د لێگەریانێن خوەدا ل سەر ئەنترنێتێ، چاڤێ من بڤێ چیرۆكێ كەفت، ئێكسەر نوژدار و فیتەرێن مە ھاتنە بەرچاڤێن من، دگەل رێزێن من بۆ ھەر كەسەكێ وژدانا خوە دئینتە پێش و چاڤێ وی بتنێ ل ڤەرچكاندنا كەسێن دی نەبیت.
من ھوسا خاندبوو:
گوشتفروشەكێ ب ساتورێ گوشت قەدقەد دكر و پرتەكا بچیكا ھەستی ژێ پەشی و چوو دچاڤێ ویدا. چاڤێ وی لێ بۆ ئێش و ژبەر كو چ نەخوشخانە ل گوندێ وان نەبوون، قەستا سەرتراشی كر.
سەرتراشی گوت: خوە نەترسینە، بتنێ پاقژكرن و ملەحەم بۆ دڤێت. ژبەركو ئەڤ تشتێن ھەنێ ژی سەرتراشی یێن ھەین، رابۆ چاڤێ وی بۆ دەرمانكر و گوتێ: دڤێت ھەمی رۆژان چاڤێ تە دەرمان كەم.
رۆژا پاشتر گوشتفروش ھات و كیلویەكا گوشتی و كیلویەكا مێلاكێ بۆ سەرتراشی ئینان و سەرتراشی ژی چاڤێ وی پاقژ دكر و ملحەم تێدا و بۆ چەندین رۆژا، ئەو ھەستی ھێلا دچاڤێ ویدا.
رۆژەكێ گوشتفروش ھات و سەرتراش نەدیت و كورێ وی لجھێ وی بوو، گوتێ: ئەرێ بابێ تە نیشا تەدایە دێ چاوان چاڤێ من دەرمان كەی؟
كورێ سەرتراشی: گوتێ بەلێ.
گوشتفروشی گوتێ: كادێ سەحكە ھەستیێ د چاڤێ مندا!
كورێ سەرتراشی سەحكرە چاڤێ وی و ھەستی تێدا دیت و ژ چاڤێ وی ئینادەر و بۆ پاقژكر..
ب شەڤێ دەما زڤریە مال، بابێ وی گوتێ: ئەڤرو رۆژا تە چاوان بوری؟.
گوتێ: ئەڤرو گوشتفروش ژبەر چاڤێ خوە ھاتبوو و من بۆ سەحكرێ و ھەستیكەكێ بچیك تێدا بۆ و من ژێ ئینادەر.
بابێ وی گەلەت ژێ تورە بوو و دەما پرسیارا بابێ خوە كری، مانە دڤییا تە سوپاسیا من كربایە، ژبەركو من زەلامەك رزگار كر و ئێشانا وی نەما.
ئینا بابێ وی گوتێ: ئەوی گوشت فروشی ھەر رۆژا ھاتبا بۆ من گوشت و مێلاك دئینان، تا من چاڤێ وی دەرماندكر و ژنوكە وێڤە چاڤێ وی نائێشیت و تە ئەم ژ خوارنا گوشتی بێ بەھر كرین.
وەرگێران: ع. بامەرنی
ـــــــــــــــــــــــــــــhttps://www.facebook.com/photo/?fbid=10217192289919667&set=g.209899095715001
%20copy.jpg)
ليست هناك تعليقات:
إرسال تعليق