ھاوولاتی داخوازا گەرەنتیێ دكەن بۆ چوونا سەر گوندێن خوە
راپۆرت: عەبدولڕەحمان بامەڕنی
ھێشتا خەلك نەشێت قەستا گوندێن خوە بەت، خەلك نەوێریت سەرەدانا ناڤ رەز و عاقارێن خوە بكەت و بنگەھێن سەربازی یێن توركیا ب ئاشكەرایی دھێنە دیتنێ و نەھاتینە چۆلكرن، ئەرێ پرسیار، ئەگەر خەلكێ سڤیل قەستا ناڤ رەز و عاقارێن خوە بكەت، كی دێ گەرەنتیا ژیانا وان كەت كو نە كەڤنە بەر ھێرشێن توركیا؟
پەكەكێ بریارا خوەدا و دەست ب چەكدانانێ كر، توركیا ژی ھێرشێن خوە بۆ سەر ئاخا ھەرێما كوردستانێ راوەستاندن و خەلك چاڤەرێی بریارەكێ نە، ئەو بچن گوندێن خوە ئاڤەدان بكەن و مفای ژ بەرھەمێ رەز و باغێن خوە وەربگرن و پرسیارا دناڤ خەلكیدا دھێتە ئازراندنێ ئەڤەیە، ئایا حكومەتێ چ پلان بۆ خەلكێ ڤان گوندان ھەیە، ئەرێ دێ گوندێن وان ھێنە ئاڤەدانكرن و دێ خزمەتگوزاری گەھنێ یان نە؟ ئەڤە چەندین سالە گوند د بەردایی و رەز و باغ بێ خودان ماین و ھاتینە سوتن و ژ بێ ئاڤی، ئەرێ دێ پشتەڤانیا حكومەتێ بۆ خەلكێ ڤان گوندان چبیت؟ ژبەركو ئەو دێ ژ سفرێ دەست پێكەن و چەندین پرسیارێن دی.
موحسین عەبێ ناڤێ ھاوولاتیەكێ ئێك ژ گوندێن دەڤەرا ئامێدیێ یە، دبێژیت: «ناكۆكیێن سیاسی ئەم ژ گوندێن مە دویركرین و ب ھیچ رەنگەكی ئەم نەدشیان قەستا گوندێن خوە و ناڤ رەزێن خوە بكەین، خوە ئەگەر رەزێ كەسەكی چەند نزیكی جاددا سەرەكی ژی بایە، تا ئەوی قەستا ناڤ رەزێ خوە كربایە، دەستێ وی ب سەرێ دلێ ویڤە بوو و ھا ڤێگاڤێ و گاڤەكا دی، دێ درۆنێن توركیا ھێنە ھنداڤ سەرێ وی و دێ توپ بارانكەن». خودانێ ئێك ژ دوكانێن ل سەر رێكا كانێ، دبێژیت: «خەلك ژ دھۆكێ دھێت بەرھەمێ ھشكری دكریت، ژبەركو ئەوان تامەكا خومالی یا ھەی و خەلكی كەیف پێ دھێت، لێ خەلكێ گوندان نەشێن مفای ژ بەرھەمێ رەز و بیسانێن خوە وەربگرن، ژبەركو توپێن توركیا و ھاتنا فرۆكان چ خۆشی بۆ نەدھێلا». سەعید حەمێ ھاوولاتیەكێ دییە و گوت ئەز دگەل ھەڤالەكێ خوە بەرەڤ رەزێن وان ڤە چووین ل نزیك فرۆكەخانەیا بامەرنێ بوو، ھەرچەندە ل وی جھی چ نیشانێن ھەبوونا چەكدارێن پەكەكێ لێ نەبوو و جھەك بوو گەلەك نزیكی بنكێ سەربازیێ توركیا بوو، لێ درۆنەكا توركیا ژ ھنداڤ سەرێ مە نەچوو و مە نەشیا تریێ خوە بكەین و ب لەز و بەز مە كارێ خوە كر و بتنێ ئێك سندوقا تری مە داگرت و ئەم ل ترۆمبێلێ سیار بووین و مە ئەو دەڤەر ب جھـ ھێلا». بابێ نیواری خەلكێ دەڤەرا بەرێ گارەیە و ئەو دەڤەر ب سماقێ یا ب ناڤ و دەنگە، گوت: «گوندێن دەڤەرا بەرێ گارەی ھەمی دچۆل كرینە و رەزێن مە دكەڤنە ئالیێ چیایی و ب ھیچ رەنگەكی مە ئەو شیان و ئەو وێرەكی نەبوو ئەم قەستا ناڤ رەزێن خوە بكەین و سماقا خوە ب چنین، وێرەكیا مە ژی وەكی شەرێ دگەل ھرچێ یە دناڤ خراریدا و درۆنێن توركیا ھەمی گاڤان گەف بوون و چەند كەس برینداركرینە و ھاتینە كۆشت و یا خرابتر ئەگەر كەسەك چبا سماقا خوە و ب بەر ھێرشێن فرۆكێن توركیا كەفتبا، دا سەد كەس بێژن قەنج لێھات و ما نەزانی ئەو دەڤەر د قەدەغەنە». بابێ نیواری زێدەتر بەحسا دەڤەرا بەرێ گارەی كر و گوت: «مە ب تەنان سماق یا ھەی و سماقا مە گەلەك یا لاوە و ئەگەر بەرھەمێ وێ بھێتە چنینێ، نە بتنێ بۆ كوردستانێ، بەلكو دێ بۆ باژێرێن دی یێن عیراقێ ژی دێ ھێتە ھاوردەكرن».
نۆكە ئەو ترس نەما و د پرۆسەیا ئاشتیێ دا ئەڤا دناڤبەرا توركیا و ھێزێن پەكەكێدا، پەكەكە دێ چەكێ خوە دانیت و مەترسیا فرۆكە و توپبارانكرنێن توركیا ژی نەمان و لێ ھێشتا خەلك نەشێت قەستا گوندێن خوە بەت، خەلك نەوێریت سەرەدانا ناڤ رەز و عاقارێن خوە بكەت و بنگەھێن سەربازی یێن توركیا ب ئاشكەرایی دھێنە دیتن و نەھاتینە چۆلكرن، ئەرێ پرسیار، ئەگەر خەلكێ سڤیل قەستا ناڤ رەز و عاقارێن خوە بكەت، كی دێ گەرەنتیا ژیانا وان كەت كو نە كەڤنە بەر ھێرشێن توركیا؟ ئەڤە ئەو پرسیارن یێن د سەرێ گەلەك ھاولاتیێن دەڤەرێن جودا جودا یێن پارێزگەھا دھۆكێ دا، ل قەزا ئامێدیێ و ل گوندێن بەرێ گارەی، رێكانیان، نھێلیان، نێرەو و رێكان و بەرواری بالا، دەڤەرێن گولیا و زاخۆ و ل ئاكرێ و دەڤەرێن زێباریا.
