دویر ژوێ جیھانا كەسێن ئاینی ژێ بەحسدكەن و دویر ژوێ جیھانا زانست ژێ بەحس دكەت و تێكەلەیەك دناڤبەرا خەیالێ، ئاشوپەی و راستیێدایە.

نڤیسینا ڕۆمانێ ب قەلەمێ شاعرەكی.. (محسن قۆچان) وەك نموونە

عه‌بدلره‌حمان بامەڕنی

ناڤێ ڕۆمانێ (عشق و ئەوێن ژ مژێ بووین) یا نڤیسەرێ ب نڤیسینا شعرێ هاتییە ناسكرن (محسن قۆچان)ه‌، قۆچان ژ شاعرێن ئێكەمینە ل پارێزگەھا دھۆكێ، چەندین دیوانێن شعری ھەنە. تشتێ باڵكێش ژ خواندنا من بۆ ڤێ ڕۆمانێ:

ئێك: داڤێن ڕۆمانێ ل بامەڕنێ یێن ھاتینە ھەلچنین و ئەز د شییام ل گەل نڤیسەرێ ڕۆمانێ ل كولانێن بامه‌ڕنێ بگەریێم، ل كۆمتە و لاتێن وێ، ل گەلی و ل ناڤ كانیێن وێ. ئەڤا ئەز دبێژم ھەر ناڤئینانەكا وی د ڕۆمانێ دا، من ئاشنابوونەك د گەل دا ھەبوو، ژ بەر كو ئەز یێ لێ ژییایم.

دو: شاعرەكێ ب دروستكرنا وێنەیێ شعری یێ دەستھەل بیت، تە دڤێت د نڤیسینا ڕۆمانەكێ دا، چ وێنە دروست بكەت! د ڕۆمانێ ژی دا، وەك ئەم دزانین بەروبیاڤ د بەرفرەھن و نە وەك یێن شعرەكێ نە، كو پێن مرۆڤی جزمە بدەت، ئھا ئەز دێ نڤیسینا خوە ل سەر ڤان ھەردو خالان كورت كەم.

چیرۆكا ڕۆمانێ:

د رۆژەكا بھاری یا مژەوی دا، دو كەس ب ناڤێ (گورگۆ و پۆڕێ) بەر ب بامه‌ڕنێ ڤە دھێن، قەستا شێخی دكەن و دیاردبیت، كو گورگۆی پۆڕێ یا رەڤاندی، شێخ رێ ددەتێ، دحەوینیت، لێك مارە دكەت، گوندییەك ل دویڤ داخوازییا شێخێ ژوورەكێ ددەتێ، خەلكێ گوندی ھاریكارییێ و ناڤمالیێ وەك ھاریكاری بۆ بێش دكەن. گورگۆ دبیتە شڤان، ل گەل رۆژان بەردەستێ وان فرەھـ دبیت، به‌لێ بێ دویندەھـ دمینن، قەستا كەركووكێ و بابەگورگوری دكەن، (بابە گۆڕگۆڕ بدەمە مە كوڕ)، به‌لێ تا مرنێ ژی بێ زارۆك دمینن، ژ شڤانییێ بۆ دكاندارییێ، گەنجەك ل گوندی ب ناڤێ بیشۆف پەیدا دبیت، نێزیكی گورگۆی و پۆڕێ دبیت، ئەو وی ب كوڕێ خوە دزانن، بیشۆف حەز ژ كچەكا گوندی دكەت و بابێ وێ قایل نابیت، كچا خوە بدەتە كەسەكێ بێ ناسنامە و كەس نەزانیت ژ كیڤە هاتییە، چیرۆك تایا ژ خوە دبەت و ل دووماھییێ و د ئێك رۆژ دا گورگۆ و پۆڕێ دمرن و ل تەنشت ئێك دھێنە ڤەشارتن، بیشۆف قەستا جھەكێ نەدیار دكەت و ڕۆمان ب دووماھی دھێت، لێ نڤیسەرێ ڕۆمانێ د دو پەرەگرافان دا؛ چیرۆكا دروستا گورگۆی و پۆڕێ و بیشۆفی ل ڕۆمانێ زێدە دكەت.

رۆمانا مەلا فەخری* و چەند بابەتێن دی

عبدالرحمن بامەرنی

رۆمانا ب ناڤێ (مەلا فەخری)، یا نڤیسەر (كرمانج چالی)یە و رۆمان بەحسا ھندەك روودانێن مێژووی دكەت، كەسەكی ب ناڤێ مەلا فەخری كو باندورا خوە ھەی، ناڤ و دەنگیا مەلاتییا وی ل پێش وی دچیت و د خوەبخوەدا ئەو مەلا مەسیحییە و شیوعی بوویە و روودانێن رۆمانێ ژ ناڤان، بابەتێن دیرۆكی، مێژووی، كەلتوری و داب و نەریتان د مشتن، كو ئەگەر مرۆڤ رۆمانێ ل سەر ئێك نەخوینیت، رەنگە نەچار بیت جارەكا دی ژ سەرەداڤێن رۆمانێ دەست پێبكەتەڤە تا بشێت روودانێن ئێك لدویڤ ئێك ل بیرا خوە بینیتەڤە و راستی ژی بیت، ئەڤە كێشا من ژی بوو دگەل خواندنا ڤێ رۆمانێ. ھەر چەندە ئەز خواندەڤایێ رۆمانا مە و پرانیا ئەو رۆمانێن من خواندین من دەست ژێ بەرنەداینە، لێ راستتر بێژم خواندنا ڤێ رۆمانێ ژ دوو لایەنانڤە بۆ من گرنگ بوو، ئێك: ژیانا كەلتوری یا كوردەواری، ژیانا گوندان، سەرەدەریكرن دگەل كێشان، چارەسەركرنا كێشان و مەزنكرنا وان، ئاین، كو بەشەكێ مەزنێ ڤێ رۆمانێ بخوەڤە دگریت، زەلامێن ئاینی و باندورا زەلامێن ئاینی و باوەریا خەلكی ب وان، دوو: بابەتێن مێژووی یێن سیاسی و كورد دڤێ ھەڤكێشە و ململانێدا، مللەتێن دی لدویڤ چ پیڤەر كوردان د ھەلسەنگینن، ئایا رەفتارێن وان دەربرینێ ژوان دكەن یان ئەو ژی ژلایێ دەولەتێن دیڤە ھاتینە خاپاندن؟ و چەندین بابەتێن دی كو براستی د رۆمانێ دا گەلەك دەرگەھـ دھێنە قوتان و دڤێت مرۆڤ خواندنێ زێدەتر بدەت ڤان جورە بابەتان و كاریگەرییا وان ل سەر ئەڤرویا مە یا كوردستانێ، راستە ھندەك بابەت و روودان یێن بوینە مێژوو و پەرێن وان یێن ھاتینە پێچانێ، لێ باندورا وان یا ھەی و ئەو مە دبینن ئەگەر ئەم كورد ئەگەر نەباینە، نوكە مێژوو ب رەنگەكی دیبایە و نمونا سەلاحەددین ئەیوبی و دوزا كوردی و نەڤیان و ترسا دەولەتێن زلھێز كو كورد ببنە خودان كیانێ خوە و ئھا دڤێ رۆمانێ دا، كێشا ئەرمەنییان، كومكوژییا ئەرمەنیان ژی ب رەنگەكی و دوویان جھێ خوە دڤێ رۆمانێ دا گرتییە.

د رێكا مندا بۆ كومەلگەھا شاریا

عبدالرحمن بامەرنی

ژبەركو مالا من نزیكی كومەلگەھا شاریانە، پرانیا جاران چ بۆ گەریان یان بۆ كرینا تشتان ئەز قەستا بازارێ وێ دكەم و تایبەتی ژی كرینا ماسییان، ژبەركو ماسیێن بەحرێ ل وێرێ بدەست دكەڤن و د نوینە، بەری ئەز (بەحسا مزەیتا باجان سوركان) بكەم، ھندەك راستییان ژ شاریا و خەلكێ وێ دێ بەحس كەم. ئەڤرو بوو ل ناڤ شاریا من پیكەمەكا تژی (تڤر) دیت، ژبەركو ژی (تڤر) ژ بۆ حەفكێ و تایبەتی كوخكی باشە و چەند نەخوشیێن دی،

چەند سەرنجەك ل سەر كێشێن كوردا یێن جڤاكی

عبدالرحمن بامەرنی

د پەراوێزا دەھەمین فلمە فیستەڤالا دھوكێ دا، چەندین فلم یێن كورت و درێژ ھاتنە پیشاندان، ئەز بتنێ دێ بەحسا فلمەكێ درێژ و دوو فلمێن كورت كەم، كو بابەتێ ھەر سێ فلمان بابەتێن جڤاكی بوون، زێدەتر پرسا ژنان دھاتە ئازراندنێ، نە یەكسانیا دناڤبەرا ژن و زەلاماندا. ئەز بەحسا سەركەفتن و سەرنەكەفتنا چ ژوان فلمان دڤێ گوتارێ دا ناكەم، لێ ئایا ئەم دشێین چ رێك بگرینە بەر بۆ چارەسەركرنا پرسێن جڤاكی و تایبەتی ژی یێن ژنان، لڤێرە ھونەرمەندێ كورد، برێكا فلمسازیێ ئەڤ دەرگەھە یێن قوتاین، د فلمێ ئێكێدا كو فلمەكێ درێژ بوو، فلم ژیانا كوردەواریێ بوو، ژن و زەلامەك تێدا ئەكتەرێن سەرەكی بوون، ژیانا وان یا گوندی، كارێن ژنان و كارێن زەلامان، لێ ڤێ ژنێ ھەست ب ڤالاتیەكێ دكر، زەلام پیتەی پێنادەت و ب (ژنەكە) ناڤێ وێ دئینیت و ھەردەم ھەست ب نەئارامیێ دكەت و گرانیا لەشێ خوە، تا دووماھی جار ژ زەلامێ خوە داخوازدكەت وێ بگەھینتە نەخوشخانێ و ژبەركو ئالاڤێ ەھاندنێ بتنێ ماتورەك ھەبوو، زەلامی دھاژووت و ژن ل پشت وی بوو، لڤێرە ژن نەچاربوو ژبۆ خوە گرتنا خوە كو نەكەڤیت خوە ب زەلامی ڤە بگریت و بڤێ رێكێ ژن گەلەك نزیكی زەلامی بوو و ئێكسەر ژ زەلامێ خوە داخازكر، وێ نەبەتە نەخوشخانێ ژبەركو تەندروستییا وێ باش بووڤە.

