بلندبوون و نزمبوونا دولاری، هندەك كرینە مرۆڤ و هندەك كرینە ساتۆرێن كۆلانان، چیروكێن خەلكی دگەل دولاری دلێ مرۆڤی دراوەستینن، دشەڤ و روژەكاندا هندەك زەنگینكرن و هندەك ژی توشی جەلتا دلیكرن! ژ سەرهلدانێ و هێڤە، دولار (تەحەكوم)ێ ب ژیارا خەلكی دكەت، دولار گرانبو، سیك گرانبو، دولار هاتەخار، سیك وەك خوە ما. ئەڤ هەڤكێشەییا گرانبوون و ئەرزانبوونا سیكێ ب دولاریڤە، مەزنترین شلقە ب ئابۆری و داهاتێ تاكەكەسی دئێخیت. بەرییا چەند حەفتیان بۆ، 100 دولار بەرامبەری 126 هزار دیناران بۆ، رییا من بدكانەكێ كەفت، من هندەك تشتكرین و هندەكێن دژی بهاكرن، ژ ئەڤێن من كرین من پارێن وان دانێ و من ددەستێ خوە گرتن، ئەڤێن من بهاكرین ژی، ئێك ژوان تشتان، فلتەرێن ئاڤێبوون، سێ فلتەر ب 5 هزار دیناران، ئەڤا ئەز دبێژم بەرییا سێ روژا بۆ ژ سوحبەتێ، رییا من بهەمان دكان كەفت، من ژێ داخازكر، ئەوان فلتەران بوومن بكەتە دزەرفەكی دا، من داخازا بهای ژێكر، گوتە من ب شەش هزار دیناران، من گوتێ بتنێ بەرییا سێ روژان بۆ و تە گوتە من، بهایێ وێ پێنج هزار دینار بون، گوتە من دولار دبازاری دا یێ گران بوی. دكانداری راستگوت، دولار گران ببو و هزار دینار چبونە سەر ئێك وەرەقە، یان كو 100 دولار ب 127 هزاران دهاتە گوهورین، ئەگەر قوتابیەكێ بنەرەتی ژی بیت دێ زانیت ئەڤە جوداهیەكا مەزنە ژ 126ێ ئێك زێدە بیت و دبەرامبەر دا ژ پێنجێ ئێك زێدەبیت. هەر چەندە، دولار بتنێ نینە یارییان ب بەریكێن مە دكەت، دەما ئەز بەحسا بازاری دكەم، ئەز بەحسا مەزاختیێ خێزانێ دكەم بەراورد دگەل داهاتێ هەیڤانە، ئەڤە ددەمەكی دا ئەم دقەیرانێ و نەبوونا موچەی و شەرێ داعشدا دەرباز دبین. بهایێ گازێ هاتە خار، حكومەتێ تەحەكوم ب بهای دكر و مە گوت قەیرانە، ئەگەر پارە بۆ پانقا حكومەتێ ژی بچن، ئاساییی یە و دڤێت ئەم هاولاتی چاڤێ خوە بنقینین! حكومەتێ خوە ڤەكێشا و بها كەتە بەر دەستێ بازرگانان، جودا ژ پارێزگەهێن دی یێن هەرێمێ، دهوك دوماهی پارێزگەهـ بۆ، بهایێن لیترا پانزینێ جێگیر كری و دسەر ڤێژیرا دوو بها هەبون، (پانزینا عادی و یا موجەسەن) كو 100 هزار دینار جوداهی دناڤبەرا هەردوویان دا هەبوون، ئەڤە ددەمەكی دا، حكومەت گەهشتبو باوەریەكێ، كو پانزینا عادی و موحسەن نینە و هەمی ئێكە دسەردەمەكیدا ببو بریار و هەمیان پابەندی بوێ بریارێ دكر، كەس نەدشییا ب بەهانا(موحەسەنێ و عادیێ) یارییێ ب بهای بكەت، ئەگەر بزڤرینە بابەتی ڤە، هەر چەندە بهایێ گازێ نەگەهشتییە وی راددەی، كو بهایێ ئێك لیتر فركەكا مەزن لخوە بدەت و بها گران بیت، لێ رێكەفتنا دناڤبەرا خودانێن پانزینخانان دا، قەیرانەكا بچیك هاتە دروستكرن و دهەمان روژدا، بهایێ لیترێ لهەمی پانزینخانان بێ جوداهی، گرانبو! ئەڤا من مەرەم پێهەی ئەز بێژم، راستە حكومەتێ بازار ئازاد كریە، دا هەڤركی پەیدا ببیت و تشتێ باش و ئەرزان بكەڤیتە بەردەستێ هاولاتی، لێ ژبیرنەكەین ژی، ئەڤا خودانێن پانزینخانا كری، زەنگەكا مەترسیێ بۆ و دڤێت كارگێری و جڤاتا پارێزگەهێ ب چاڤەكێ كێم لێ نە نێریت!
تێبینی:
دروژناما ئەڤرو ژمارە 1870 دا ل روژا 2016/5/8 هاتیە بلاڤكرن.
%20copy.jpg)
ليست هناك تعليقات:
إرسال تعليق