عبدالرحمن بامەرنی
دەما د گوندەكیدا سێ مال ھەبن و ئێكێ ژوان، پەز و رەز و حەیوان و دەستێ كاری ھەبیت و ھەردوو مالێن دی، حالێ وان خوشتر بیت، خانیێ وان جوانتر بیت، ناڤمالییا وان باشتر بیت، ئەڤە ئێك رامان دگەھینیت، ئەو ژی دڤێت ئەڤ مالە ب خودانێن مالێڤە پێداچوونەكێ دخوە و ژیانا خوەدا بكەن، یان كەسێن رێبەر نینن یان ژی سەرەدەریێ دگەل ئەو تشتێ ھەی نزانن بكەن و ژ نەچاری خوە پێدڤی ھەردوو مالێن دی دكەن یان ژی ب كورت و كرمانجی دھێنە (ئیستیغلالكرن)! بێژنە من چاوان؟!!!
ئەڤ داتایێن ئەز دێ نڤیسم ژلایێ ئابوریناس و ماموستایێ زانكویێ (كاوە عەبدولعەزیز)، كو بۆ گاڤ نیوز دیاركرین و ھوسا گوتی: ل سەر بەرژەوەندییا خەلكێ پارێزگەھا دھوكێ، پرۆژێن خزمەتگوزاری ل ھەولێر و سلێمانیێ دھێنە دروستكرن و وەك رێژە ژی د سەر 80% ژ پرۆژێن ئاڤەدانكرنێ ل ھەولێر و سلێمانیێ نە و كێمتر ژ 20% ل دھوكێ نە و د بەرامبەر ئەڤان داتایان دا، 52% ژ داھاتێ پەترولێ ژ وان 420 ھزار بەرمیلێن دھێنە فروشتنێ ژ دھوكێ دەردكەڤن و زێدەباری ڤێ ژی 42% ژ داھاتێ ناڤخویێ حكومەتا ھەرێما كوردستانێ، ژ پارێزگەھا دھوكێ یە.
ژڤێ ھەڤكێشەیێ ھەمیێ ژی بیرا من ل سالێن نوتان ھات، دەما ھەڤپەیمانێن ئەمریكا د شەرێ كوەیتێ دا ئابلوقا ئابوری دانایە سەر عیراقێ، عیراقێ ژی ئابلوقەكا دی یا ئابوری دانایە سەر ھەرێمێ و یێن ھەرێما كوردستانێ بونە دوو ئابلوقە! (ھەمان تاس و ھەمان حەمام)، نوكە عیراقێ ئابلوقەك دانایە سەر ھەرێما كوردستانێ و ھەرێما كوردستانێ ژی چركریە سەر پارێزگەھا دھوكێ و تشتێ خوش ژی ژڤێ نڤیسینێ، دەما ئەز مژویلی دانانا سەرەناڤەكی بۆ ڤێ گوتارا بچیك و ژ د لپێڤەمانا من بۆ دھوكێ، كو ھەر كەسێ كارێن وی دروست پرێڤە نەچن، ئەم دبێژینێ ھەیلا فەقیری و دھوك ژی ب سەرێ خوە ژبۆ بێخودانیێ؟!!
ــــــــــــــــــــــــــــــــــhttps://www.facebook.com/photo/?fbid=10217196218177871&set=g.209899095715001
%20copy.jpg)
ليست هناك تعليقات:
إرسال تعليق