عبدالرحمن بامەرنی
ژ كەربێن تە دا، ئێك ژ هەلبەستێن هوزانڤان (ئەحمەد یاسین)ە دكوڤارا پەیڤ ژمارە 58 دا بلاڤ بویە، هەر ژ ناڤ و نیشانێ هەلبەستێ، مروڤ دزانیت هوزانڤانی دڤێت تشتەكێ نە ئاسایی ب ئازرینیت، ئەو تشتێ هەنێ ژی رەنگڤەدانەك بیت و نە دویرە ئەو رەنگڤەدانا هەنێ بەروڤاژی ل سەر وی بخوە ژی بزڤریت، كا چاوان هندەك كەس تشتێن خوە پیچ دكەن یان تا بەرەڤ خوەكوژیێ ژی دچن. لێ ئەڤ كەربا هوزانڤانی بتنێ ل نفرینان دراوەستیت و ئەڤە ژی ب ساناهیترین چەكە ددەستێ كەسەكێ بێ دەستهەلات دا، كو هەست كربیت یێ لاوازە و یێ بەرامبەر دربێ خوە یێ داوەشاندیێ.
تشتێ ڤی دەقی بالكێش دكەت، هوزانڤان هێزا خوە ددەتە سەر زمانێ نفرینێ و چاوان داهێنانێ دڤی بواری دا بكەت، هەولدایە گەلەك ژوان تشتێن ل بەر وی دكەهی و لێ ئاشنا یان برامانەكا دی، هەولدایە وان هەمی تشتێن كەساتیا وی ب (وێ) ڤە گرێددەن، ب پرچینیت، ڤیایە كەربا خوە ژی بڤان نفرینان بەلاڤە بكەت. تا ڤێرە ئەڤە ئەو ناڤەروكە یا ئەحمەد یاسین شاعرییا خوە دارێتیێ و سنعەتكاری و فەرهەنگا وی یا بەرفرەهـ ژ گوندی، كومەلگەهی، فلكلوری و بیروباوەران، زانستێ كەڤن و یێ نوی و هەر تشتێ ب بەرچاڤێن وی كەفتی خواندی یا هەولدای دڤێ شعرێ دا تەوزیفبكەت. ئەگەر دوێنەكی دا، بلندی و نزمی هەبیت ژی، هوزانڤان یێ شیایی ب موزیكەیا شعرێ، خاندەڤای ب شعرا خوەڤە، سەر راست كەتە ڤە و نەهێلیت ڤەقەتیان بكەڤیتە دناڤبەرا هەردوان دا و ئەڤە ئێك ژ وان خالێن سەركەتی یە كو هەر هوزانڤانەك هەولددەت هەمی خاندەڤا دوو جار و سێ جاران، دەقێ وی بخوینن.
ئەگەر سەحكەینە ڤان وێنەیان ژ هەمان شعر:
(چاڤێن خوە ڤەشێرە، چاڤێن من وەستیان، حەز دكەن روندكێن تە ببینن) یان (حەزدكەم تا تە بگریت، ل شوونا بازنكان، بەندكێ قەبرێ سەیدی بكەیە دەستێ خو) یان (پیرەژنەكا جەحێل، دەفكا ل پشتا تە بدەت، خوینێ ژ گەهێن تە بینتە دەر) یان (من دڤێت وێنەكی لبەر كڤانێ هەیڤێ بو تە بكێشم، دناڤ كوچكەكێ تژی پەل دا، ب ئاگر بێخم، بسوژم، بكەمە رەژی).......
ئەگەر وەك شعر لڤان وێنەیان ڤەگەرین، هوزانڤانی هەولدایە بكێمترین پەیڤ پترترین رامان بینتە بەرهەم، ئەڤە ژی بو دوو ئەگەران دزڤریت، ئێك دەقێ شعرێ بگەلەك شروڤەكرنێ نە شرین دبیت و یا دوێ ژی، ئەڤرو لەزاتی دهەمی تشتەكی دا یا فەرە و بو كەسێ دەم نەیێ روخسیایە كو دەق یێ درێژ و ڤەجوی بیت.
ئەگەر ل سەر وێنەیێن دوماهیێ ژڤێ شعرێ راوەستین و نهێنییا پەیوەندیا عەشقێ دناڤبەرا هوزانڤانی و ئەو كەسا كەربا خوە ب ناڤ چاڤێن وێ وەردكەت، دێ زانین كو هوزانڤان وەك هەر عاشقەكی، رێكێن خوە یێن تایبەت یێن دەربرینا حەژێكرنێ هەنە و حەز دكەت بڤی شێوەی دەربرینێ ژ هەستێن خوە بكەت، هەر وەكو هوزانڤان د پارچەیا دوماهیێ ژڤێ شعرێ دا دبێژیت:
(من دڤێت، كەربێن تە ڤەكەم، تە بكەمە بەفر و لبەر حەتاڤێ، تە ئەشكەنجە بدەم، تە بحەلینم.......كا راوەستێ... ئەز حەژ تە دكەم....)
دەبرینا حەژێكرنێ ژی چەندین شێوازێن خوە یێن تایبەت هەنە و شاعر ژی ئێك ژوان كەسانە یێن حەز دكەن، هەر دەم ل نویاتیان بگەرن و تشتێ نەبوی، گیانی بدەنێ و لبەر خەلكی ئاشنا بكەن.
خاندنا ڤێ شعرێ هەر ژ سەرێ وێ و تا دوماهی وێنە، راستگوییا حەژێكرنەكێ یە و هوزانڤان حەزناكەت ئەڤینەكا نورمال هەبیت و هەمی تشتەك وەك خوە و ئاسودەی پرێڤە بچن. بەلكو حەز دكەت، كەربا خوە هەمیێ دارێژیت و دلێ خوە ژ هەمی تشتەكی ڤالا بكەت و بتنێ جهی بو گەڤزكێن وێ، ئەوا وی ناڤ نەئینای، تێدا ئاكنجی بكەت.
ژڤێ شعرێ ژی، هوزانڤانی یا هەولدای خاندەڤایێ خوە ژ وێنەیێن بەرجەستە بەرەڤ وێنەیێن نە بەرجەستە ڤە ببەت و بتایبەت وان هەمی وێنەیێن دخەونان دا دبەرجەستە و بتنێ زمانێ شعری دشێت دەقی و خاندەڤای ل ئێك پێگەهـ كوم ڤە بكەت، كو سەركەتن و نە سەركەتنا هوزانڤانی پێڤە بەندە.
%20copy.jpg)
هناك تعليق واحد:
ئةنجومةني مامؤستاياني بيشةنك : ريكخراويكي بيشةيية ئامانجي خزمةتكردني مامؤستايان وبرؤسةي بةروةردةية , ئةتوانن لة ريكاي ئةم بلوكةرةو بةيجةكانمان لة كوكل بلةس و فةيس بوك و تويتةرو يوتوب ئاكاداري كارو جالاكييةكانمان بن http://mamostaianpeshang.blogspot.com/
إرسال تعليق