عبدالرحمن بامەرنی
من وێ رۆژێ بەرێخوەددا پارچە ڤیدیویەكێ، بابەت ل سەر دەھـ زارۆكان بوو و ل نزیكی ھێلا شەمەندەفرێ یاری دكرن، نەھـ زارۆكان ژوان ل سەر ھێلا شەمەندەفرێ یاریێن خوەدكرن و بتنێ ئێك نەبیت، گوتە ھەڤالێن خوە ڤێرە یا ب مەترسییە و چوو ل سەر ھێلەكا ژ كاركەفتییا شەمەندەفرێ یاری بۆ خوە دكرن. ژ نشكەكێڤە شەمەندەفر نزیك بوو و ئەڤێ ھێلا شەمەندەفرێ بۆ ھێلا ئاسنی یا دروست ئاراستەدكەت، كەفتە دناڤبەرا یان شەمەندەفر بۆ ھێلاخوە یا دروست بچیت و ھینگێ دێ (9) زارۆك بنە قوربانی یان ژی ب بایێ بەزێ ھێلا ئاسنی بگوھوریت و بەرێ شەمەندەفرێ بكەڤیتە ھێلا ئاسنی یا ژ كاركەفتی و بتنێ دێ (1) قوربانی ھەبیت و یا دروست ھەلبژارت،
دەما بەرێ شەمەندەفرێ دایە ئێكی بتنێ و شییا پترییا زارۆكان ژمرنەكا بێ ڤەگەر رزگار بكەت! تا ڤێرە بابەت ئاساییە و رەنگە ئەڤ كرێكارە بھێتە خەلاتكرن، پێنەڤێت ئەگەر ئەو كرێكار ل ھەرێمێ بیت و نە بتنێ دێ ھێتە خەلاتكرن، بەلكو دێ كەنە بەرپرس و دەھان نموونە مە یێن ھەین و ژبەر ھندێ ژی رێژا گەمژەییێ رۆژ بۆ رۆژێ بەرەڤ زێدەبوونێ دچیت و لێ ئەگەر ھەڤكێشەییێ بەرۆڤاژی بكەین، شوینا (1) كرێكارێ ھشیار و ژیر ببیتە قوربانی و ئەوی بتنێ خوە ژ مەترسیێ دایە پاش، دڤیابا ھەر (9) زارۆكێن دی ببانە قوربانی، ژبەركو ژ بەر گەمژەیی و سەر رەقییا خوە ئەو جھێ بمەترسی ھەلبژارتبوو! رەنگە ھەر ئێك ژ ئەڤێن بابەتی دخوینیت دیتنەك جوداتر ھەبیت و دیتنێن ھەمییان ژی دجھێ خوەدانە، لێ یا ئەز دزانم، وەلاتەكێ وەكی یابانێ ب كەسێن گەمژە نەبوویە یابان و كەس نە بێژیتە من تو یێ رەشبینیی؟!! ژبەركو دەما ئێڤاری چوویمە فرنا نانی، خودانێ نانی د بەرسڤا پرسیارا مندا گوت، باوەربكە گەلەك دھێن پارێ نانی دگەلدا نینە و نانێ ب قەر دبەن.
ليست هناك تعليقات:
إرسال تعليق