(رێژین حكمەت) و خواندنا وێ ل سەر رۆمانا من رەشكۆی.

د ڕۆمانا (رەشكۆ)یدا من رەشكۆیەكێ زیندی نە یێ مری دیت

رێژین حكمەت

ئەڤە ئێكەم ڕۆمان بوو ئەز ب خواندنا وێڤە دوەستیم، بەلێ ل دوماهیێ من خۆشییەك ژێ دیت، ژبەركو بۆ من ڕۆمانەكا جوداتر بوو ژ وان هەمی ڕۆمانێن من خواندین، تایبەت یێن دەڤەرا مە. خالا سەرەكی یا ئەز ب ڕۆمانێ ڤە گێردایم، گرنگێدانا نڤیسەرییە ب خالبەندییێ، نڤیسەری ئەگەر بڤێت خواندەڤانی ب پەرتووكا خۆڤە گرێدەت، دڤێت گرنگیێ ب تەكنیكا نڤیسینێ و بكارهینانا خالبەندییێ بدەت.

خالبەندی هندەك نیاشان و هێمانە دڤێت ل جهێ وان یێ دروست بهێنەدانان، هەروەسا دڤێت ئەو نیشان بمیننە ب پەیڤا ژ بەری خۆڤە، جودابن ژ پەیڤا پشت خۆڤە، ئەڤە ژ بلی نیشانێن كەڤانێ. نڤیسەر شییایە ل سەر ڤێ چەندێ زال بیت، ڤێ ئاریشەیێ د بەرهەمێ خۆ دا ل پێش چاڤێ خواندەڤانی ڕاكەت نەهێلیت. ژبەركو ڤەكۆلینا من یا زانكۆیێ ل سەر خالبەندییێ بوو، كو مخابن گەلەك نڤیسەرێن مە گرنگییێ نادەنە خالبەندییێ و هەتا وی ڕاددەی پەرەگرافەكێ درێژ دێ خوینی و تو ئێك فاریزە تێدا نابینی، هەر بۆ نموونە و من بۆ ڤەكۆلینا خوە ژی نموونا ڕۆژنامێ و گۆڤارێ و پەرتووكەكا قوتابخانێ و دیسان بەرهەمەكێ ئەدەبی وەرگرتبوون.

سەبارەت (ژن و زەلامان)

عبدالرحمن بامەرنی

من تەماشای بەرنامێ تەڤن دكر ئەڤێ ژ لایێ (رێبەر كوردو) ل سەر شاشا وارتیڤی دهێتە پێشكێشكرن و پرانیا جاران دوو كەس مێهڤانێن وینە و ڤێجارێ بابەت ل سەر ژنان بوو. تشتێ بۆ من ژ وێ خەلەكێ بالكێش و ئەز پالڤەدایمە نڤیسینا ڤێ گوتارێ، دەما ئێك ژ مێهڤانان دگوت (سویندا ژنان ب بسكێن سور و یێن زەلامان ب سمبێلان) بوو و بەرنامە هەلگرێ چەندین تەوەرێن دانوستاندنان بوو، كو بەرنامە ب سەرێ خوە و گوتارا من ب سەرێ خوە، لێ گەلەك جاران مە د دانوستاندنێن خوەدا ئەڤ سوحبەتە كریە، ئایا ژ كەنگی وەرە پێگەیێ ژنان هاتیە بەزاندن و ژ كەنگی وەرە زەلامسالاری دروست بوویە و ژ كەنگی وەرە یەكسانییا دناڤبەرا ژن و زەلاماندا تێكچووبیت؟! كو ئەڤ پرسیارێن هەنێ، هەلگرێ چەندین بەرسڤانە و گەلەك جاران دهێتە ڤەگێران، كو نە ژمێژە كور دگەل كچان و ژنان دچوونە هەژكان، كەزان و بێمكان و یا من دڤێت بێژم نە بتنێ ل دەف مە،

خەیالدانا كوردان د ناڤبەرا ئاگەھی و بێئاگەھیێدا

عبدالرحمن بامەرنی

پێشەكی:

بەری دەست ب نڤیسینا خوە بكەم، فەرە ل سەر چەند تێگەھان روونكرنێ بدەم. مەبەستا من ب خەیالدانێ(التخیل)، ئەو خەیالدان نینە ئەوا شعر پێ دھێنە نڤیسین یان ئەو خەیالدانا دژیانا ھەر ئێك ژمەدا رووددەت و ھزرێن نەباش و یێن نەرێنی دگەل مەدا دروست دكەت. ئەو خەیالدانا ئەز ژێ بەحس دكەم، زێدەتر گرێدایی پرسێن چارەنڤیسسازە، پرسێن گرێدایی ئایندەی، ژ پرسێن ئیجابی بۆ پرسێن نەدیار. ئەو خەیالدانە یا دناڤ تاكێن كومەلگەھیدا بةلاڤ دبیت و خەلك بەرگریێ ژێ دكەن و ھەمی تشتان، ھەمی دیتنان و رەفتاران د چوارچوڤێ وێ بیركرنێدا دبینن، ئەوا خەیالا وان بۆ دچیت، وێنەكرنا بوویەر و روودانان ب ئێك ئاراستە و ئێك بینین! تشتێ ڤێ خەیالدانێ ئاراستە و وێنە ژی دكەت، ئەوە یا كونترولێ ل سەر مێشكێ كومەلێ دكەت، من بەحسا كومەلێ كوردییە، دەما دكەڤیتە بن باندوورا ڤێ خەیالدانێ و ئاراستەكرنا مێشكێ وی، چ ژ ئاگەھی بیت یان بێ ئاگەھی.

خواندنەكا رەخنەیی یا نڤیسەر (محسن عبدالرحمن) ل سەر كورتە چیرۆكا من شوكرویا عەزێ و سوپاس بۆ دیتن و ماندیبوونا نڤیسەری

 شوکرۆیا عەزێ و گرێیا پەرێ سۆر!

محسن عەبدلڕەحمان

ده‌رازینك:

شوکۆریا عه‌زێ‌ ناڤێ‌ كورته‌چیرۆكه‌كا جڤاکییە، نڤێسه‌ر عه‌بدلڕه‌حمان بامه‌رنی ئەو كرییه‌ ناڤێ‌ كومه‌له‌یا كورته‌چیرۆكێن خۆ ئه‌وا ژ 23 كورته‌چیرۆكان پێكدهێت، چیرۆك هه‌لگرا ناڤه‌ك نه‌ریتیێ‌ مللییه‌، ئه‌وژی بچویككرنا ناڤێ‌ (شوكریا كچا عه‌زیزایێ‌)یه‌، كو بچویكرنا ناڤان و گازیکرن بناڤێ دایکێ د جڤاکێ کوردی دا ب مه‌به‌ستا نازداركرن و خۆشتڤیاتیێ‌ یه‌، له‌ورا ئاساییه‌ ناڤه‌رۆك و ڤه‌گێڕان ب زاراڤه‌ك مللی و شێوازه‌ك نێزیكی فولكلوری بیت، هه‌ما ئه‌و بوو چیرۆكنڤێسی چیرۆك ب (هه‌بوو نه‌بوو) ده‌ستپێنه‌كری، ئانکو پتر ژ کورتەچیرۆکا هۆنەری نێزیکی سەرهاتیێ یە، لێ د ڤەگێرانێ دا بئاگەهـ یان بێئاگەهـ هندەک پەیڤ ژ ئەزمانێ ڤەگێڕی کەفتینە، ژ قەلەمێ وی خۆ ڤەدزینە، کو جهێ لێ راوەستیانێنە و ئەو مینا کلیلانە بو چوونا ناڤا دەقی.

