بحث هذه المدونة الإلكترونية

pertook

pertook

2015/08/17

خشتێ‌ ڤێ‌ هەیڤێ‌ یێ‌ راگەهاندنێ‌!

بەرییا چەند سالان دسەرەدانەكا من دا ژ بو باژێركێ‌ ئەز لێ‌ ژ دایكبویم، ژبەركو ل دەستپێكا سالێن نوتان من ژی كەر دكانكەك هەبو، هەڤالێن من یێن باژێركی ئەڤێن بالا من دكێشن دكاندار بون و ئەكید دێ‌ پسیارێن مە ل سەر رەوشا بازاری و بكری بن، ژ ئاخفتنا دناڤبەرا مە دا، ئەڤ دكانێن ل بازاری ژ بكری زێدەترن و من پێشنیارەك كر، هەر چەندە ئەو پێشنیار بتنێ‌ دناڤبەرا من و وی هەڤالێ‌ من دا بو، لێ‌ ئەز باوەرم دا پێشنیارەكا دجهێ‌ خوە دا بیت بو وی دەمی، من گوتێ‌: "بوخو خشتەیەكێ‌ حەفتیانە دانن و هەر روژەكێ‌ بو دكاندارەكی بیت و هین ئەڤێن دی بو خو قەستا كارەكێ‌ دی بكەن بو هەوە باشترە". نوكە ژی هەمان پێشنیارێ‌ دكەم، بەلێ‌ ڤێجارێ‌ بو راگەهاندنا دهوكێ‌، هەر حەفتیێ‌ بو دەزگەهەكی! لدویڤ خشتەیەكێ‌ دارشتی و كەنالێن راگەهاندنێ‌ (TV، رادیو، روژنامە و كوڤار)، ژبەركو ل دەڤەرا بادینان،
مە شیانێن بەرێخوەدان و كاركرنێ‌ بتنێ‌ دئێك ژڤان دەزگەهان دا هەیە و چەند ئەم شیانێن خوە چر ڤەكەین، دێ‌ خەلكی لدوورێن خوە خرڤەكەین.

ئەز ل باوەرم ژی، ئەگەر دەستەك و هزرەك پێش وەخت هەبیت و بو خوە دانا بیت، هەبونا چەند تی ڤی یان و چەند روژنامە و كوڤاران و رادیویان دێ‌ حزمەتا دەڤەرێ‌ كەت، مالا وی ئاڤا ژ بو خەما وی، لێ‌ ئەوی ب وێ‌ هزرێ‌، بتنێ‌ ئەم مژویل كرینە و ئەگەر نە بێژم ئەڤ دەڤەرە سەقەت كریە. ژبەركو ب حەزا مە بیت یان بێی حەزا مە، هندەك راستی یێن هەین دڤێت بهێنە بەحسكرن، دەڤەرا بادینان یا سنورداركریە و رێنڤیس و زاراڤ ئێك ژ ئاریشانە كو زمان و دەنگ و رەنگێن وێ‌ ژی دسنورداركری بن! ئەز باوەرم ئەگەر مە ئێك (TV)ی و ئێك روژنامە هەبیت، باشترین كار دێ‌ تێدا هێتە كرنێ‌، باشترین ریكلام ژی دێ‌ بو چن كو بشێت پالپشتییا دارایی بو خو مسوگەر بكەت، بوی پارەی دشێت چەندین كاران بكەت هەر ژ یێن ناڤخویی چ راپورت و چ دكیومێنتاری و تا دگەهیە دوبلاژكرنا درامایێن بیانی و دێ‌ دەرفەت پەیدا بببیت كو درامایێن كوردی بخوە ژی پەیدا ببن. رادیو ژی هوسان، ژخوە روژنامە هەر چنە، بو دهوكێ‌ دوو روژنامە ئەگەر ژ دەرگەهێ‌ هەڤكێشەییان دەركەڤیت، بتنێ‌ دویركرنا خواندەڤایە! ژبەركو مە لڤێ‌ دەڤەرێ‌ نڤیسەر و روژنامەنڤیس و ئەدیب بارا ئێك روژنامە یێن هەین، مە ب زوری خواندەڤا بو ئێك روژنامە هەیە و ئەگەر جارەكێ‌ و دوان و سییان، خواندەڤایێ‌ روژنامێ‌ و ئەوێ‌ ل كەنالێن (TV) یان تەماشادكەت، چ تشتێ‌ باش و یێ‌ پروڤیشینال نەدیت، ئەز باوەرم ئەو دێ‌ ل رێگە چارەیێن دی گەریت! هەر چەندە پێشنیارا من یا هینگێ‌ ژبو دكانداری بتنێ‌ ئاخفتن بو، ئەز باش دزانم ئەڤ پێشنیارا من ژی بتنێ‌ دێ‌ ل سەر كاغەزێ‌ مینیت و لێ‌ یا ئەز ژێ‌ پشت راست، دێ‌ گەلەك كەسێن وەك من بێ‌ دەستهەلات، دگەل من دهەڤرا بن!

تێبینی: دروژناما وار ژمارە 1337 دا بلاڤ بویە.
عبدالرحمن بامه‌رنى
إرسال تعليق