كورتە چیرۆك
مەیس داغر -
وەرگێران: عبدالرحمن بامەرنی
نڤیسەرەكی د مالپەرەكێ ئەلكترونیدا، چیرۆكەك لبن ناڤێ "سپیها چ بێ هەتكی نەكرین" بلاڤكر. پشتی دەمژمێرەكێ ژ بلاڤكرنا چیرۆكێ، نامەكا دژوار گەهشتە پوستێ رێڤەبەرێ مالپەرێ ئەلەكترونی و تێدا هاتبوو: برایێ رێڤەبەرێ مالپەری، ئەز هیڤیدارم ژ تە، تو چیرۆكا "سپیها چ بێ هەتكی نەكرین" لاببەی، ژبەركو ئاخفتن ل سەر بێهەتكیێ و ئەڤێن پێرادبن، بابەتی بۆ كەسێن دەروون نزم خوش دكەت، كو چاڤلێكرنێ بكەن، ئەڤە ژی پیلانگێریەكە دژی كومەلگەهی و ئامانج ژێ سەردابرنە.
رێڤەبەرێ مالپەری هشك ما، كو وی چیرۆك بێی خواندنا وێ بلاڤكری، رابوو نامە بۆ پوستێ نڤیسەری ڤەگوهاست، دگەل دا داخازا لێبورینێ ژێكر، كو ئەو نەچارە چیرۆكێ ژ مالپەری لاببەت.
ئاقل ژ سەرێ نڤیسەری چوو، دەما ناما رێڤەبەرێ مالپەری خواندی، هەر د گاڤێ دا بەرسڤا وی ب نامەكا دی دا و تێدا گوت: رێڤەبەرێ مالپەری یێ بەرێز، ئەگەر خواندەڤایێ تە یێ هێژا ئەو چیرۆك هەمی خواندبا، دا زانیت كو لدووماهیا چیرۆكێ، بێ تاوانیا "سپیهێ" یا دیار بووی!
ئەڤێ پیچەك رێڤەبەر ئارامكر، بەلێ بریار دا ئەو بخوە وێ چیرۆكێ بدلێ خوە بخوونیت، هەر چاوان د گاڤێ دا ئەو چیرۆك بۆ هەڤالەكێ خوە یێ تایبەتمەند ب ئەدەبی و رەخنێ ڤە فرێكر، دا كو پێكڤە بزانن، كانێ سپیهێ تاوان كریە یان نە.
پشتی چیرۆك باش خواندی و خوهـ پێدا دهاتە خار، رێڤەبەرێ مالپەری پشت راست بوو، كو بێ تاوانیا سپیهێ ژ ئەوا پێ هاتیە تاوانباركرن یا دیارە، هەر ئەڤە ژی بۆ یا هەڤالێ وی یێ رەخنەگر بۆ دوپاتكری، ژ لابرنا وێ پاشگەز بوو. نامەك بۆ خواندەڤایێ نەرازی فرێكر، تێدا نڤیسی: خواندەڤایێ خوشتڤی، دگەل رێزێن مە بۆ دیتنا تە یا مەزن، بەلێ ئەگەر تە باش هووربینی د دووماهیا چیرۆكێ دا كربا، دا بینی كو سپیهێ د راستی دا چ تاوان نە كرینە.