پێشه‌كی:

نه‌ریتییه‌ كو نڤێسه‌ر جاران ناڤێ‌ چیرۆكەکێ یان شعرەکێ بۆ كومه‌له‌یا خۆ دهه‌لبژێریت، کو یا گشتگیرە بو کومەلویێ یان تایبەتمەندییەک لدەڤ نڤێسەری هەیە، هەچکو نڤێسەر دبێژیتە خواندەڤانی ئەڤە کومەلەیا من لێ فلان دەقی ژبیرنەکە! ل پەی خواندن و تێگەهشتنا من و دبیت وەسا نەبیت، ناڤێ شوكرۆیێ بۆ نڤێسه‌ری تایبه‌تمه‌ندییه‌ك هه‌یه‌، ب هەلبژارتنا ناڤێ شوکرۆیێ، هەچکو چیرۆکنڤێس دبێژیتە خواندەڤانی ژبیرنەکەی، هەر چیرۆکا شۆکرۆیێ بخوینی، جاران ژی ناڤ کلیلە بو هندەک دەرگەهێن گرتی و ڤەکرنا هندەک گرێکێن گرێدایی دەمەکێ دەستنیشانکری، چنكو ناڤێن کەسی ژ بێژەیەکێ بو دانەنیاسینا مرۆڤی دەربازی ناسنامەیێ دبیت، ناڤ هێمایێ ناڤکرییە، ئەو نەتەوە، دین، دەڤەر، ئاراستە...دیارکەن، دیسان وەکو مودێلا جلکان گوهۆڕین ب سەردا دهێن، دەمێ سنێلەییا نڤێسەری ناڤێن کچان (شوکریا، سەعدیا، قەدریا، رەمزیا..) بوون، پاشی تا ناڤەراستا نۆتان بوون بوونە (ڤەژین، پڕژین، ڤیان، ژیان...) و نها مودێلێ باوەرداریێ یە (ئیلاف، مدیەن، کەعبە، ثوبية، جەننەت، ضحى، مەئوا، ...). ئانکو دشێین بوونا شوکرۆیێ بو سالێن حەفتێیان ڤەگەرینن.

كاراكته‌رێن چیرۆكێ و جهـ‌:

ئەز و پەرتووك

عبدالرحمن بامەرنی

تشتەكێ ئاساییە ھەر تاكەكی گرنگیدانێن خوە ھەبن و یا من بخوە پەرتووك بوون. تشتێ ئەز كێشیایمە جیھانا پەرتووكێ، ئەو جیھان بوو یا ژ دەرڤەی خەیالێن من، ژ دەرڤەی خێزانێ، ژ دەرڤەی قوتابخانێ و ئەوا دناڤ پەرتووكێن قوتابخانێدا، ئەڤ سێچارەكێن من گوتین، تشتەكێ ئاساییە بۆ ھەر تاكەكێ ژیانەكا ئاسایی ببەتە سەر، لێ دناڤ پەرتووكێدا، مرۆڤ جیھانەكا جوداتر دبینیت، سەربورێن كەسێن دی، روودانێن سەیر و ڤەگێرانێن لایەنێ دی یێ مرۆڤ تێدا دژیت. بیرا من ل ڤەگێرەكێ دھێت، گوندیەكی كو بتنێ دەوروبەرێن گوندێ خوە دیتی و تێدا ژیایی، جارەكێ (بابە دەروێشەك) ل گوندێ وان دبیتە مێھڤان و دبێژیتێ ژ دەرڤەی گوندێ وە، جیھانەكا دی یا ھەی، جیھانەك گەلەك مەزنتر و جوداتر ژ ئەڤا ھین دبینن و مامەلێ دگەلدا دكەن.

گرنگیا گێرانا (فێستیڤالا دانیكا و فێستیڤالا بەرورایا) د چ دایە؟!

عبدالرحمن بامەرنی

دڤان چەند رۆژان دا چەند چالاكیێن جودا ھاتنە ئەنجامدان، چالاكیێن رەوشەنبیری و كەلتوری و ئابوری و ئەو چالاكی ژی ل دەرڤەی پارێزگەھێ بوون، ل گوندان وەك یا بەكر بەگێ ئەرزی و یا سێڤێن بەرواریا و یا دانیكا ل بامەرنێ. د ھەر سێ چالاكیان ژیدا خەلكەكێ زێدە بەرێخوەدابوویێ و ھەر كەسەكێ خواندنەكێ بدەتێ، ھەم چوونا خەلكی بۆ ڤان چالاكییان، بەشدارییا وان لڤان خرڤەبوونان، دێ زانیت ئەڤ چالاكیێن ھەنێ چەند دگرنگ بوون و ب تایبەتی ژی بۆ ئەڤرویا نوكە ئەم تێدا دژین، قەیرانێن ئابوری و یێن سیاسی، رێژا بێكاریێ و ئێدی خەلكی ھەناسەكێشانەك دڤێت، كو رێكا دوویێ بكەیڤتە بەرچاڤێن وی، دنیابینینەكا دی و ھندەك ھیڤی و ئومێدێن دی.

ئەگەر ئەز چالاكییا رەوشەنبیری یا بەكر بەگێ ئەرزی ژناڤ دەربینم و بتنێ ل سەر ھەردوو فێستیڤالێن دانیكا و بەرواریا راوەستم، ئێك چالاكیەكا كەلتوری و ئێك ژی چالاكیەكا ئابوری، چالاكیا كەلتوری یا سێھەمین فێستیڤالا دانیكا بوو، كو خەلكێ بامەرنێ بخوە پشتەڤانییا وێ دكەن و ئەڤە جوداتر ژ فێستیڤالا بەرواریا، كو جھێ وێ یێ گونجایە، پێش وەخت بەرھەڤی بۆ دھێتە كرنێ و لایەنێن فەرمی پشتەڤانییا وێ دكەن، لێ تشتێ ھەردوو فێستیڤالا نزیكی ئێك دكەت و ببیتە ھێڤێنێ ڤێ نڤیسینێ، وەكھەڤیا ھەردوو فێستیڤالانە د چەند خالەكاندا، كو گەلەگ گرنگە پیتەكێ زێدەتر بۆ بھێتە دان و لایەنێن پەیوەندیدار خوە لێ بكەنە خودان.

دگەل بیرئانینەكا (سەدیق شەرو)ی!

عبدالرحمن بامەرنی

پرانییا قوتابیان و خوە ماموستا بخوە ژی، ل نڤیسینا دارشتنێ ئاسێ دمینن! ماموستا پێشوەخت دێ بابەتەكی بۆ قوتابییان دەستنیشان كەت، رەنگە دێ هندەكێ بەحسێ بابەتێ دارشتنێ كەت و هندەك سەرقەلەمكان ژی بۆ قوتابییان بەرچاڤكەت، لێ دەما دارشتنێن قوتابیان دگەهنە بەردەستێ ماموستایی، رەنگە دێ هەمیان ژی خوینیت، لێ یێ پشت راستە پرانییا ڤان دارشتنان قوتابیێن وی نە نڤیساینە. رەنگە ماموستا دێ بۆ خوە هزر دكەت، ئەڤە ئەركەكە دڤێت قوتابی جێبەجێبكەت و ئەو هزردكەت پەنابرنا قوتابیێ وی بۆ كەسەكێ دی، كو دارشتنێ بۆ بنڤیسیت، د خوەبخوەدا تەمامكرنا ڤی ئەركییە.

سەرحوچەكی تاك بكەن

عبدالرحمن بامەرنی

هەڤالەكی گوت: "دا ب

چین حەبكەكا فیتامین (D) بخووین"، من گوتێ: "حەبكا فیتامین (D) یانكو چ؟". گوت یانكو خوە بدەینە بەرهەتاڤێ و بابەتێ مە چوو سەر مفایێ فیتامین (D)، مفایێن وێ بۆ لەشی و ب هێزكرنا هەستییان و ڤەكولینێن تازە ئاماژێ ددەن، كو ئەڤ فیتامینە بۆ وەرەرا عەقلی باشە و لدویڤ داتایان بیت، پرانیا خەلكێ مە ئەڤ فیتامینە لدەف یێ كێمە، ژبەركو كێم دچنە بەرهەتاڤێ و بابەت چوو سەر وەلاتێن پێشكەفتی و ئەڤێن ل سەر لێڤێن دەریایێ و چاوان لەشێ خوە ددەنە بەر هەتاڤێ و كورتییا بابەتی، ئەم ل رۆژەكا هاڤینی چووینە سەر خابیری و مە خوە ئێخستە ئاڤێ و نزانم چاوان بیرا من چوو سەر حەبكا فیتامین (D) و من گوت ئەڤە خوش دەلیڤەیە، ئەز چوومە د ئاڤێدا و من خوە بەر هەتاڤ كر، زێدەتر ژ نیڤ دەمژمێرێ من ئەڤ كارەكر و من چ مەرهەمێن سوتنێ ژی د لەشێ خوە نەدابوون و باجا ڤێ چەندێ ژی، سێ رۆژان كەتمە د خانیڤە و سەرێ من د خورییا، ژبەركو سەرێ من یێ نیڤ حوچ بەرگرییا تیشكێن گەرمێن هەتاڤێ نەكر.

سلاڤەك بۆ سەیدایێ حەجی

عبدالرحمن بامەرنی

سەیدایێ حەجی كورتكریێ سەیدایێ (حەجی برەھیم) بوو، ھینگێ ئەز ل پێنجێ سەرەتایی بووم و ئەو بۆ مە ل وانا ئاینی دھات، تشتێ ژ بیرھاتنێن سەیدایێ حەجی چ جارەكێ ژبیرا من نەچیت و من بۆ خوە وانە ژێ وەرگرتی، دەما ئەنجامێن دووماھیا سالێ ل سەر قوتابیان بلاڤدكرن، باش بیرا من دھێت، ل گورەپانا قوتابخانا بامەرنێ یا سەرەتایی، قوتابی پول پول د رێزكری بوون و ئەنجامێن قوتابییان ژی پول پول ڤێرا دھاتن و ناڤ گازی دكرن، گەھشتە پولا پێنجێ و بۆ دلقوتكا مە، دەما سەیدایێ حەجی ناڤێ من خاندی، ھوسا گوت: "كورێ مەلایی یێ ل دەرسا ئاینی كەفتی!".

