عبدالرحمن بامەرنی
من ڤیدیویەكا رەنجی ل سەر كەنالێ (رووداو)ێ دیت، راستی دڤێت حكومەت حكومەتینیا خوە نیشان بدەت و دیڤچوونا بابەتی بكەت، ژبەركو بەرپرساتییا مە ھەمیان د ستوویێ وێ دایە، بەر پرساتییا تەندروستییا مە و بەرپرساتییا ئابوور و داھاتێ مە و دڤێت حكومەت، چەند پایەیەكا ژ بلنداھییا خوە شوور ببیتە ناڤ خەلكی و ل سەر ئێش و ئازارێن خەلكی راوەستیت، ھەكو ب كولانكی دبێژن: (خەلك فەتسی، ئێدی تەحەمول نەما)..
لینكێ ڤیدیویێ:
ڤیدیوو كو دێ لینكی ژی دگەل نڤیسینا خوە دانم، چەند داتایەكن، داتایەكێن مەترسیدار، مەترسیدار ل سەر تەندروستییا خەلكی و خەلكێ ھەژار، ل سەر بەریكا خەلكی و خەلكێ د قەیرانان و بێكاری و نەداریێ دا دنالیت.
بابەت لدوور نڤیسینا دەرمانانە ژلایێ نوژدارانڤە، و لدویڤ ئاخفتنا د. كارزان شێخ موحسن، كو گوتی: "گەلەك دەرمان دھێنە نڤیسین ھەر كارێ خوە ناكەن و نابیت نەخوش بخوون". رەنج ژێ پرسیار دكەت، ئایا ڤەكولینەكا زانستی ل دەف تە ھەیە بێژیت رۆژانە دەرمان ب خەلكی دھێنە فروشتن و كارێ خوە ناكەن؟!!! د بەرسڤێ دا، نوژداری گوت" "ئەڤە (5) تێزێن ماستەرێ نە و ل زانكوویێن ھەرێما كوردستانێ ھاتینە كرن، (80%) دەرمانێن دھێنە نڤیسین كارێ خوە دروست ناكەن، بۆ نمونە بۆ میكروبان دھێنە نڤیسین و بۆ میكروبان ژوی دەرمانێ بەرگری دروست دبیت".
رەنجی گوتێ، دەرمان ھەیە ھاتبیتە كوردستانێ و ھەر چارەسەری دناڤدا نەبیت؟!! ب تەئكیدی ڤە د. كارزانی گوت: "ئەڤە ڤەكولینەك لدەف منە، كو كومەكا زانایێن ھولەندی ل كوردستانێ كرین و كومەكا دەرمانان وەرگرتینە بۆ ڤەكولینا خوە و 80% ژوان دەرمانان، ماددێ كارتێكرنا وان ئەو رێژە نەبوویە كو مفا بۆ نەخوشیێ ھەبیت".
تشتێ بۆ من سەیر، نوژداری گوت، دەرمانخانە كرییا كلینیكا نوژداری ددەت و خوە یا پەنزینا ترومبێلا وی ژی و گوت ژی نوژدار ھەبوویە پێش وەخت رێكەفتن دگەل دەرمانخانێ كریە و گوتیێ دێ بۆ تە 1000 دانەیان ژڤی دەرمانی فروشم، بەرامبەری ھندە پارەی و پێش وەخت پارە وەرگرتیە. ب گوتنا نوژداری ژی كو 95% نوژدار و دەرمانخانە و كومپانی شریكن.
تێبینی:
ـ ل سەر دەمەكی زاراڤێ (عەوافی) گەلەك دھاتە بكارئینان و مەبەست ژی، كارەك ب ئاشكەرای بھێتە كرنێ و كەس پرسیارێ ژێنەكەت.
ـ لینكێ ڤیدیویێ: (https://www.facebook.com/nizar.katoly/posts/4419064774855028).
گوتار ل سەر سایتێ روانگە و رەخنە
ليست هناك تعليقات:
إرسال تعليق