د رێكا مندا بۆ كومەلگەھا شاریا

عبدالرحمن بامەرنی

ژبەركو مالا من نزیكی كومەلگەھا شاریانە، پرانیا جاران چ بۆ گەریان یان بۆ كرینا تشتان ئەز قەستا بازارێ وێ دكەم و تایبەتی ژی كرینا ماسییان، ژبەركو ماسیێن بەحرێ ل وێرێ بدەست دكەڤن و د نوینە، بەری ئەز (بەحسا مزەیتا باجان سوركان) بكەم، ھندەك راستییان ژ شاریا و خەلكێ وێ دێ بەحس كەم. ئەڤرو بوو ل ناڤ شاریا من پیكەمەكا تژی (تڤر) دیت، ژبەركو ژی (تڤر) ژ بۆ حەفكێ و تایبەتی كوخكی باشە و چەند نەخوشیێن دی، ئەز ل بەر سیارێ راوەستیام و دا دەستكەكی كەمە د زەرفیدا، لێ من دیت یێ ب عەرەبی د ئاخڤیت، من دەستكێ خوە یێ تڤرا بجھـ ھێلا و من گوت بلا پارێ من بۆ ئێكێ شاریا بیت، كورد بیت باشترە، ژبەركو ھندی بێژی جوامێر، مرۆڤی (ئیستیغلال) ناكەن تشتێ سەرنجا من راكێشایی بۆ چەند جاران، دەما دیتی ئەز كوردەكێ موسلمان، ب پێشوازیەكا جوان، سەرەدەریەكا جوان كارێ من یێ برێڤەبری و لێ تشتێ سەرێ من ژێ نەھێتە دەرێ، رایخستنا ڤان باجان سوركان بوو ل سەر عەردی؟!! نزانم پەیامەك بوو، كو بەرھەمێ جوتیاری چ گرنگی بۆ ناھێتە دان یان ژی مفایێن خوە بۆ عەردی ھەنە؟!!!