عبدالرحمن بامەرنی
بەری چەندەكێ ل ھەولێرا پایتەخت ئەز بەشداری ورك شوپەكێ بووم ل سەر چەند بابەتان و ژوان ژی ل سەر شیاندانا ژنان(تمكین المراە)، كو چالاكڤان ژ (9) پارێزگەھێن عیراقێ تێدا بەشدار ببوون. دەما گروپ ھاتینە دروست كرن، ئەم (4) كەس ل سەر مێزەكێ روونشتین و من گوتێ ئەم دێ ل سەر رێژا بەردانێ و قەیرەبوونێ ئاخڤین، كو ل ھەرێما كوردستانێ ئەڤ رێژە بەرەڤ ھلكشانە و ھەڤالێن من یێن گروبێ ژ پارێزگەھێن ناڤەراست و باشورێ عیراقێ بوون، ئێكی ژوان گوت: ما رێژا بەردانێ و قەیرەبوونێ گەھشتیە 20%ێ؟! من گوت نەخێر. گوت بۆ زانین رێژا بيژنان لدەف مە یا ژ 50% د بوریت و قەیرە كچان باس نەكە! گوت تو چ دبێژی نوكە حالەتێن دانەشوویا كچێن دبن (18) سالیێدا ب كەسێن د سەر 50 و 60 سالیێ یا دبیتە دیاردە! من گوتە وان ما ھوسا چێدبیت، دەیبابێن كچێ، رازەمەندییا كچێ، ئەو كچ دێ چاوان شێت دگەل وی زەلامی ژیت و بابەتێ گونەھێ و مرۆڤبوونێ، راستی ھندەك تشت دگوتن، ئەز شووك دبووم؟
ھەر ل سەر بابەتێ فرەژنیێ و ئینانا ژنا چارێ، ئەڤێ ڤان رۆژان سوشیال میدیایێ ھنی و سوشیال میدیا كریە دوو بەش، ل سەر ئەڤێن بابەت ب ئاسایی وەرگرتین و دیسان ئەڤێن رەخنە لڤێ دیاردێ گرتین كو زەلام (31) سالان ژ كچێ مەزنتر. راستە ھەر كەسەك ئازادە و ئەگەر یاسایێ و شەریعەتی رێ پێدا و رازەمەندییا كچێ ل سەر ھەبیت، ما چ قوسیرییە، لێ بابەت بخوە ژ ھندێ مەزنترە و ئەز بەحسا وێ روودانێ ناكەم، ئەز بەحسا تێگەھشتنێ و پێگەھشتنێ و (ئیستیغلالێ) دكەم، دەما بەرپرسەك بناڤێ مللەتی و نەتەوەیی بوونێ باخڤیت و درووشمان بلاڤبكەت و ڤلەیێن وی ل سەرێ گران و كومپانیێن وی و دەستێ وی دناڤ چەندین كارگەھـ و كارێن بازرگانیدا بیت، ئەو دێ چاوان شێت بۆ خەلكێ خوە بیتە نمونە و پێنەڤێت دێ رەخنە بۆ چن، ژبەركو خەلك یێ ھەژارە و دەھان كێشەیێن ئابوری یێن ھەین، ژبەركو ئەو نەشیاییە ببیتە نمونەكا جوان یا رێڤەبەریێ و ھوسان دەما كەسەك بناڤێ ئاینی بھێت كچەكا 31 سالان ژ خوە بچووكتر مەھر بكەت و ھەڤژینا (4)ێ بیت، ئەو دێ چاوان شێت بیتە نمونە ژبۆ خەلكێن دی، كو ئەم دزانین مە كێشا قەیرەبوونێ یا ھەی و مە كێشا بیژنان یا ھەی و ئەڤێن ھەنێ پێدڤی چاڤدێریێ نە.
كەس بابەتی ب ئاینی و شەریعەتی ڤە گرێنەدەت، ژبەركو ئایەتا قورئانێ گەلەك یا روونە دڤی دەربارەیدا، ئەگەر ئەم ئایەتێ دروست بخوینین، نەك نیڤەكێ بتنێ ژێ وەربگرین ئەوا لدویڤ دلێ مە، دەما دبێژیت “وَإِنْ خِفْتُمْ أَلَّا تُقْسِطُوا فِي الْيَتَامَىٰ فَانكِحُوا مَا طَابَ لَكُم مِّنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً "1 یانكو ئەگەر وە ترس ھەبیت ھوین نەشێن دادپەروەریێ دناڤ ھێتیماندا بكەن، ھوین دشێن ژنان بینن، دویان و سیان و چوارا، لێ ئەگەر ھوین ترسیان دادپەروەر نابن وی دەمی ئێك.....
1ـ (1) قورئانا پیرۆز، سوڕەتا (النساء) ئایەتا (3).
https://www.facebook.com/photo/?fbid=10217035348276224&set=g.209899095715001
ـــــــــــــــــــــــــــــــــــــــــ
%20copy.jpg)
ليست هناك تعليقات:
إرسال تعليق