عبدالرحمن بامەرنی
ئێك ژ مفایێن سوشیال میدیایێ و پێشكەفتنا ئەم تێدا دژین، پێكڤە گرێدانا مەیە ب ئێكڤە، كو ئەم زێدەتر هایداری ئێك بین و هەر چنە بیت وەك نڤیسەر ئەز دێ بەحس كەم، دەما چاڤێ من ب ئێك ژ شعرێن دلزارێ شاعر كەفتین و شعرا وییا بناڤێ (تاكەی) من خواندی، یا راستی بیت، نە بتنێ وێ شعرێ ئەز كێشامە خوە، بەلكو بۆ چەند دەمژمێران ئەز مژوولی خوە كرم، ئەو پرسیارێن د مێشكێ مندا دروست كرین و ئەو بەرسڤێن من بۆ وان پرسیاران كەركرین، دوو تشتێن گەلەك ژ ئێك دوویر بوون، د سەر وێ چەندێ را، كو پەیڤێن شعرێ د سادە بوون، مرۆڤ زوی تێدگەهیت و چ رامانێن ڤەشارتی و (تەلسەم) دپشت را نینن، لێ مالك مالكا شعرێ، هەمی ژ كویراتییا ئازارێن مللەتی دەركەفتینە. شاعرەك كو تەمەنێ وی بۆ دەستپێكا چەرخێ بوری بزڤریت و دناڤ روودان و گوهورینێن دەڤەر دناڤدا دەرباز بووی ژیا بیت و پشتیێ وی گەلەك یێ گران بیت، خەمێن وی نە یێن دەردوورێن وی بن و نە یێن ئایندێ وی و خێزان و كەس و كارێن وی بن، نەیێن حزب حزبانێ و ئاین ئاینانێ بن و بتنێ خەمێن وی رابوونا مللەتەكی بن، پێگەهشتنا مللەتەكی بن، هشیاركرنا مللەتەكی بن، تە دڤێت ئەڤ كەسێن ژڤی رەنگی، چ بهایێ خوە هەبیت، تایبەت ئەگەر ئەو شعرا ئەوی نڤیسایی ل ئاستەكێ بلند بیت و رەهوانیەكا باش تێدا هەبیت و ریتما وێ هەستێن نەتەوایەتی لدەف مرۆڤی ب ئازرینیت، پێنەڤێت، كەسەكێ ژڤی رەنگی دێ جهێ لێزڤرینێ و دەست خوشیێ و ناڤ تێدانێ بیت، هەر چەند تو وی ناس نەكەی و بزانی ژ چ عەشیرە و ژ چ دەڤەرە و ل چ پارێزگەهـ دژیت، ئها، ئەڤ كەسێ من سالوخەت كری، دلزارێ شاعرە، خودانێ ڤێ شعرا ئەز بۆ خوە راكێشایم، یا بناڤێ (تا كەی).
ئێك ژ مفایێن سوشیال میدیایێ و پێشكەفتنا ئەم تێدا دژین، پێكڤە گرێدانا مەیە ب ئێكڤە، كو ئەم زێدەتر هایداری ئێك بین و هەر چنە بیت وەك نڤیسەر ئەز دێ بەحس كەم، دەما چاڤێ من ب ئێك ژ شعرێن دلزارێ شاعر كەفتین و شعرا وییا بناڤێ (تاكەی) من خواندی، یا راستی بیت، نە بتنێ وێ شعرێ ئەز كێشامە خوە، بەلكو بۆ چەند دەمژمێران ئەز مژوولی خوە كرم، ئەو پرسیارێن د مێشكێ مندا دروست كرین و ئەو بەرسڤێن من بۆ وان پرسیاران كەركرین، دوو تشتێن گەلەك ژ ئێك دوویر بوون، د سەر وێ چەندێ را، كو پەیڤێن شعرێ د سادە بوون، مرۆڤ زوی تێدگەهیت و چ رامانێن ڤەشارتی و (تەلسەم) دپشت را نینن، لێ مالك مالكا شعرێ، هەمی ژ كویراتییا ئازارێن مللەتی دەركەفتینە. شاعرەك كو تەمەنێ وی بۆ دەستپێكا چەرخێ بوری بزڤریت و دناڤ روودان و گوهورینێن دەڤەر دناڤدا دەرباز بووی ژیا بیت و پشتیێ وی گەلەك یێ گران بیت، خەمێن وی نە یێن دەردوورێن وی بن و نە یێن ئایندێ وی و خێزان و كەس و كارێن وی بن، نەیێن حزب حزبانێ و ئاین ئاینانێ بن و بتنێ خەمێن وی رابوونا مللەتەكی بن، پێگەهشتنا مللەتەكی بن، هشیاركرنا مللەتەكی بن، تە دڤێت ئەڤ كەسێن ژڤی رەنگی، چ بهایێ خوە هەبیت، تایبەت ئەگەر ئەو شعرا ئەوی نڤیسایی ل ئاستەكێ بلند بیت و رەهوانیەكا باش تێدا هەبیت و ریتما وێ هەستێن نەتەوایەتی لدەف مرۆڤی ب ئازرینیت، پێنەڤێت، كەسەكێ ژڤی رەنگی دێ جهێ لێزڤرینێ و دەست خوشیێ و ناڤ تێدانێ بیت، هەر چەند تو وی ناس نەكەی و بزانی ژ چ عەشیرە و ژ چ دەڤەرە و ل چ پارێزگەهـ دژیت، ئها، ئەڤ كەسێ من سالوخەت كری، دلزارێ شاعرە، خودانێ ڤێ شعرا ئەز بۆ خوە راكێشایم، یا بناڤێ (تا كەی).
