ژن جیھانەكە و زەلام جیھانەك

عبدالرحمن بامەرنی

ھەردەم پرسیارەك د سەرێ مندا یا ھەی، ئایا ژن پێدڤییا ژیانێیە یان ژی زەلام؟ بۆ ڤێ چەندێ ژی ب دەھان رۆمان من یێن خواندین و من یا بەرێخوەدایە دەھان فلمان ژی، ل ھەمیان ئەز دگەھشتمە باوەریەكێ، كو ژنان جیھانا خوە یا تایبەت یا ھەی جوداترە ژ جیھانا زەلامی و رەنگە زێدەترییا دلینیا(عاتیفا) ژنان بوویە تا ژیان یا بەردەوام بیت و رەنگە ژن ھاتبیتە ئافراندن، تا زەلام ببیتە زەلامەكێ باژێری و فێری ئاڤاكرنا خانی بیت و چاندنێ بكەت و ب خێزانێڤە بھێتە گرێدان و ژخوە ئەگەر ژن نەبانە، رەنگە زەلام وەك ئەڤرو نەھاتبانە دیتن، دا ب چ شێوە بن؟ ئەز بخوە چ بەرسڤان نزانم. (سيگموند فروید) دامەزرێنەرێ زانستێ دەروونی شرۆڤەكاری،

لدوور ژنان دبێژیت: "بۆ ماوێ چل سالان من ڤەكولین ل سەر دەروونێ ژنان كر، بتنێ ئەز بگەھمە بەرسڤەكێ، ئایا ژنان ب دروستاھی چ دڤێت؟، لێ من ئەو بەرسڤ نەدیت" و ل جھەكێ ھوسا من خواندبوو، جوداھیا دناڤبەرا ژن و زەلاماندا، ژنێ كۆمەكا سندوقان یێن ھەین، سندوقەك بۆ جوانكاریێن وێ و ئێك بۆ ناڤمالیێ و خێزانێ و.....ھتد و ل ھەمی سندوقان، زەلام دشێت بزانیت ژنان چ دڤێت، لێ زەلامی بتنێ ئێك سندوق یا ھەی و ژن چ جارەكێ نەشێت د زەلامی بگەھیت و ھەر بۆ نمونە، دەما زەلام قەستا سەر رووبارەكی دكەت و دێ دەھان جاران شۆكا خوە ھاڤێژیتە ئاڤێ و چ ماسی ناكەڤنێ و نە تورە دبیت و نە دبێژیت بەسە! ھەر چاوا بیت دا سەرێخوە پێڤە گێژنەكەین، (تشیخوف) لدوور پرسیارا (فرویدی)، دبێژیت: "ژنان چ تشتەك ژ زەلامی نەڤێت، بتنێ پویتەدانا زەلامی دڤێت و جوان دگەل باخڤیت".

ــــــــــــــ

رۆژناما ئەڤرو ژمارە (3606 – 14/4/2024)