(هەلبەستا پەخشانكی)... دەستهەلاتا لێگەریانێ‌ د شعرێ‌ دا و چەند نمونە نەصیر ئەلشەیخ

وەرگێران ژ عەرەبیێ: عبدالرحمن بامەرنی

هەلبەستا پەخشانكی دڤان دوو دەهكێن دوماهیێدا، ب بەرفرەهی خواندن و نامە و ڤەكولین لدوور مێژوویا وێ‌ و گوهورین و پێشكەفتنێن ب سەردا هاتین، بخوەڤە دیتن. دكتور (سەلمان كاصدی) ژی هلكولانێن خوە یێن رەخنەی، د پەرتووكا وی دا (هەلبەستا پەخشانكی؟ خواندنەكا رەخنەی)، كو ل دەزگەهێ‌ چاپ و بلاڤكرنێ‌/ عومان سالا 2010ێ‌ چاپبوویە، هەنە.

هەر ل پێشگوتنێ‌ نڤیسەر رژدیێ‌ دكەت: (ل سەر مە پێدڤی یە ئەم دان ب راستیەكێ‌ بدەین، سەرهلدانا نەوەیەكی رەنگەكی د پەخشیتە نوویاتیەكێ‌، ژ ئەگەرێ‌ دیتنێن وی بۆ یاسایێن شعرا نویخاز، ناڤ لێئینانا هەلبەستا پەخشانكی جارەكێ‌ و ب هەلبەستا شعری جارەك دی، لڤێرە من نەڤێت ئێك ژ هەردووكان ل سەر یا دی دروست دەربێخم، هندی هەلبەستا نوی ئەوا شاعرێن عەرەب د نڤیسن، كو ستایلەكێ‌ نویخاز هەی و خواندەڤایێ‌ تێكستی، ئەوا ئەم ژێ‌ پێشبینی دكەین ببیتە (بەرهەمهێنەرێ‌ رامانێ‌)، یان كو خواندەڤایەكێ‌ پوزەتیڤ بەس نینە، ب تێنەگەهشتنەكا نە دروست بۆ پێشوازیكرنا تێكستێ‌ شعری، ).

دپەراوێزا فێستیڤالا دوماندا، (ھوستا).. ئەڤ پەیڤا كورد ژێ د ڤەجنقن؟!!

عبدالرحمن بامەرنی

دەستەواژەیێ پیشەداریێ یانكو ھوستاكاری، لدەف مە كوردان تشتەكێ شەرم بوویە و ھێشتا ب دروستاھی نە كەفتیە سەر زارێ مە و سەرەرای ئەڤرویا یا ئەم تێدا دژین، تەكنەلوژیا سەردەم، پیشەسازییا جیھان گەھشتیێ، ھەمی بەرھەمێن وێ ھوستاكاریێ و پیشەداریێ نە. ھندەك راستیێن مێژووی یێن ھەین فەرە ئەم دەرگەھێ وان ب قوتین، چ ئەو راستیێن ھەنێ د باش بن یان ژی د خراب، لێ ئەڤە بەشەكە ژ كەلتور و مێژوویا مە و ئەز دێ بەحسا پیشەداریێ، ھوستاكاریێ كەم و راستی ئەڤە ژمێژەیە ئەز بڤی بابەتیڤە مژوول، بوچی كوردان پیتە ب پیشەداریێ نەدایە، ئایا راستە ھوستاكاری ل دەف كوردان شەرم بوویە و ب چاڤەكێ كێم ل ھوستایان سەحدكرن؟!!

لدویڤ ئەوا ب بەرچاڤێ من كەفتی، كوردان زێدەتر حەژ ئاژەلداریێ دكر، بەلگە ژی بۆ ڤێ چەندێ، گوندێن كوردان زێدەتر گوندێن چیایینە و نزیكی وان دەڤەرانە ئەڤێن گژو گیا و ئالفێ ئاژەلی لێھەی، ژبلی برگەیێ ھەبوونا ئاڤێ، كو ئەڤە بۆ ب خودانكرن و ئاڤدانا ئاژەلداریێ گرنگە و ئەگەر ل شوونەوارێن گوندێن كوردان ژی بگەری، رەنگە دێ بەرێن ئاشێن ئاڤی ب بەرچاڤێن تەكەڤن، لێ وەك ئاڤاھی،

چیرۆك و چیڤانۆك و سەرھاتیێن كوردی و راوەستیانەك

عبدالرحمن بامەرنی

ئەم نەشێین بێژین ستران بەری دھێت یان ژی ڤەگێران و ئەڤە بابەتێ من ژی نابیت، ژبەركو ئەز دێ زێدەتر ل سەر پولینكرنا ڤەگێرانێن كوردی راوەستم، دەم و جھێن لێ دھاتنە ڤەگێران و بۆ نمونە، دەمێ گوتنا سەرھاتیەكا كوردی جوداتر بوو ژ دەمێ ڤەگێرانا چیرۆكەكێ و ھوسان دەمێ ڤەگێرانا چیرۆكەكێ جوداتر بوو ژ دەمێ ڤەگێرانا چیڤانوكەكێ و رەنگە ڤەگێرێن ھەر سێكان ژی تایبەتمەندیێن خوە یێن جودا ھەبن و ئەگەر ئەم ژ لایێ پولینكرنێ ژی ڤە ل سەر ڤەگێرێن كوردی راوەستین، ئەز باوەرم ئەم دێ كەینە سێ بەش و بڤی رەنگی (سەرھاتی، چیرۆك و چیڤانوك).

بوچی ئەز ڤی بابەتی بگرنگ بزانم، كو ڤەكولینێ ل سەر بكەم! ژبەركو دێ شێین ب خواندنێن زێدەتر دڤی بواریدا، د تەڤنێ پێكڤە ژیانێ، د تەڤنێ داب و نەریتێن كوردی، د تەڤنێ چارەسەری و بەرسینگرتنا كێشەییان، روودانان، پێشھاتان، رەوانبێژیێ و ھەلكەفتان راوەستین و دێ مە خواندنێن دروست ژبۆ ھەبن.

چ جوداھی دناڤبەرا ھەر سێكاندا ھەیە؟ رەنگە گەلەك ژمە ھەمان پرسیار لدەف دروست ببیت، ئایا ما ھەر سێ ناچنە د قالبێ چیرۆكێدا، رەنگە ب سەرڤەیی و بەرسڤەكا سادە بێژین بەلێ، لێ مەبەستا مەیە ئەم پولینكرنەكێ بۆ بدانین، دا د ھەر ئێكێ بگەھین جوداتر ژ یا دی و بھزرا من، ئەم دشێین بڤی رەنگی ھەر ئێكێ ژ یا دی جودا بكەین.

سەرھاتی:

ئەڤ سەرھاتیە دكورتن، زێدەتر سەربورن و بۆ مفا وەرگرتنێ دھێنە ڤەگێران و گەلەك جاران ژی بۆ بێھن فرەھیێ ل سەر روودان و بوویەران دھێنە گوتن، چ وەك ئارامكەر، بێھن فرەھی، باشتر ھزركرن و تا داویێ، ژبەركو سەرھاتی بخوە دچیتە د قالبێ شیرەتكرنێ دا . ئەڤا ئەز دبێژم ل سەر پرانییا سەرھاتییا دھێتە گوتنێ، شیرەت كرن ژی چ وەك بێھنفرەھی بیت، بۆ نمونە ل ناڤ بەھییان سەرھاتی زێدە دھێنە گوتنێ، مەبەست ژێ خودانێ بەھیێ یێ بێھنفرەھـ بیت و خوە ل بەر نەخوشییا خوە بگریت، سەرھاتی دھێنە گوتن ل سەر كاری، ل سەر ھەڤكاریێ، ل سەر ئێكگرتنێ، ل سەر دلپاقژیێ، ل سەر پاكیێ، ل سەر تولڤەكرنێ و دوژمنكارێ و شەری و لێبورینێ و پەیوەندیێن كومەلایەتی و كەیف و خوشیێ و ھاندانێ و گەشەپێدانێ ژی.

سلۆیێ كورێ سەلیمی

عبدالرجمن بامەرنی/ كورتەچیرۆك

سالێن نوتان ژ چەرخێ بوری، چاڤێن ھەمیان ل دەستێ نیاسێن وان بوون ئەڤێن ل دەرڤەی وەلاتی، بتنێ سەلیمێ ئیسێ نەبیت! چەند ئێكی گوتبایێ، كورێ من، برایێ من یان كورخالەتێ من وەرەقەك یان دوو وەرەقێن دولاری یێن بۆ من فرێكرین، بێ حەمدی خوە دا تف كەتە سلۆیێ كورێ خوە!

