عیراقونا... و چەند راستیەكێن تەحل!!

 عبدالرحمن بامەرنی

ئەڤا شڤێدی ل باژێرێ بەسرا روودای، كو تێدا ھەلبژارتیێ تەپاپێی یا عیراقی شییایی جاما خەلیجی بدەستڤە بینیت و رەنگڤەدانێن وێ سەركەفتنێ، ھەمی باژێرێن عیراقێ بخوەڤەگرتین، ب یێن كوردیڤە. مە ل بەرامبەری چەند پرسیارێن بێ بەرسڤ دراوەستینیت و ئایا ئەگەر ئەز وەك ھاولاتی كەیفێ بڤێ سەركەفتنێ بكەم، ئەز خاینم یان مافێ منە وەك عیراقییەك كو ڤێ سەركەفتنێ ب یا خوە بزانم؟!!!
بۆ بەرسڤدانا پرسیارەكا ھوسا، سوشیال میدییا وەك ھەرجار یا بویە دوو بەش، ھندەكان خەلكێ كریە خاین و یێ درووشمان پێ دفروشن و ھندەك ژی یێ خوە دگەل كەیفێ دگونجینن!!
ژ نەشەفافییا حكومەت و سەركردایەتییا مە، ببورن من بەحسێ (پارە و پیلان) نینە، ژبەركو شەفافیەتا وان ب سەرێ خوە، لێ من بەحسا شەفافیەتا ئایا ئەم كینە دكەم، ئەم عیراقینە یان ئەم تورك و ئیرانین یان ئەم بتنێ كوردین ل ھەرێما كوردستانێ دژین و ئەڤێن دی یێن من بەحسكرین، دەرڤەی بازنەینە؟!!
راستی وەك ھاولاتیەك یا ل بەر من و ل بەر پرانیا ھاولاتیێن ھەێمێ بخوە ژی بەرزە بووی، ھیڤیدارم كەسەك ھەبیت بەرسڤەكا گونجایی بۆ ڤێ دابەشبوونێ و مەلاقان پەیدا بكەت، ئەگەر ئەم عیراقینە پا بوچی ئەم ژ گەلەك مافان دبێ بەھرین و بوچی ئەز شەرم بكەم ئەز عیراقی بم!! ئەگەر ئەم نە عیراقینە ژی، ئەز بخوە دڤێ جوداكرنێ ناگەھم، كو سەركردایەتییا مە پی یێ وێ ھند ل ھەرێمێ نینە ھندی ل عیراقێ و ناڤتێدانێن وان، كو ئەم عیراقیینە.

--------------------

https://rwangauraxna.com/ba/detail.aspx?IDNews=7010

https://www.facebook.com/photo/?fbid=10218025992121701&set=g.209899095715001