عبدالرحمن بامەرنی
ئەڤا ئەز دێ نڤیسم بەحسا زەلامەكییە و رێك وی بەحسا بەرپرسەكی دكر، گوت: زڤستان بوو و زڤستانێن گوندان و تایبەتی بەری سەرھلدانێ، بەرفرو سەرما ب سەرێ خوە، ھەژاری و گوندێن مە (موحەرم)، مە ئەرزاق نە و بھیڤییا گینیكەكێ ئاری و نیڤ گینیكێ ساڤاری بۆ زڤستانێ ھەمیێ، كا دێ تێرا مەكەت یان نە. دا درێژنەكەم، شەڤەكێ ھندەك لمەبوونە مێھڤان و ھند ژێ ھارب بوون و ھند پێشمەرگەبوون، وەك ھەر جار شیڤا وان، چاندكا وان ژی مە تژی نان كر، ئێكی ژوان شەلوالێ وی كەتبوو چیقەكێ داری و دریابوو و من دوو دەستێن جلكان ھەبوون و من ئێك دا وی و وێ زڤستانێ ھەمیێ ئەز مامە ب ئێكی،
زوی ب زوی نەدھاتنە شویشتن دا نەمینە ریس و بشێم كارێ مالێ بكەم و گەلەك رۆژان ئەز دخانیڤە مایمە و ب (دەرپێ) و دا ھێشتا كورت كەم، رۆژ ھاتن و چوون و سەرھلدان چێبوو و حكومەت چێبوو و ئەوێ من دەستەكێ جلكێن خوە داینێ و وێ زڤستانێ ھەمیێ ئەز مایمە بدەستەكی من دیت، گوت ئەز قەردارێ تەمە و ژمن و ژوی و و ب سیندا راچوو و گوت ئیلا دێ بو تە دەستەكێ جلكێن كوردی دەمە كەركرنێ و پارێ وێ ل سەر حسابا منە و جامێری بۆ من كری. دەما ئەز ھاتیمە مال، كورێ من گوت: با ئەرێ تو دزانی ئەوی جارەكێ تو ھێلایە بێ جلك و جارەكێ ژی تو (ئیھانە)كری، من گوتێ چاوا، جامێری جلك یێن بۆ من كرین و نەھێلایە ئەز پارێن وان ژی بدەم. گوت: وی دەمێ تە دەستەكێ جلكێن خوەداینێ، ئەوی چنەبوو و تە دوو دەست ھەبوون، نوكە تە چنینە و ئەو نابێژیتە دولاری (فەتەح پاشا) و ژبلی خانی و مەزرەعە و سیارە و كا پارێن خوە كرینە دچ پرۆژە را. تشتێ بمن مایی، من گوتێ تو راست دبێژی كورێ من، ئەڤەیە ئەوا دبێژن كێ كر و كێ خار و من ژی گوتێ مام دلێ خوە نەھێلە، شورەشا مە ھەمی ب سادەیی دەرباز بوو و تا نوكە ژی ھەر ب سادەیی یا دەرباز دبیت. بێھنا ھەڤالێ منێ دی تەنگ بوو و گوت، پا كی دخووت!!!
ليست هناك تعليقات:
إرسال تعليق