جارەكێ ژ دەڤێ من دەركەت و من پرسیارا سلۆی ژێكر؟ لێ ھێشتا پرسیارا من ب تەمامی ژ دەڤێ من دەرنەكەفتی، ئەو سەلیمێ ژ خەبەر و گوتنێن كەشەفرێت كوفر، دڤیا ژ دینێ خوە دەركەڤیت و گوتی: (خوزی ئەو كورێ كەری، ھەر سلۆیێ بەرێ بایە و نەكو سلێمانێ نوكە). نە بتنێ من، ھندی كەسەكی سلێمانێ ئیسێ ناسدكر، مرۆڤەكێ جوامێر بوو و ئاخفتنا كرێت ژ دەڤێ ڤی خوشمرۆڤی دەرنەكەفتییە، لێ پشتی سلۆیێ كورێ خوە فرێكریە دەرڤەی وەلاتی، ئەڤ سلێمانە ژڤی دەستی یێ چوویە دەستێ دی.

نەتلەكا كارەبایی!!

سونیا بوقدەیدە/ تونس

وەرگێران: عبدالرحمن بامەرنی

وەك پالەوانان ل سەر تێلان دلەیزت، كەنیا زارۆكان دئینا

مومەك ددەستێن وێدا بوو، دوكێلا وێ‌ رەش دبوو و د حەلییا...

هاتنا بای ئارامیا وێ‌ تێكدا و یا ل ڤالاتیا لبن خوە دنێریت...

ئەو نە بوو یا بەرگری دكر...

بەلكو زارۆكا..

ژیانا وێ‌ بلەز دەرباز دبوو

وەك شەریتا (ئەكشون) یا دەرهێنەرەكێ‌ سەرگردان...

بیرا وێ‌ ل شووماتیێن وێ‌ هات..

قوتانا زارۆكێن تاخی.. سەرێ‌ وان ددا بەر بەرا..

لێگەریانا وێ‌ ل هێلینێن چووچكان و شكاندنا هێكێن وان..

گریانا وان، دەما دایكێن خوە ددیتن و بترس ل هنداڤی وان دزڤرین

بیرا وێ‌ ل گەرمە تەحرێ‌ هات یا زارۆكێن خالەتا خوە تێدا كومكرین و

ئەو برینە سەر بیرێ‌

عەریفێ میسل و حكومەتا ھەرێمێ

عبدالرحمن بامەرنی

ئەڤا ئەز دێ نڤیسم ل دەستپێكا سالا 1990ێ بوو یان كو بەری سەرھلدانێ ب سالەكێ و ھینگێ ئەز ل (عێن زالا) عەسكەر بووم. ژبەركو ئەم دەرچوویێن وی سەردەمی ل ئێك گەرا عەسكەریێ بووین، دێ گەلەك ھەڤال دیدەڤانیێ ژی بۆ ڤێ گوتنا من دەن، ئەم ل (موعەسكەر تەدریب) بووین، عەریفەكێ خەلكێ میسل فەسیلا مە برێڤەدبر، عەریفەكێ ھەتا بێژی سەرسەری، كورێ دەقدایەكێ، دێ بێژی دنیا ھەمی یا دبن كەفشێ ویڤە، پتریا فەسیلا مە ژی عەرەبێن میسلێ بوون، وەسا چێبوو ئەفسەرەكێ خودان ئێك ستێر بۆ سەرپەرشتێ فەسیلا مە و رولێ عەریفێ میسل كێم بوو یانكو بكورتی ئەوا بۆ د سەرفی ئێدی ژ دەستا ھاتە دەرێ، رۆژەكێ كو ئەفسەر یێ ئامادە نەبوو، عەریفێ مە بۆ برا بابێ مە، خوە ل سەر سەرێ مە كرە شەریف، ئەم مەزھەب سنینە و و ئەم خەلكێ ئێك دەڤەرین، نابیت بھیچ رەنگەكی كەسەكێ دی ژ جنوبێ عیراقێ بھێت و مەزھەبێ وی وەك یێ مەنە و فەرمانێ لمە بكەت، حال چ حال، ئەو ئەفسەر، كەسەكێ رەوشەنبیر، یاسا زان، مە تاما عەسكەریێ ل سەر دەستێ وی زانی و خەلكێ جنوبێ عیراقێ بوو، عەریفكێ مە ژی كو دگوتی ئەم یێن ئێك دەڤەرین، بھەمی رەنگی مە ئیزعاجیا خوە ژێ ددیت و ھندەك ھەڤالێن مە یێن خەلكێ میسل دڤیان پشتەڤانیا وی بكەن و دگوتن: "ئەڤە سەد قات بۆ مە باشترە ژ ئەفسەرەكێ جنوبێ عیراقێ".

دەستكەفتێن ھەرێمێ ژ بودجێ عیراقێ؟!!

 عبدالرحمن بامەرنی

تشتەكێ ڤەشارتی دناڤبەرا حكومەتا عیراقێ و حكومەتا ھەرێما كوردستانێ دا یێ ھەی و بتنێ حكومەتا ھەرێما كوردستانێ یا باجەی ددەت، ژ حكومەتا ھەرێمێ ژی بتنێ ھاولاتیێ بەدبەخت، كی ژڤێ چەندێ بەرپرسە، كی لێپرسینێ دكەت، خودێ دزانیت و حزبێن مە؟! دا جارێ بەحسا عەرەب و كوردان بكەین، عەرەبان سەرێ كوردان نەڤێت و بھەمی رەنگەكی دژی بەرژەوەندیێن كوردانە، ئێ ئەڤە ژی مە قەبیلە، عەرەب دژی بەرژەوەندیێن كوردانە، ئێ بوچی ل دادگەھا فیدرالی ئەم دھێینە دوراندن، خوە دادگەھـ لدویڤ ھندەك بنەمایان كەیسان ئێكلادكەت! لڤێرە ئەم دكەڤینە بەرامبەری دوو ئەگەران، یان ئەم ھیچ ژ سیاسەتێ نزانین، ئەم ب گوندیكانی و ھێشتا ئەم ب عەقلیەتا چیای سیاسەتێ دكەین، ژخوە ھەر سال كێشا بودجەی ل عیراقێ یا ھەی، ھەر سال ژی كورد خوە ددەنە بەتەنێ و دبیتە لاڤەلاڤا وان، قەیرانێن ئابوری و دارایی دناڤدا سەرھلددەن؟

لدوور تازییان، كوچەرێن دەڤەرا قەسرۆكێ چەند بریاردان!!

 عبدالرحمن بامەرنی

ھوسا ھاتییە بلاڤكرن كو شڤێدی خەلكێ چەند گوندێن كوچەران ل دەڤەرا قەسرۆكێ چەند بریارەك لدوور تازییان دەرئێخستینە،
ژوان ژی: (رۆژا ئێكێ یا تازیێ فراڤین ل مالا تازیێ نینە و رۆژا دوویێ شیڤ خارن نینە بۆ گوندی یان خزمان، یان جابا كەس و كارێن خوە فرێكەت ب مەبەستا شیڤ خارنێ و بریار ھاتیە دان ھەر كەسەك بۆ شیڤ خارنێ قەستا مالێن خوە بكەت و مالا تازیێ بتنێ دێ خارنێ بۆ وان كەسان چێكەت، ئەڤێن ژ دویر ھاتین و حەفتییا مری ژی ھاتیە راكرن).
ئەز بخوە ب باشترین بریار دزانم و دەست خوشیێ ل وان دكەم، خوزی ھەر ئێكی دیتنا خوە دیاركربا و چ باش یان خراب!!! من گوت ب باشترین بریار، ژبەركو نوكە ھندەك تیتالێن دەركەفتین، خەلكەكێ ھەژار ژی

كێشە د سەرۆكانیێ دایە!

 عبدالرحمن بامەرنی

دەما كێشە زێدەبن، قەیران دبێژنە قەیرانێ جھێ من بكە، ھینگێ دڤێت مرۆڤ پێداچوونەكێ دخوەدا بكەت، ئایا خەلەتی ژكیڤەیە و ئەڤا ئەز دێ نڤیسم، ژ بەرپرسێ ھوبێ، بەرپرسێ بەشی، رێڤەبەری، رێڤەبەرێ گشتی و تا گزیری بخوەڤە دگریت و ھەر كەسەكێ گومانێ ژخوە ببەت، رێك من بەحسا وییە.
حاكمەكی ھەڤژینا خزمەتكارەكێ خوە دیت و دلێ وی كەفتێ، نەزانی دێ چاوان خوە نزیكی وێكەت. رۆژەكێ كارەكێ دەرڤەی باژێری بۆ خزمەتكارێ خوە دەرئێخست و حاكمی بدەلیڤە دیت، قەستا مالا خزمەتكارێ خوە كر و ژبەركو ھەڤژینا خزمەتكاری حاكمی ناس دكەت، ھەر چەندە گوتێ خزمەتكار ل مالێ نینە، لێ حاكم چوو دژوورڤە. ھێڤە و وێڤە حاكمی مەبەستا خوە بۆ ھەڤژینا خزمەتكارێ خوە دیاركر، كو دلێ وی یێ كەتیێ! لێ ئەڤ ژنە گەلەك یا ژیر و تێگەھشتی بوو، گوتێ لدەف من كێشە نینە، بتنێ من مەرجەك یێ ھەی، ئەو ژی بۆ من بەرسڤا ڤێ گوتنێ بزانی، دەما دبێژیت (خێ بكار دئینن دا تشتێن دی خراب نەبن، لێ ئەگەر خێ بخوە خراب بوو دێ چكەین؟).