د پەرەگرافەكێ ڤێ شعرێدا هاتیە:
تاكەی تێناگــەن تاكەی پێـــناگــــەن
تاكەی بە پەندو بیژی كــەس ناكـەن
تاكەی فەســادی تاكەی كەســادی
ئەگەر ل سەر ڤان چار دێران راوەستین، دەما دبێژیت هەتا كەنگی تێناگەهن، یان هەتا كەنگی پێناگەهن، كو راستی بیت، ئەم ژ ڤان هەردوو سالوخەتان نە د بەرینە و نە چ جارەكێ ئەم خوە تێدگەهینین و هەر وەكو قەدەرا مە بڤی رەنگی یە، چەند شاعر و نڤیسەران گازی كوردان كریە، هەتا كەنگی؟ لێ پرسیار ئەوە، ئەم مللەتەكین، ئەم نە د تێگەهشتینە، یان ژی ئەم هەولنادەین خوە تێبگەهینین! نەخێر ئەم ڤان هەردوویان دكەین، لێ شاعری بەرسڤا ڤێ چەندێ ژی دگەل هەیە و د دێرەكا ڤێ شعرێ دا دبێژیت: (تاكەی هەر تیژی لەسەر عینادی)، جارەكا دی دێ بێژم ئایا عیناد و ركوویا ب مە كوردانڤە هاتیە نیساندن، ژبێ مێشكییا مەیە یان ژی ئەم هند ژێ شە دكەین؟!! د هەردوو حالەتان ژی دا، مە گەلەك قوربانی ژ بۆ داینە و مە گەلەك دەستكەفتێن خوە بۆ ژ دەستداینە. شاعر لڤێ بەندێ بتنێ نا راوەستیت و هێشتا دەردەسەریێن مە بەرچاڤ دكەت، دەما دبێژیت: (تاكەی مەحكومی تەكیە و خانەقـان)، هەر وەكو دبێژیتە مە ل رابوریێ خوە بزڤرن، ئەگەرێن شكەستنێن مە چبووینە؟ خەلكی ئەم ب چ سەردابرینە و چەكێ ئەم پێ سەردا دچین و پێ دهێینە خاپاندن چ جورە چەكە؟ ئەگەر تەكیێن شێخا و ئاین ئەگەر بیت ئەم پێ ژناڤ بچین، ئەم د ئێكگرتی نەبین، پا هەمان تەكیە و خانەقا و هەمان ئاین یێ لناڤ وان وەلاتان ژی هەی، ئەڤێن كورد دناڤدا هاتینە دابەشكرن، لێ بوچی ئەو توشی شكەستنان نابن؟ راستی ئەڤ پرسە و باوەرناكەم هیچ شاعرەكێ كورد ژێ دەرباز ببیت، ئەگەر باس ژێ نەكربیت و هەر ئێكی ژی لدویڤ دارشتنا خوە یا تایبەت، هیچ سیاسیەكی و هیچ شروڤەكارەك و هیچ مێژوونڤیسەك ژی ژێ دەرباز نابیت، ئەگەر نە گەهشتبیتە ئەنجامەكی، كو پرانییا شەكستن و ژناڤ چوونێن مە، سەر هشكییا مەیە و بناڤێ ئاینی ئەم هاتینە سەردابرن و خەلكی ئاین بۆ خوە كرینە داڤەرست و مللەتێن خوە ل سەر ئاڤاكرینە و بتنێ كورد نەبن، پشتا خوە كرینە داڤەرست و ئاین ل سەر قایمكریە و د نزیكترین هنگافتن ژیدا، چاوان مە دیت، مللەتێن ئاینێ مە پەیرەو دكەن، چاوان ئەم ب سەرداچووی و كرێگرتی ل قەلەم داین. تشتێ گەلەك ئەز ل سەر ڤێ شعرێ راوەستاندیم و نەهێلایی ئەز ژێ دەرباز ببم، دەما دبێژیت: (تاكەی لە دەقنی مەینە چەقــیون.. لەناو میللەتان هەروەك هەتیون).
لدووماهیێ ژی یا من ڤیایی دڤێ نڤیسینێدا بێژم، ئەو دەمە هات ئەم ل رابوریێ خوە ڤەگەرین و هەلسەنگاندنەكێ بكەین، شكەستنێن مە و رابوونێن مە ئەگەرن، ئەم دەستێن خوە بكەینە دناڤ ئێكدا و دلزارێ شاعر، ئەگەر كەسەك بیت و شیابیت هنگافتنێن مە یێن دەهان سالێن رابوری وێنە بكەت، دڤێت ئەم ل سەر شعرا وی راوەستین و دەهان شاعرێن وەك وی، ئەم هەلسەنگاندنێ بكەین و خوە رەخنە بكەین، نە بتنێ ئەم ببینە خواندەڤایێن شعرێ و لاپەێن پەرتوكێ و مێژوویێ پێكدادەین.
تێبینی: شعرا (تاكەی)، یا دلزاری شاعر من ژ پەیچێ وی (AhmdDlzar) ژ فیسبووكێ وەرگرتی یە.
• رۆژناما رێگا ژمارە 1203 رۆژا 14/1/2020ێ هاتیە بلاڤكرن.
%20copy.jpg)
ليست هناك تعليقات:
إرسال تعليق