موحسین عەبێ ناڤێ ھاوولاتیەكێ ئێك ژ گوندێن دەڤەرا ئامێدیێ یە، دبێژیت: «ناكۆكیێن سیاسی ئەم ژ گوندێن مە دویركرین و ب ھیچ رەنگەكی ئەم نەدشیان قەستا گوندێن خوە و ناڤ رەزێن خوە بكەین، خوە ئەگەر رەزێ كەسەكی چەند نزیكی جاددا سەرەكی ژی بایە، تا ئەوی قەستا ناڤ رەزێ خوە كربایە، دەستێ وی ب سەرێ دلێ ویڤە بوو و ھا ڤێگاڤێ و گاڤەكا دی، دێ درۆنێن توركیا ھێنە ھنداڤ سەرێ وی و دێ توپ بارانكەن». خودانێ ئێك ژ دوكانێن ل سەر رێكا كانێ، دبێژیت: «خەلك ژ دھۆكێ دھێت بەرھەمێ ھشكری دكریت، ژبەركو ئەوان تامەكا خومالی یا ھەی و خەلكی كەیف پێ دھێت، لێ خەلكێ گوندان نەشێن مفای ژ بەرھەمێ رەز و بیسانێن خوە وەربگرن، ژبەركو توپێن توركیا و ھاتنا فرۆكان چ خۆشی بۆ نەدھێلا». سەعید حەمێ ھاوولاتیەكێ دییە و گوت ئەز دگەل ھەڤالەكێ خوە بەرەڤ رەزێن وان ڤە چووین ل نزیك فرۆكەخانەیا بامەرنێ بوو، ھەرچەندە ل وی جھی چ نیشانێن ھەبوونا چەكدارێن پەكەكێ لێ نەبوو و جھەك بوو گەلەك نزیكی بنكێ سەربازیێ توركیا بوو، لێ درۆنەكا توركیا ژ ھنداڤ سەرێ مە نەچوو و مە نەشیا تریێ خوە بكەین و ب لەز و بەز مە كارێ خوە كر و بتنێ ئێك سندوقا تری مە داگرت و ئەم ل ترۆمبێلێ سیار بووین و مە ئەو دەڤەر ب جھـ ھێلا». بابێ نیواری خەلكێ دەڤەرا بەرێ گارەیە و ئەو دەڤەر ب سماقێ یا ب ناڤ و دەنگە، گوت: «گوندێن دەڤەرا بەرێ گارەی ھەمی دچۆل كرینە و رەزێن مە دكەڤنە ئالیێ چیایی و ب ھیچ رەنگەكی مە ئەو شیان و ئەو وێرەكی نەبوو ئەم قەستا ناڤ رەزێن خوە بكەین و سماقا خوە ب چنین، وێرەكیا مە ژی وەكی شەرێ دگەل ھرچێ یە دناڤ خراریدا و درۆنێن توركیا ھەمی گاڤان گەف بوون و چەند كەس برینداركرینە و ھاتینە كۆشت و یا خرابتر ئەگەر كەسەك چبا سماقا خوە و ب بەر ھێرشێن فرۆكێن توركیا كەفتبا، دا سەد كەس بێژن قەنج لێھات و ما نەزانی ئەو دەڤەر د قەدەغەنە». بابێ نیواری زێدەتر بەحسا دەڤەرا بەرێ گارەی كر و گوت: «مە ب تەنان سماق یا ھەی و سماقا مە گەلەك یا لاوە و ئەگەر بەرھەمێ وێ بھێتە چنینێ، نە بتنێ بۆ كوردستانێ، بەلكو دێ بۆ باژێرێن دی یێن عیراقێ ژی دێ ھێتە ھاوردەكرن».
نۆكە ئەو ترس نەما و د پرۆسەیا ئاشتیێ دا ئەڤا دناڤبەرا توركیا و ھێزێن پەكەكێدا، پەكەكە دێ چەكێ خوە دانیت و مەترسیا فرۆكە و توپبارانكرنێن توركیا ژی نەمان و لێ ھێشتا خەلك نەشێت قەستا گوندێن خوە بەت، خەلك نەوێریت سەرەدانا ناڤ رەز و عاقارێن خوە بكەت و بنگەھێن سەربازی یێن توركیا ب ئاشكەرایی دھێنە دیتن و نەھاتینە چۆلكرن، ئەرێ پرسیار، ئەگەر خەلكێ سڤیل قەستا ناڤ رەز و عاقارێن خوە بكەت، كی دێ گەرەنتیا ژیانا وان كەت كو نە كەڤنە بەر ھێرشێن توركیا؟ ئەڤە ئەو پرسیارن یێن د سەرێ گەلەك ھاولاتیێن دەڤەرێن جودا جودا یێن پارێزگەھا دھۆكێ دا، ل قەزا ئامێدیێ و ل گوندێن بەرێ گارەی، رێكانیان، نھێلیان، نێرەو و رێكان و بەرواری بالا، دەڤەرێن گولیا و زاخۆ و ل ئاكرێ و دەڤەرێن زێباریا.
ــــــــــــــــــــــ
د رۆژناما كوردستانی نوێ 2025-08-24
https://www.facebook.com/photo/?fbid=750504451084685&set=pcb.750505121084618
ليست هناك تعليقات:
إرسال تعليق