بحث هذه المدونة الإلكترونية

pertook

pertook

2014/12/09

راوەستیانەك لدەف (عەرزوحالچیان)


عبدالرحمن بامەرنی

گەلەك جاران من قەلەمێ‌ خوە یێ‌ هەلگرتی، كو ئەز تشتەكی ل سەر عەرزوحالچیان بنڤیسم، لێ‌ دوو تشتان ئەز دراوەستاندم، ئێك: دا بێژم ئەو ژی فەقیرن و یێ‌ رزقێ‌ خوە دخون. دوو: من بو خوە دگوت، ما كی دخوینیت و كی دنڤیسیت، دا دویڤچوون ل سەر نڤیسا من بهێتەكرنێ‌! نڤیسینا من ژی، نە بتنێ‌ ژبەركو كارێ‌ وان تشتەكێ‌ روتینی یێ‌ زێدەیە، بەلكو بهایێ‌ وان نە یێ‌ ڤەبری یە و بو مروڤی گومان ژوی پارەی دروست دبیت، یێ‌ ژ مروڤی وەردگرن. بو نمونە، ئەز دێ‌ ئێك ژ عەریزچیێن دادگەها دهوكێ‌ وەرگرم، ئەو ژی، ئەز پێدڤی (ویكالەتەكا تایبەت) بوم، دا هەڤالەك موچێ‌ من یێ‌ بەری دوو هەیڤان وەرگریت، دەما لیژنا دابەشكرنا مووچان دهێت، ژبەركو سەفەرەكا چەند روژی درییا من دا بو. تا ڤێرە تشتەكێ‌ ئاسایی یە و من رێكا دادگەهێ‌ گرت و ئێكەم ویستگەها من ژی، عەریزچی بۆن، كو هەمی یێن كومڤەكرینە دهولەكا ژ دەست چێكری دا و ئەو هول یا تژی ژورێن بچیك كرین، كو هەر ژورەك ژی ئێك عەریزچی یێ‌ تێڤە و كارێ‌ وان ژی، زێدەتر كار ئاسانی یە، هەم بو هاولاتی، كو دێ‌ زانیت دێ‌ بەرەڤ چ بەش چیت و هەم ژی بو كارمەندێن دادگەهێ‌، كو دێ‌ زوی شێت مامەلێن هاولاتی پرێڤەبەت، ئەڤە نە بتنێ‌ ل دادگەها دهوكێ‌، بەلكو ل پتریا دام و دەزگەهێن حكومی، ئەڤ چەندە هەیە. من بابەتێ‌ خوە بو عەریزچی گوت: گوتە من دروستە و دناڤ بادەكێن خوە خەبتی و بهژمار 3 كاغەزێن ژ قەبارێ‌ (ئەی فور) دەرئێخستن، كو نڤیسینا تایپكری ل سەر هەبو و ناسناما من ژ من وەرگرت و خانێن ڤالا ژ پێزانینێن من تژی كرن و پیلەكا ب پێنج سەد دیناری ب پشتا ئێك ژوان كاغەزان ڤەنا و گوتە من كەرەمبكە، من ژی گوتێ‌ دەستێن تە نەئێشن، بهایێ‌ تە چەندە؟ گوتە من 4 هزار دینارن، من ژی پارێن وی دانێ‌ و ل چەند ژوورێن نڤیسەرێ‌ داد ژی دوو هزرا و حەفت سەدو پێنجی دینارێن دی چوون، بەلێ‌ خوشبەختانە، ئەوان پسولا پارە وەرگرتنێ‌ دگەل دا بو. لڤێرە پسیارا من، ئەگەر بهایێ‌ كوپیكرنا ئێك كاغەزا ئەی فور دوو سەدو پێنجی هزار دینار ژی بن، هەر چەندە لهندەك جهان كوپیكرنا دوو كاغەزان بوی بهایە، دگەل پیلێ‌ ب پێنج سەد دیناری، ئەڤە بونە هزارەك و دوو سەدو پێنجی دینار، یان كو ئەو دوو هزار و حەفت سەدوو پێنجی دیناران قازانج دكەت و دێ‌ هوسا حساب بكە، كانێ‌ ئەو روژێ‌ چەند پارەی وەردگریت، كو جهێ‌ رونشتنێ‌ لدەف نینە، خودێ‌ رزقێ‌ وان زێدە بكەت، بەلێ‌ ما گەلو نە گەلەك پارەنە؟!!. هیڤی دكەم، ئەگەر ئەڤ بابەتە هاتە خواندنێ‌، رونكرنەك ژ دادگەهێ‌ ل سەر ڤی بابەتی بگەهیتە من، هەر چنەبیت دا هزرنەكەم كو نە شەفافیەت یا د حەرەمێ‌ دادگەهێ‌ دا هەی.
تێبینی:
دروژناما وار ژمارە 1221 دا هاتیە بلاڤكرن، ل گوشا سیناهی
إرسال تعليق