ھونەر دشێت چبكەت؟!!

 عبدالرحمن بامەرنی

ئێك ژ تابلویێن شێوەكار (جازوف تایسكی) ئەز راوەستاندم، ژبەركو ئەوی بابەتەك د تابلویێ خوەدا پیشاندابوو، رەنگە رۆژانە ئەم یێ دبینین و لێ ئەم ل سەر نا راوەستین، بەلكو دگەل ژیانا خوە و تێگەھشتنا خوە بۆ دەوروبەران د بەردەوامین. ناڤێ تابلوی ژی (كاروانێ مرنێ) بوو، تێدا كومەكا مرۆڤان وێنەكرینە و ھەمی بەرەڤ مرنێ دچن، ژوان دەولەمەندن، ھەژارن، مەزن و بچیكن، زەلام، ژن و ل دووماھی چ جوداھی دناڤبەرا كەسێدا نینە و تا ڤێرە تابلو و چیرۆكا تابلوی ب دووماھی ھات و یا من دڤێت بەحس ژێبكەم، ھونەرە، رەنگە زەلامێن ئاینی ژ ھەمیان زێدەتر

شانۆگەریا گەشت و پێھنەك بۆ گەندەلییا حزبی

عبدالرحمن بامەرنی

شانۆگەریا گەشت، ناڤێ وێ شانۆگەریێ بوو، یا ئەڤرو ل ھولا جزیری ئەز چوویمە پێش و ئەڤرو رۆژا سیێ و دووماھیێ بۆ ژ پیشاندانا وێ. گەندەلیا حزبی ژی، دروست بەحسا حزبێن مەیە و گەمژەكرنا خەلكی ژ پێخەمەت بەرژەوەندییا حزبی، كومپانیێن حزبێ و دەنگدان ژبۆ حزبێ و دا بەراوردیەكا بچیك بكەین، كا ئایا شانۆگەری دشێت چ بكەت و حزبێن مە دشێن چ بكەن.
د شانۆگەریا ئەڤرودا، كار ژ بۆ دیاركرنا رۆلێ ژنێ دھاتە كرنێ، دڤییا ل سەر كەیسەكێ كاری بكەن، ساخێن مری كینە و مریێن ساخ كینە، تێكڤەدانا رەنگان و تێكشێلانا رەنگان و گوھورینا رەنگان و ئەگەر مە بڤێت ئەم كومەلگەھێ خوە پێش بێخین و مە تاكەكێ ئاڤاكەر ھەبیت، دڤێت ئەم گرنگیێ ب كارێن ھونەری، ئەدەبی و رەوشەنبیری بدەین، ژبەركو دڤان كاراندا، تاك خوە دبینیت ئەو ملكێ خوەیە و ملكێ ھونەرێ خوەیە و لێ دحزبێ دا، دا پیچەك دابەزینە سەر حزبێ، تاك خوە كویلێ حزبێ دبینیت،

دەما دبێژین سینەما خودیكا گەلانە!

 عبدالرحمن بامەرنی

سینەما دشێت چ بكەت؟! ئەڤ پرسیارە گەلەك جاران خوە دوبارە دكەت و ھەر ئێك ژمە وەك خوە پێناسەكێ ددەتێ. ئەز دێ بۆ بەرسڤا ڤێ پرسیارێ ژی بەحسا فلمەكی كەم، كو راست سینەما دشێت گەلەك تشتان بكەت، پەیامێ بگەھینیت، راستییان سەراڤ بكەت و ئەڤ فلمێ ئەز دێ ژێ بەحسكەم ژی، فلمێ (Days of Glory)ە كو ل سالا 2006ێ ھاتیە بەرھەمئینان، فلم لدوو چار زەلامانە ژ چەند وەلاتێن عەرەبی یێن جودا مینا (جەزائر، تونس و مەغرب)ن و ژلایێ داگیركەریا فەرەنسی ڤە بەشداری د شەرێ جیھانیدا پێ ھاتیەكرنێ.
چیرۆكا فلمی ژی ھوسان بوو: فلم بەحسا روودانێن شەرێ جیھانیێ ئێكێ دكەت، فەرەنسا ژی ژ لایێ ئەلمانیا ڤە ھاتبوو داگیركرن، فلم ژ ناڤ باژێرەكی عەرەبان دەست پێدكەت، ل سالا 1943ێ، ددەمەكیدا فەرەنسا كەتبوو بن داگیركەرییا ئەلمانیا و د ھەولێن بەرگری كرنێدا بوو، فلم ژناڤ باژێرەكێ عەرەبان دەستپێدكەت، پیرەمێرەك كو ب كارۆكۆك رەنگە خەلكێ جەزائر بیت، لناڤ كولانێن گوندی دگەریت و گەلەك كەس یێن بدویڤ ڤە،

پولا (ئێكێ و دویێ و سیێ) چارەنڤیسێ زێرەكاتییا قوتابی دیاردكەن!

 عبدالرحمن بامەرنی

ئەگەر ئەز ماموستا ژی نەبم، لێ ئەز قوتابی ژی بوویمە و من خواندنا دەرسێن قورئانێ ژی یا خواندی، دیسان ئەز بابم ژی و من زارۆكێن قوتابی ژی یێن مەزن كرین. مەبەستا من بڤێ پێشەكیێ، ئەم چاوان بنەمایەكی بۆ قوتابیێن خوە دانین، ھێژ ل پولێن دەستپێكی و ئەگەر مەشییا كونترولێ ل سەر ڤان ھەر سێ سالان، پیتا دروست نیشا قوتابییان بدەین، دگەلدا برگەیان و دروستكرنا پەیڤان ژوان برگەیان، خوە ئەگەر پولا چارێ ژی ببیتە تەمامكەرێ ھەر سێ پولێن دی یێن دەستپێكی، ئەز باوەرم دەما قوتابی دەربازی پولا چارێ یان پێنجێ و پێھەل دبیت، دێ شێت پیتان جوداكەت، پیتا لێكدەت كەتە برگە و برگان لێكدەت كەتە پەیڤ و پەیڤان لێكدەت كەتە رستە و ئەڤا ئەز دبێژم، بەرواردكرنە دگەل ئاستێ قوتابییان یێن ل پولا پێنجێ و پێھەل، كو نزانن دروست بخوینن و بنڤیسن.

بەسراویەك: ھەلویستەكێ خەلكێ دھوكێ چ جارا ژبیرناكەم!

 عبدالرحمن بامەرنی

دگەریانێن مندا ل سەر بابەتێن سوشیالێ و تایبەتی ژی مالپەرێ فەیسبۆكێ، ئەڤ سەرەناڤێ عەرەبی ب بەرچاڤێن من كەفت ھەلویستەكێ خەلكێ دھوكێ چ جارا ژبیرناكەم (موقف لن انساه لاهل دهوك الطيبين)، دماوێ چەند دەمژمێران دا 767 كومێنت بۆ چبوون و 27 موشاركە و دەما ئەز ب وان كومێنتاندا چوویم و ئەڤێن ب بەرچاڤێن من كەفتین، ھەمیان بەحسا باشیێن خەلكێ دھوكێ دكر و ئەو بابەتێ ھاتیە بلاڤكرن، ھوسا بوو:
(ئەز دچوومە گەشتێ ل كوردستانێ و دوو رۆژان ل ھەولێرێ ماین و پاشی ئەز و خێزانا خوە بەرەڤ دھوكێ ڤە چووین، من پانزین ل ھەولێرێ كرە ترۆومبێلێ و دیارە ئەو پانزینە نەیا باش بوو، ل دھوكێ ترۆومبێلا مە خراب بوو، پاشی ئەم چووینە ھوتێلەكێ، فەرمانبەرەكێ ھوتێلێ دگەل من ھاتە سیناعێ و دا مامەلێ دگەل وان بكەت و كەس پارێ زێدە ژمن وەرنەگریت و دەركەت ترومبێلا من ب رۆژەكێ خلاس نابیت و وان سویچێن ترومبێلەكا دی دانە ڤمن و گوت ھەرە خێزانا خوە ببە گەشتێ، رۆژا پاشتر ترومبێلا من رادەستی من كرن و قایل نەبوون پاران ژی ژمن وەربگرن، تا ئەم گەشھتینە بەسرا ژی كو مالا وی كابرایی لێبوو، ناڤبەر ناڤبەر تەلەفونا من دكرن، كا ب سەلامەتی گەھشتم یان نە).

ئەرێ جەماعەت باخڤین نەئاخڤین؟!!

 عبدالرحمن بامەرنی

دەمەكی دگوتن نە ئاخفتن زێرە و بڤێ گوتنێ ژ سەرھلدانێ وەرە ئەم دھێینە خاپاندن، بن حەفكێن ھندەكا ھەرێ ستیر دبن و ئەم ژی ھێشتا یێ ب بگرە و بكێشێن خوەڤە، ئایا باخڤین یان نە ئاخڤین؟!! بتنێ پوستێن ڤان چەند رۆژان، ئەگەر نمونە وەربگرین:
ـ دھوك ھەژارترین پارێزگەھا كوردستانێ یە، {ئەنجام} دھوك یا (مەغدورە).
ـ ھەر كەسێ پارێ ئاڤ و كارەبێ نەدەت گونەھكارە، {ئەنجام} پرانییا مە (گونەھكارن).
ـ نەدانا پاشكەفتی ژ گوشتێ بەرازی حەرامترە، تەعدایە ل سەر خەلكێ بێ دەستھەلات، ئێتیم و سێویان، {ئەنجام} ئەم یێ ل سەر دینێ كافران.

