ئه‌رێ‌ سپێدێ‌ چ روودا بوو؟!!

عبدالرحمن بامەرنی
حكومەت و لایەنێن تەندروستی و ناڤخوو، ب دەركرنا بریار و رێنمایان رادبن، ژ پێخەمەت پاراستنا هاولاتییان ژڤێ‌ نەخوشییا كوژەك و ڤەگر، تا نوكە ژی حكومەتێ‌ پێنگاڤێن گەلەك باش د پاراستنا خەلكیدا هاڤێتینە. ئەڤا دی بەشەك بۆ خەلكی بخوە ژی دمینیت، كو نەبنە ئەگەرێ‌ ژ دەست دەركەفتنا ڤێ‌ نەخوشیێ‌ و بلاڤ بوونا وی.
بریارا شڤێدی یا وەزارەتا ناڤخوو، كو بۆ ماوێ‌ 48 دەمژمێران بهەمی رەنگەكی هاتن و چوون بهێتە قەدەغەكرن، بتنێ‌ هندەك حالەت كو ئەو ژی ژ خەلكێ‌ ئاسایی ناگرن، كو دەری،َ نانخانە و ماركێتان ژی دێ‌ هێنە داخستن، هەر شێڤێدی خەلك بەرەڤ ماركێتان ڤەچوو و ئەڤێن نەگەهشتین ژی، ب تەلەفونا ئێك و دوو ئاگەهداركرن، بتنێ‌ ل ئەو تاخێ‌ ئەز لێ‌ و ئەو دكان و ماركێتێن نزیك، دێ‌ بێژی (خەلا) یا رابووی و سرا ل بەر دەرگەهێ‌ دكانێ‌ درێژ بوو...!

ئەز زێدەتر ل سەر بریارێ‌ نا نڤیسم و كارتێكرنا وێ‌ و كومبوونا وی خەلكی ب وی راددەی، كو چەند مەترسییا بلاڤبوونا ڤایروسی هەبوو، بتنێ‌ چەند كومێنتەكێن ل سەر هاتینە نڤیسین، د سوشیال میدیایێدا و رەنگڤەدانا ڤێ‌ بریارێ‌ ل سەر خەلكی كا چاوان بوویە.

Azad Kurdistani
(٤) كیلۆ فستەقێن عەنتابێ تە بۆ چنە، هەی من خولی سەرێ تە ڤەركر ی؟
سوپاس بۆ وان كەسێن پیلانەكا هوسا دانای.

Omer Mohamad Taher
ئەو قەرەبالغا ئەڤروو ل ماركێتا و فرنا چێبوی، ئەڤە سەرێ هەیڤەكە لدهوكێ چێنەبویە؟؟؟

Ismet Xabur
وەزارەتا ناڤخۆیی بتنێ 14 دەمژمێر دانە وەلاتییان كو كەلوپەلێن پێدڤی بكڕن، ئەڤەژی بۆ ئەگەرێ پەیدابوونا قەرەباڵغێ ل ماركێت و فرنان. ئەڤە بوو ئەگەرێ بلندبوونا مەترسیێن ڤەگوهازتنا ڤایرۆسی! ئەڤەژی وەكو شاشییەكا ستراتیژی یا رویبرویبوونا ڤایرۆسێ كۆرۆنایێ لسەر حكوومەتێ دهێتە هژمارتن. پێدڤیبوو حكوومەتێ ماوەیەكێ درێژتر دابا وەلاتییان بۆ دابینكرنا پێداویستییا داكو ئەو قەرەباڵغا مەترسیدارا شڤێدی و ئەڤرۆ چێبووی، روینەدابا.

Bashir Mizory
چێدبیت حێكمەتەك د بریارا ٤٨ سەعەتی دا ھەبیت، ئەم نەزانین.. بەلێ راستی خەلكێ رۆژییا پێگریا خۆ دمانا دمالڤە یا ١٨ رۆژا د شەش سەعەتان دا شكاند..!

Kivi Bamerni
راستی هەكە ڤایروس نە بلاڤ بیت ژی، شنی دێ‌ بلاڤ بیت، خر شارع و ماركێت و سەمونخانە خەبسەنە.

Ahmad Jasem
بریارا وەزیرێ ناڤخو خرابترین بریار بوو ل سەر دەمێ كۆرۆنایێ، ئەو قەرەبالغا ئەڤرو من ل فرن و ماركێتا دیتی، گەلەك ژ مێژە من نەدیتبوو.

Warhêl Sergelî
ل بیرا هەوەیە؟ بەری دەمەكی،  گەلەك بەحسێ 4و5ی نیسانێ و دووماهیا كورۆنایێ دهاتە كرن. بۆ من ب خوە ئەو هزرا چێبی و ڤان رۆژا ئەز ژخانی دەرناكەڤم. ئەڤ بریارە یا بێ ئەگەر نینە.

الخگاگ انس عبدالله البرواری
ئـەڤ بـریـارە دا...بـتنێ دا بـشیێـن خـەلـكی بـكـەنـە دمـاڵ ڤـە ب زۆڕ ــ ودبـیت تـشتـەك هەبـیت و ئـەم نـە زانـین.

Shilan Duski
كەسەكێ توشبوویێ كورونایێ دچیتە دناڤ تازییە كێ دا و 14 كە سا دكەتە قوربانیێ ڤایروسێ كورونا، ئەڤە ئەو ئە گە رێ 48 دەمژمێرایە .

Hkmat Zewki
پێدڤی بوو ئالیێن پەیوەندیار رۆنكرن ل سەر قەدەغەیا ٤٨ سەعەتی دابا خەلكی، چونكی دو دلی و ترس ل دەف خەلكی دروست كریە.

Diler Abdulla Xensi
سویند ب خۆدێ، ئەم چاڤ برسینە.

Ayad M. Ameen
یێ دبێژن دێ غازەك ل ئاسمانی بەلاڤبیت ، حكومەتا هەرێمێ دێ بومبەكێ تاقیكەت 😂😂😂
كوردو خوش باوەرو، خولیسەرو .


https://www.facebook.com/photo.php?fbid=10213219445041028&set=gm.3112143242157224&type=3&theater