پێنج تشتێن ئەم ژێ پەشێمان دبین دەما مەزن دبین!

 ع. بامەرنی

ئەڤە نە نڤیسینا منە، بەلكو كورتكرییا پەرتووكەكا برینپێچەكا ئسترالییە و ھەمان ناڤ و نیشانێ دھەلگریت و دبێژیت: پرسیار ژ گەلەك كەسێن ب ناڤ سالڤەچووی ھاتیەكرنێ بەری ئەو بمرن، لدوور بەرچاڤترین ئەو تشتێن وان كرین یان نەكرین دێ چبن، ئەگەر دوبارە دەرفەت بۆ وان چێبوو و زڤریبانە گەنجاتییا خوە؟ تشتێ سەیر ژی، پرانییا بەرسڤان خوە دڤان پێنج پرسیاران دا دبیتن.

ئێك:

من ھیڤیدكرن ئەگەر من ئەو وێرەكی ھەبایە، كو من بۆ خوە بتنێ ژیان كربایە و من ئەو نەكربایە، ئەڤا خەلكێ دی ژمن دڤییا. پرانیا وان ژی پەشیمانییا خوە ژ رازیكرنا سەروكێن خوە یێن كاری دەردبری یان خوە ئینانە پێش، كو بتنێ خەلكێ دەوروبەرێن وی ژ وی رازی ببن.

دوو:

من ھیڤی دكرن ئەگەر من دەمەكێ زێدەتر بۆ خێزانا خوە تەرخانكربایە شوونا ھەڤالێن خوە، كو ژیێ من ھەمی ب روتینا كاری ڤە دەرباز بوویە.

سێ:

من ھیڤیدكرن ئەگەر من ئەو وێرەكی ھەبایە، كو من ھەستێن خوە ب روونی و راستگووی دەربریبانە. كو گەلەكان ھەستێن خوە ڤەشارتینە ژ پێخەمەت تێكەلییا كەسێن دی یان قوربانیدان ژ پێخەمەت ھندەك كەسێن نە ھەژی.

چار:

من ھیڤیدكرن ئەگەر پەیوندیێن من دگەل ھەڤالێن منێن كەڤن ھەبایە یان نوی بباڤە، ژبەركو ھەڤالێن كەڤن جوداترن و دگەل وان ئەم ھەست ب خوشیێ دكەین و بیرئانینێن گەنجاتیێ دزڤرینین. بەلێ مخابن دگەل قوناغا پێكئینانا خێزانێ و ئەم وان ژبیردكەین، تا دەنگویێ مرنا وان یا ژنشكەكێڤە دھێتە گوھێن مە.

پێنج:

من ھیڤیدكرن كو خوزی ھەر زوی من رامانا پەیڤا شادیێ زانیبایە، ژبەركو پرانییا مە درەنگ پێدزانن كو حالەتەكێ مەژییە و چ گرێدان ب پارەی یان پوستی یان ناڤداریێ ڤە نینە و شادی ھەلبژارتنەكە ب ئاسانی بدەستڤەدھێت و بەلێ ئەم ب بیروكەیێن كەڤنار ڤە دھێینە گرێدان، كو ئەم وان ب ئەنجام بگەھینین.

ـــــــــــــــــــــــــــــــــــــــ

https://www.facebook.com/photo/?fbid=10216462433113703&set=g.209899095715001