دھوكا بێ خودان!!

 عبدالرحمن بامەرنی

دڤێ بگرەوبكێشا ل پەرلەمانێ عیراقێ دڤان چەند رۆژێن بوریدا و تایبەتی دھی درووستبووی، ھند بێ ئومێدی بمنڤە دیاربوو، كو خوە د شەرێ ناڤخویی ژیدا، ئەز ھند ماندی نەكریمە. ئەز بەحسا پاشەكەفتێ موچەی ناكەم، ژبەركو ئەمێن موچەخور و ھەمی فەرمانبەرێن حكومەتا ھەرێما كوردستانێ بووینە قوربانیێن سیاسەتەكا نەھەڤسەنگ و كورتییا وێ ژی، پاشەكەفت د سەرێمەدا شكەست و ئەو خەونێن مە بزڤراندنا وێڤە ددیتن، ھەمی ب بەرئاڤێدا چوون. تشتێ ئەز بێ ئومێد كریم ژی، ئەز بەحسا (دھوكێ) بكەم، كو بگرە و بكێشا ل سەر برگەیێن بودجەی دھاتەكرنێ، ئێك ژ پارێزگەھێن ھەرێمێ ھەست ب (مەغدوریەتێ)دكر، كو جوداكاری ددابەشكرنا داھاتیدا دھێتەكرنێ و وان دخاست، بودجێ وان ئێكسەر ژ عیراقێ بۆ بھێتە رەوانەكرنێ! ددەمەكیدا پارێزگەھا ھەرە (مەغدورا) ل ھەرێما كوردستانێ، پارێزگەھا دھوكێیە و د چ ھەڤكێشەییان ژیدا ناھێتە بەحسكرنێ.

مین ھەر مینە! چ یێن حكومەتا فیدرالی بن یان یێن حكومەتا ھەرێمێ

 عبدالرحمن بامەرنی

ژبەركو ئەز دێ بابەتێ كامیرا ترافیكێ ب حكومەتا فیدرال ڤەگرێدەم، رەنگە ئەڤێن دخوینن زێدەتر ھەست ب مەترسیێن داھاتی ژی بكەن، كو گەلەك جاران من ئاماژە بۆ دایێ، كو گەلەك مینێن چاندی لبن پێن قەوارەیێ ھەرێمێ ھێشتا د ڤەدایینە! بوچی كامیرە و بوچی حكومەتا فیدرال؟! دھی دادگەھا پاریسێ حكومەتا ھەرێما كوردستانێ سنگەپێكر و نەچار كر كو رێكەفتنێ دگەل حكومەتا بەغدا ئیمزا بكەت، پێنەڤێت لدویڤ مەرجێن حكومەتا بەغدا و ئەڤرو ژی لیژنا دارایی ل پەرلەمانێ عيراقێ فلاشەك ل ناڤ چاڤێن حكومەتا ھەرێما كوردستانێ دا و ئەڤە ھەمی ژی ژبەركو، حكومەتا ھەرێما كوردستانێ كار ژبۆ راكرنا ڤان مینان نەكریە و خەمساری دگەلەك دەرفەتاندا كرییە!!
ھەمان تشت ئەڤرو ل ھاتنەڤەیێ، كامیرەیەكا ڤەشارتی فلاشەك بۆ ترومبێلا ل بەر سینگا من لێدا، ئەرێ وەك پرسیار، ئەگەر راپرسیەكا سەر پێ ژی وەربگرین،

ئەڤرو ل پەرلەمانێ كوردستانێ..!!

 عبدالرحمن بامەرنی

ئەڤا ئەز دێ نڤیسم چ گرێدان ب چ لایەنێن سیاسیڤە نینە و بەلكو ل ھەلبژارتنێن پەرلەمانێ یێن كوردستانێ یێن دەرباز بووی، ھەمان تشت من گوتبوو، دیسان ل چەندین ھەلكەفتێن دی، ژبەركو ئەڤە دیتنا منە و ئێدی حزب و لایەنێن سیاسی پرۆژەدووربینیێن خوە ھەنە و لدویڤ وێ دووربینیێ و وان بەرژەوەندییان، ئەو سیاسەتێ دكەن، لێ ئەمێن نڤیسەر ژی جوداتر دێ نڤیسینێن خوە كەین و خواندەڤان ژی جوداتر ژ مە ھەردووكان، وەك بینەرەك، وەك وەرگرەك، وەك چاڤدێرەك دێ بابەتان ھەلسەنگینیت. من بەحسا (وەرگر، خواندەڤا و چاڤدێرێن حزبی) نینە، ژبەركو ئەو دێ لدویڤ بەرژەوەندی و دویربینییا حزبێن خوە بابەتی خوینن و ھەلسەنگینن، دبیت ھندەك خوە لایك ژی نەكەن، ژبەركو لایك كرن ژی دھێنە حسابكرن و دیڤچوون بۆ دھێتە كرنێ.

یا من دڤێت بێژم راستە راست بۆ حزبێن مەیە، ئەڤێن پشتی

موچێ حكومەتێ و موچكێن مە

 عبدالرحمن بامەرنی

مە د گەل ھەڤالان بەحسا خشتێ موچێ ڤێ ھەیڤێ دكر، ھندەكان ژمە دھاڤێتە حكومەتێ و ھندەكان ژمە دھاڤێتە خەلكی، (حكومەت) ب مەبەستا چ رۆژێن دەست نیشانكری یێن بلاڤكرنا موچەی نینن كو فەرمانبەر بشێت مەزاختیێن خوە دگەل ب گونجینیت و (خەلك) ب مەبەستا خەلكی ھەمیێ، ئەڤێ چ پلان بۆ مەزاختنا وی موچەیی نەبن و دروست وەك موچكێن مە زارۆكان دەما مە ل ماستی ددان، كو ل زارۆیكینێ دا بنێ پاریكێ خوە یێ نانی وەكی كەچكێ كەین و ل بن ماستی دەین دا گەلەك چبا سەر و مە دگوتە ڤان جورێن پاریێن نانی موچك، كو تو تشتەكی ژ حەدێ وی زێدەتر بكار بینی و چاوان سێنیكا ماستی زوی خالی دبوو، ئھا ھوسا موچێ مە ژی بەری بگەھیتە سەرێ ھەیڤێ خلاس دبیت و ئەڤە ژی ھندەك بۆ حكومەتێ دزڤریت و ئەو قەنجییا ئەو ل مە دكەن و ئەڤا دی ژی یا مە بخوە و دەما ئەم ب عەقلیەتا موچكان سەرەدەریێ دگەل مەزاختنا موچی خوە دكەین، چاوان؟!

كلیچدار یان ئەردووگان؟!!

 

عبدالرحمن بامەرنی

دناڤبەرا ھەر دوو بەربژێرێن سەروكاتیا كوماری یا توركیا دا (كلیچدار ئوغلو و رەجەب تەیب ئەردوگان)یدا، ئەم پشتەڤانییا كێ بكەین؟!! ((ئەم پشتەڤانیا كێ بكەین) دناڤبەرا چار كەڤاناندا، من بەحسێ كوردانە و تایبەتی ژی كوردێن باشور یێن ھەرێما كوردستانێ. ھەر چەندە دا ناڤ و نیشانێ خوە كەمە (چۆك شكێن)، پاشی من گوت رەنگە راستە راست نەگەھیت و دێ دناڤ نڤیسینا خوەدا ل سەر چوك شكێینیێ راوەستم.
ئەم كەنگی تێگەھێ (چوك شكێنی)یێ بكار دئینین، دەما ھندەك بریارا خوە ل سەر تشتەكی ددەن و ھندەكێن دی دھێن دلێ وان یان پشتەڤانێ وان ژ بریارا وان ساردكەن، رەنگە دیتنێن جودا، بریارێ باشتر لێبكەن، لێ وێ ژی دەم و جھێن خوە یێن تایبەت یێن ھەین و نوكە دەمێ ھندێ نینە ئەم بەرپێكێن وان سست بكەین، ھینگێ مێژوو دلوڤانیێ ب كەسێ نابەت.

بەختەوەرییا تە ب تەڤە گرێداییە!