دەمژمێرەكا تەمام دەرباز بوو، بەری خواندەڤایێ نەرازی ڤەگەریتە نامەكا نوی بۆ رێڤەبەرێ مالپەری، تێدا گوتبوو: برایێ رێڤەبەرێ مالپەری، ناڤ و نیشانێ چیرۆكێ بتنێ بەسە كو بێهەتكی بلاڤ ببیت، ئەو ئاماژێ د دەت كو ژ راستی ئێك ژ سپیهان بێهەتكی ئەنجامدایە. دڤان دەمان دا، رێڤەبەرێ مالپەری پەیوەندیەكا تەلەفونی دگەل نڤیسەری ڤەكر، هیڤی ژێكرن كو ناڤێ چیرۆكێ بۆ "سپیها سەربەردای" بۆ نمونە یان "سپیها یاریكەر" بگوهوریت، شوونا ئەڤا بێهەتكی كری. نڤیسەری ب توندی رەتكر و بۆ رێڤەبەرێ مالپەری دیار كر، دەما ئەو ناڤ و نیشانەكی د هەلبژێریت، ئەو وی ژ دەهان ناڤ و نیشانان د ئینتە دەر. گەرەكا گەرما دەنگ بلند و نزیمێ دناڤبەرا رێڤەبەرێ مالپەری و نڤیسەری دا دروستبوو و لدووماهیێ گەهشتنە رێكەفتنەكێ، كو چیرۆك بلاڤكری بمینیت و ناڤ و نیشانێ وێ بۆ "سپیها چ بێ هەتكی نەكرین" بهێتە گوهورین.
پشتی پشت راست بوی ژ مانا چیرۆكا وی ل سەر مالپەری، نڤیسەرێ ـ خودانێ چاڤێن زیق و پیێ داریـ دەستێ خوە یێ راستێ وەكو پەیمانا ل سەر كاغەزا وەسیەتێن ئاهەنگێن ماسونی دانا و دەستێ خوە یێ چەپێ ل سەر دانەكا پروتوكولێن حەكیمێن صەهیونی دانا. پاشی ب زڤراتی كرە كەنی، پشتی پشت راست بووی كو ستوونێن كومەلگەهی دێ هێنە تێكدان و بێ هەتكی دێ بلاڤ بیت. ئەو دزانیت خواندەڤایێن چیرۆكێ دێ زانن، دەما ب باشی دناڤ رێزێن چیرۆكێ دا دچنە خار، كو سپیهێ براستی بێ هەتكییا كری.
* د رۆژناما صباح كوردستان ژماره 101 دا بلاڤ بوویه.
د رۆژناما صباح كوردستان ژماره 101دا بلاڤ بوویه
مەیس داغر -
وەرگێران: عبدالرحمن بامەرنی
نڤیسەرەكی د مالپەرەكێ ئەلكترونیدا، چیرۆكەك لبن ناڤێ "سپیها چ بێ هەتكی نەكرین" بلاڤكر. پشتی دەمژمێرەكێ ژ بلاڤكرنا چیرۆكێ، نامەكا دژوار گەهشتە پوستێ رێڤەبەرێ مالپەرێ ئەلەكترونی و تێدا هاتبوو: برایێ رێڤەبەرێ مالپەری، ئەز هیڤیدارم ژ تە، تو چیرۆكا "سپیها چ بێ هەتكی نەكرین" لاببەی، ژبەركو ئاخفتن ل سەر بێهەتكیێ و ئەڤێن پێرادبن، بابەتی بۆ كەسێن دەروون نزم خوش دكەت، كو چاڤلێكرنێ بكەن، ئەڤە ژی پیلانگێریەكە دژی كومەلگەهی و ئامانج ژێ سەردابرنە.
رێڤەبەرێ مالپەری هشك ما، كو وی چیرۆك بێی خواندنا وێ بلاڤكری، رابوو نامە بۆ پوستێ نڤیسەری ڤەگوهاست، دگەل دا داخازا لێبورینێ ژێكر، كو ئەو نەچارە چیرۆكێ ژ مالپەری لاببەت.
ئاقل ژ سەرێ نڤیسەری چوو، دەما ناما رێڤەبەرێ مالپەری خواندی، هەر د گاڤێ دا بەرسڤا وی ب نامەكا دی دا و تێدا گوت: رێڤەبەرێ مالپەری یێ بەرێز، ئەگەر خواندەڤایێ تە یێ هێژا ئەو چیرۆك هەمی خواندبا، دا زانیت كو لدووماهیا چیرۆكێ، بێ تاوانیا "سپیهێ" یا دیار بووی!
