ئەڤرو ژی بلا بۆ (حەمەی حاجی مەحمود) بیت

 عبدالرحمن بامەرنی

یێ بڤێت دەنگ و باسێن گەرما و گەرمێن ھەرێما كوردستانێ بزانیت، دڤێت ھەر رۆژ سپێدێ چاڤخشاندنەكێ ل تورا فەیس بوكێ بكەت و ھندەك دەنگ و باس و روودان، ھەتا دگرنگ ژی بن، لێ زوی دەرباز دبن و نابنە بابەتێ ل سەر راوەستیانێ، ھندەك ژی دبنە مژویلیێن فەیس بوكێ و دەھان پوست دێ ل سەر بلاڤ بن و ئەڤرو ژی مانورا (حەمەی حاجی مەحمود)، سەر ژ ھەمی پوستێن دی ستاندبوو و تایبەتی ژی (تەرەكتورێ)، ژبلی توپ و تانكا...!

وەك ئەم ژ مانورێن سەربازی ژی دزانین، ئەڤ خوە پیشاندانە دھێنە كرنێ بۆ بەرچاڤكرنا ھێزێ.. بەلێ (كاكە حەمە)، پەیاما تە گەھشت و تە بۆ حزبێن دی ژی دیار كر كو ھین خودان چەكن و ھین دێ بەرەڤانیێ ژ حزبا خوە كەن و دێ بەرەڤانیێ ژ ئەندام و لایەنگرێن خوە ژی كەن، ژخوە پارتی و ئێكەتی ژی ھەمان تشت دكەن، ب پیشاندانا ھێزێن خوە یێن چەكداری ل بەر ئێك د راوەستن و ئەندام و لایەنگرێن خوە پێ دپارێزن.

لێ تشتێ بۆ من ژڤێ مانورایێ سەیر و ئەز تێنەگەھشتیم، ئەم بەحسا میلیشیاتان دكەین و لدویڤ یاسایا حزبان نابیت ھیچ حزبەكێ ل ھەرێما كوردستانێ نە ھێزا چەكداری ھەبیت و نە چەكێ گران و دڤێت ھەمی ب رەنگەكێ رێكخستی بن و خالا دوویێ یا بۆ من ژڤێ مانورایێ سەیر ئەوە بێژم، ھەبوونا (تەرەكتور)ێ دناڤ تانك و ترومبێلێن سەربازی داا!!! ھەر چەندە پەیاما كاك حەمەی یا ئاشكەرابوو كو حزبا وی خودان خەباتە و بەرەڤانیا ژ ئاخا ھەرێما كوردستانێ كری و مافێ وێیە ھێز و چەك ھەبیت و بەرەڤانیێ ژخوە بكەت، لێ ھەبوونا تەرەكتورێ ھەمی تشتەك سەرئێك و بنئێككرن.

ــــــــــــــــــــــــhttps://www.facebook.com/photo/?fbid=10217260686509539&set=g.209899095715001

http://www.rwangauraxna.com/ba/detail.aspx?IDNews=6496