ئەو تشتێ لێ دگەریا، ژ نیشكەكێڤە هاتە بەر
گوهان، پەیوەندییا وێ نەدشییا مێیاتیا وێ ژ دەنگێ وێ جودا بكەت، حەزێن پەنگیایی
دناڤدا د ڤەشارتی بوون، دڤیابا ژمێژە من خودانا ڤی دەنگی ناسكربایە!
ئەڤە
دانپێدانێن وی كەسی بوون، دەما گوتیە من: "ئێكەم تشتێ ئەز بەرەڤ وێڤە بریم،
پەیوەندییەكا تەلەفونی بوو".
من چیرۆكا وی حەژێكر، ئەز ژی ل هزرەكێ دگەریام بكەمە نڤیسین و ئها ئەڤە بابەتەك، یێ ب بەر هزرێن منڤە دهێت. بەلێ گوهێ من یێ لتە، سوز بیت، ژبلی قەلەم و كاغەزێن من، كەس نهێنییا حەژێكرنا تە نەزانیت، گوت: "دەم وەرزێ پایزێ بوو و تشتێ ئەز و ئەو دگەهاندینە ئێك، مە هەردوویان حەز ژ پایزێ كر. وێ ناڤێ خوە كربۆ پایز و من حەز ژ پایزێ و وەریانا بەلگان كر. من بۆ پایزێ نڤیسی و وێ حەز ژ نڤیسنێن من و پەسنا من بۆ جوانیا ڤی وەرزی دكر! پایزێ لدەف وێ رامانا خوە هەبوو و بەر سینگێن وێ، تژی حەژێكرن و ئومێد بوون. پایزێ لدەف من جوانییا خوە هەبوو و دگەلدا، من تەمەنێ خوە ژبیر دكر. شەڤێن درێژ، مە پێكڤە دبوراندن و من ب زمانێ رۆمانێ بۆ دئاخفت و زمانێ من هەستێن وێ د ئازراندن. وێ ب زمانێ بێ ئومێدیێ بەرەڤانی ژ خوە دكر و من هەست ب شەرمێ دكر!".
ئەڤە ئەو گوتن بوون، دەما من راستییا ڤێ حەژێكرنێ،
بۆ پایزێ ڤەگێرایی. ل دەستپێكێ، پایزێ بەحسا ناڤێ خوە كر. پایز لدەف وێ، نە
بتنێ ناڤێ ئێك ژ وەرزێن سالێ بوو. پایزێ، پێناسە و رامانێن جودا هەبوون. وەرزێ
رویسكرنێ، وەرزێ راكرنا ماسكان بوو. گوتە من، وەریانا بەلگان، نە رامان ژێ مرنا
ژیانێ یە، ژیان هینگێ دمریت، دەما پەیڤ هەستا دمرینن. وێ گەلەك حەز ژ زمانێ وی
دكر، تایبەت دەما ب پەیڤێن خوە، پەسنا وێ دكر. پەیڤێن وی ژییان ددا وێ، مێیاتییا
وێ د ئازراند، تشتێن نەپەنی سەرئاڤ دكرن، هەبوونا وێ نیشان ددا، دەوروبەرێن وێ
تژی مێیاتی دكر، پەر بۆ دروستدكرن، فرین نیشان ددا، دفری، فرا وێ گەلەك د چوو، هەست
بخوە دكر، رووساتییا خوە ددیت، بەرسینگێن خوە ددیتن چ حەژێكرن تێدایە و دلێ خوە
ددیت، چەند یێ تژی ڤیان و عەشقە. دادان ژبیرێ دچوو و پەیڤێن وی نەدشییان جهێ دادانێ
نیشان بدەن و هێشتا ئەز نزانم، زمانێ من یێ نڤیسینێ ژڤێ عەشقێ ل كیڤەیە و چ
ناڤ بۆ ڤێ چیرۆكێ هەلبژێرم.
پایز لدەف هەردوویان، نە ئێك رامان بوو. پایز لدەف
وی، وەریانا سالێن تەمەنێ وی بوو و لدەف وێ، وەریانا بەلگان و رویساتیێ بوو. هەردوویان
حەز ژ پایزێ كر و دناڤ پایزێدا بەرزە بوون. ئەو، بەرەڤ نڤیسینا رۆمانەكێ ڤەچوو و
ڤییا پایز د رۆمانا ویدا، ژ چاڤێن وێ رەنگ ڤەدەت. ئەوا دی، بەرەڤ عەسمانان ڤەچوو،
ل چەقێ دارەكێ دگەرییا، هێلینەكێ ل سەر دروست بكەت!!
كوڤارا رامان ژمارە 223 ل رۆژا 5/12/2015 بلاڤبوویە
%20copy.jpg)
ليست هناك تعليقات:
إرسال تعليق