 عبدالرحمن بامەرنی

من گەلەك جاران ھزر د بەختەوەریێ دا كریە، ئایا دڤێت تو یێ زەنگین و بەریكێن تە تژی پارە بن؟ ئایا دڤێت تە ترومبێل و خانی و پارچێن عەردی ھەبن؟! رەنگە ئەڤێن ھەنێ بەشەك ژ ئالاڤێن بەختەوەریێ بن، لێ بەختەوەرییا دروست بڤی رەنگی ناھێت و رەنگە ھەر ئێك ژمە دیتبیت، بەریكێن مە تژی پارە و مە پارێ دانایی ھەی، لێ مرۆڤ ھزردكەت تشتەك یێ ژ مرۆڤی كێمە و بەروڤاژی ژی بەریكێن مرۆڤی د خالی و مرۆڤ ھەست ب خوشیەكێ دكەت، ئھا من بەحسا ڤێ خوشیێ یە ئەڤا بەختەوەریێ بمە دبەخشیت.
گەلەك جاران ب مزگینیەكێ یان دەنگ و باسەكێ خوش، ئەو بەختەوەرییا ئەز ژێ دبێژم ب سەر مرۆڤیدا دھێت، رەنگە وێ رۆژێ ھەمیێ ژبەر وی دەنگ و باسێ خوش، مرۆڤ یێ گەشبین بیت و تشتێ سەیر ژی، ھەر تشتێ مرۆڤ ب بەرڤە بچیت، دێ بدەست مرۆڤی ڤە ھێت، دێ شولێن مرۆڤی و پەیوەندیێن مرۆڤی باشتر برێڤە چن و د بەرامبەر ژیدا، مرۆڤ یێ ژ مالێ دەركەفتی و رەنگە دەنگ و باسەكێ نەخوش، كارڤەدانەیەكا نەخوش یا بویە ئەگەر، وێ رۆژێ ھەمیێ مرۆڤ گەریدەیێ خەموكیێ و نە ئارامیێ ببیت، تا وی راددەی، ھەر كارێ مرۆڤی ب بەرڤە دچیت، دروست ناھێت، دێ رێگری پەیدا بن، دێ كارێن مرۆڤی ھەمی تێك ئالزن، بوچی؟ ژبەركو ھزرێن مرۆڤی یێ دگەل ئالوز بووین و ئھا من بەحسا وێ ئالوزیێ یە، ئالوزییا ھزران.

كی مە دكەتە رۆبووت؟!

 عبدالرحمن بامەرنی

باوەردكەم ھەمی كەس دزانن رۆبووت چبیت! ئەو ئامیرەیە یێ ب رەنگێ مرۆڤی یان ب ھەر شێوەیەكی دھێتە دروستكرن و بێی دەستكارییا مرۆڤی، دشێت لڤینان، كاران ئەنجامبدەت، ژبەركو پێش وەخت یێ بەرمەجەكرییە و پرسیارا من لڤێرە ئەوە، ئایا لێكچواندنەك (شوبھاندنەك) دناڤبەرا مە و ڤان رۆبوتاندا ھەیە؟ ئەگەر بێژنە من نەخێر ئەم و رۆبووت دوو تشتێن ژ ئێك جوداینە، ھینگێ ئەز دێ پرسیارا خوە ب رەنگەكێ دی كەم، ئایا ئەم وەك مرۆڤ دھێینە بەرمەجەكرن كو حەز و ڤیانێن مە د سەر تاقەتا مەدابن، كو ئەو تشتێ ئەو حەز بكەن بێژنە مە باشە و ئەم ژی بێژین باشە و یێ بێژنە مە حەژێبكەن ئەم ژی حەژێبكیەن؟ بەری تویێ خواندەڤا بەرسڤا ڤێ پرسیارێ ژی بدەی، ئەز دێ ڤێ نمونێ ئینم.

شەڤبێركێن رەمەزانێ ل سێمێلێ!

 عبدالرحمن بامەرنی

ئەز دێ بەحسا شەڤبێركێن رەمەزانێ یێن رەوشەنبیری كەم ل سێمێلێ، كو ھەر ژ دەستپێكا ھەیڤا رەمەزان پیرۆز، ھەر دوو رۆژا جارەكێ دوو بابەت دھێنە پێشكێشكرن، ئێك سمینارەك لدوور بابەتەكێ دەستنیشانكری و برگا دوویێ ژی سەربورا نڤیسەرەكی و خواندنا چەند تێكستان، كو برگا دوویێ زێدەتر بۆ ھوزانڤانان یا تەرخانكریە.
تا ڤێرە ئەڤە كورتە پێناسەیەك بوو، لێ ئەگەر ئەم زێدەتر ل سەر راوەستین، ئەرێ دشیانێن مەدا نینە كو ئەم بزاڤا رەوشەنبیری ل پارێزگەھا دھوكێ، ب قەزا و ناحیە و كومەلگەھـ ڤە خورتر بكەین، باوەردكەم ئەم دشێین، ژبەركو بزاڤا رەوشەنبیری بگشتی ل دەڤەرا مە یا خورت نینە، ئەم گازندا ژ نەبوونا خواندەڤایی دكەین، د نەبوونا خواندەڤایی دا، د نەبوونا پرۆژێن رەوشەنبیری دا، د نەبوونا پالپشتییا نڤیسەران دا،

ئێكی ھوسا بەحسا بابێ خوە دكر

 و، ع. بامەرنی 

من بابێ خوە ل مالا پیران ھێلا و ل زڤرینێ و دەما ئەز دناڤ پاسێ دا، بیرا من ل دیمەنەكێ زارۆكینییا من ھات. ھەر چەندە بابێ من خواندنا خوە ب دووماھی نە ئینابوو و ھینگێ ئەز ل پولا چارێ سەرەتایی بووم، ماموستایی ژمە داخازكربوو ئەم وانێ دوبارە بنڤیسین و ئەز یێ ب نڤیسینێ ڤە مژوویل، ئاڤ ب ب وێ كاغەزێ دا رشت ئەڤا من وانە ل سەر دنڤیسی. من گەلەك كرە گری، ھەتا د بەر گریێ خوە را دخەو چوویم و دەما ژ خەوێ ھشیار بوویم ژی، من دیت بابێ من یێ ھەولددەت پێش منڤە بنڤیسیت، سەرەرای كو ئەو نڤیسینێ نزانیت، لێ دبینم یێ پیتان وێنەدكەت كا چاوان ل سەر پەرتووكێ ھاتین..
رەنگە ئەو دیمەن باشترین پالدەرێ من بیت، كو ئەز خواندنا خوە ب دووماھی بینم!

ب بێدەنگی ئەم مەزنبووین

ئەحلام موستەغانمی

وەرگێران: عبدالرحمن بامەرنی

ئەم مەزنبووین تا وی راددەی ئێدی ئەم ل ھەڤالێن نوی ناگەرین یان ھەتا ل وان كەسێن حەژ مەدكەن، بەلكو ئێدی ئەم بخوە یێ ل خوە دگەرین..
ئێدی ئەم قەرقەشێ دگەل كەسێ ناكەین، خوە ئەم ل سەر راستیێ ژی بین.. ئەم مەزنبووین تا وی راددەی ئێدی ئەم دگەل كەسێ وان بابەتان ڤەناكەین، یێن راستییا بوچوونێن مە دیار دكەت..
ئەم مەزنبووین و ئێدی ئەم حەژ جھێن بێدەنگ دكەین، ڤەخارنا قەھوێ، دەنگێ سروشتی و ئێدی ئەم ل كەسێ ناگەرین برینێن مە سارێژ بكەن، بەلكو ئەم بخوە خوە سارێژ دكەین و ئەم مەزنبووین و ب بێدەنگی دكەنین و ب

قەرەچكییا مە (بامەرنی)یا!

عبدالرحمن بامەرنی

بابەتێ ئەز دێ ل سەر نڤیسم، رێك بەحسا (راجێتێن نوژدارانە)، لێ هەر بۆ خوشییا خواندنێ، ئەز دێ هندەك چەپ و چیرا ل نڤیسینا خوە دەم. ددەمێ خوەدا، مە زارۆكێن بامەرنێ ب زمانەكی دگەل ئێك دئاخفت، مە دگوتێ قەرەچكی، ناڤئینانا من بۆ زاراڤێ (قەرەچ)، ژبەركو وان ژی زمانەكێ تایبەت بخوەڤە هەبوو، دەما دگەل ئێك دئاخفتن، بتنێ ئەو دئێك و دوو دگەهشتن و قەرەچكینیا مە یا هینگێ، لدویڤ سادەییا مە بوو و چ حیلە و حەوالە، چ دەست ناڤ دەستكانێ و دبنڤە پارە وەرگرتن دگەلدا نەبوو و هەمان قەرەچكینییا بەرێ، نوكە ب رەنگەكێ دی دهێتەكرنێ و هندەك دبێژنێ (كود)ێ نوژدار و دەرمانخانا و ئەڤا ب سەرێ من هاتی، ئەز دێ بەحس كەم.

ئەم چووینە كومەلگەهەكا نوژداری و كلینكییا نوژدار (س) و نوژدارەكێ ئەزمان خوش و یێ زیرەك ژی بوو، راجێت ژ نڤیسینێ پر كر، گوت دێ دوو گەرێن دەرمانان خون، وە دڤێت هەمیا ل سەر ئێك بكرن و وە ڤییا ژی هەر گاڤا ب دووماهی هاتن، گەرا دوویێ بكرن و مە گەرەك كری، بۆ گەرا دوویێ ژبلی دەرمانخانا وێ كومەلگەهێ، پێنج دەرمانخانێن دی من دانە سەر پێن خوە و ئێكی ژی نەزانی چ دەرمانن، دگەل دانوستاندنا من لدەف ئێكێ دەرمانخانێ، گوت: رەنگە ئەڤ كومپانییا ڤی دەرمانی دئینیت بتنێ بۆ دەرمانخانا وێ كومەلگەهێ بینیت و ئەڤە گرێبەستەكە دناڤبەرا واندا، دبیت ژی كودەكێ ڤەشارتی و رەنگە ئێك پیت بیت، دناڤبەرا نوژداری و دەرمانخانێ دا هەبیت!