ئەڤێ پیچەك رێڤەبەر ئارامكر، بەلێ بریار دا ئەو بخوە وێ چیرۆكێ بدلێ خوە بخوونیت، هەر چاوان د گاڤێ دا ئەو چیرۆك بۆ هەڤالەكێ خوە یێ تایبەتمەند ب ئەدەبی و رەخنێ ڤە فرێكر، دا كو پێكڤە بزانن، كانێ سپیهێ تاوان كریە یان نە.
پشتی چیرۆك باش خواندی و خوهـ پێدا دهاتە خار، رێڤەبەرێ مالپەری پشت راست بوو، كو بێ تاوانیا سپیهێ ژ ئەوا پێ هاتیە تاوانباركرن یا دیارە، هەر ئەڤە ژی بۆ یا هەڤالێ وی یێ رەخنەگر بۆ دوپاتكری، ژ لابرنا وێ پاشگەز بوو. نامەك بۆ خواندەڤایێ نەرازی فرێكر، تێدا نڤیسی: خواندەڤایێ خوشتڤی، دگەل رێزێن مە بۆ دیتنا تە یا مەزن، بەلێ ئەگەر تە باش هووربینی د دووماهیا چیرۆكێ دا كربا، دا بینی كو سپیهێ د راستی دا چ تاوان نە كرینە.
دەمژمێرەكا تەمام دەرباز بوو، بەری خواندەڤایێ نەرازی ڤەگەریتە نامەكا نوی بۆ رێڤەبەرێ مالپەری، تێدا گوتبوو: برایێ رێڤەبەرێ مالپەری، ناڤ و نیشانێ چیرۆكێ بتنێ بەسە كو بێهەتكی بلاڤ ببیت، ئەو ئاماژێ د دەت كو ژ راستی ئێك ژ سپیهان بێهەتكی ئەنجامدایە. دڤان دەمان دا، رێڤەبەرێ مالپەری پەیوەندیەكا تەلەفونی دگەل نڤیسەری ڤەكر، هیڤی ژێكرن كو ناڤێ چیرۆكێ بۆ "سپیها سەربەردای" بۆ نمونە یان "سپیها یاریكەر" بگوهوریت، شوونا ئەڤا بێهەتكی كری. نڤیسەری ب توندی رەتكر و بۆ رێڤەبەرێ مالپەری دیار كر، دەما ئەو ناڤ و نیشانەكی د هەلبژێریت، ئەو وی ژ دەهان ناڤ و نیشانان د ئینتە دەر. گەرەكا گەرما دەنگ بلند و نزیمێ دناڤبەرا رێڤەبەرێ مالپەری و نڤیسەری دا دروستبوو و لدووماهیێ گەهشتنە رێكەفتنەكێ، كو چیرۆك بلاڤكری بمینیت و ناڤ و نیشانێ وێ بۆ "سپیها چ بێ هەتكی نەكرین" بهێتە گوهورین.
پشتی پشت راست بوی ژ مانا چیرۆكا وی ل سەر مالپەری، نڤیسەرێ ـ خودانێ چاڤێن زیق و پیێ داریـ دەستێ خوە یێ راستێ وەكو پەیمانا ل سەر كاغەزا وەسیەتێن ئاهەنگێن ماسونی دانا و دەستێ خوە یێ چەپێ ل سەر دانەكا پروتوكولێن حەكیمێن صەهیونی دانا. پاشی ب زڤراتی كرە كەنی، پشتی پشت راست بووی كو ستوونێن كومەلگەهی دێ هێنە تێكدان و بێ هەتكی دێ بلاڤ بیت. ئەو دزانیت خواندەڤایێن چیرۆكێ دێ زانن، دەما ب باشی دناڤ رێزێن چیرۆكێ دا دچنە خار، كو سپیهێ براستی بێ هەتكییا كری.
* د رۆژناما صباح كوردستان ژماره 101 دا بلاڤ بوویه.
د رۆژناما صباح كوردستان ژماره 101دا بلاڤ بوویه
%20copy.jpg)
ليست هناك تعليقات:
إرسال تعليق