ـ رویدان ـ
فوتوگرافەك
دەست ژ كارێ خوە رادكەت.
فوتوگراف نیگەرانە
كامیرە وەك وی بڤێت
نەشێت وێنێن سەروچاڤان
بهلینیت..
ـ چیروك ـ
روژنامەنڤیسەكی
سوتنا كچەكێ كرە دویڤچوون.
هێشتا چیروكێ دەست پێنەكری
گەفێن سوتنەكا دی بوچوون..
ـ سەرنڤیسەر ـ
سیاسەتا روژناما وی
نە بدلێ لایەنەكێ سیاسی بو.
شوینا گەفێن داخستنێ
ب پێ ئالینكێن یاسایی
سزا بو چوو..
ـ هەوالساز ـ
پشتی ماندیبونێ
مانشێتەك بو گەندەلیەكێ هەلبژارت.
روژنامە نە هاتە داخستن و نە پاداشتكرن
هەوالسازی ل پشت لاپەرێ هەمەرەنگ
خو ڤەشارت..
ـ سكرتێرێ نڤیسینێ ـ
بەرپرسەكی ب نامەكێ
سكرتێرێ نڤیسینێ بو ئەرشیفی ڤەگوهاست.
هەوال جوان بو و تایتل یێ گەرم بو
بەرپرسی وێنێ خوە دگەل دا نەدیت..
ـ ریپورتاژ ـ
هەر تشتێ وی ڤیایی
دڤێ ریپورتاژێ دا یێ هاتیە خار.
چاوان بەرژەوەندا روژنامێ دخازیت و
بو جهێن پەیوەندیدار باش،
وەسا هاتیە دارشتن..
ـ پروژە ـ
چەق چەقا فلاشی یە و
كامیرا وی بتنێ لدوور سەیدایی دزڤریت.
ل وێڤەتر حلكە حلكا پیرەمێرەكی یە
دبن سەتلێن چیمەنتوی ڤە
پشتا لێ بویە كڤان..
ـ دیدار ـ
بەری دیدار دگەل دا بهێتە بلاڤكرن
چ تشتەك ل بیرێ نەمابو.
پشتی دیدار هاتیە بلاڤكرن
هەمی هەڤالێن خو
ب دیدارێ و بەرسڤێن خو ئاگەهداركرن..
ـ دادگەهـ ـ
هاتیە نڤیسین
هەر بابەتەك دەربرینێ ژ نڤیسەری دكەت.
ل بەرامبەر دادگەهێ ژی
دەستێن سەرنڤیسەری دكلامچەكرینە و
گونەهبارێ ئێكێ یە..
ـ دیزانین ـ
تە چاوا بڤێت
داهێنانێ ددەرهێنانا هونەری دا بكە.
ژبیرنەكەی وێنی سەیدای و بەرپرسی نەبیت
ئەو خەتا سورن
وەك وان بڤێت بلاڤ بكە..
ـ راپورت ـ
هەمی رویدان و كوشتن و سوتن
دبنە راپورت و دهێنە بلاڤكرن.
ژێدەرێ هەمی رویدانا ژی
قەدەغەیە بو روژنامەنڤیسی و
روژنامە پێ دهێتە داخستن..
ـ پیشە ـ
هەر كارێ تو بكەی پیشەیە و
دێ خێزانا خو پێ بخودان كەی.
بتنێ نڤیسین نەبیت
ماندیبونا خو هەمیێ دێ كەیە پەرتوك و
بهەروە بلاڤ كەی..
ـ دەستهەلات ـ
دەستهەلاتا ژ هەمیا بچووكتر
دشێت رێپیڤانەكێ دروست بكەت.
دەستهەلاتا روژنامەڤانیێ
بوق لێدانە و
نەشێت بەرگریێ ژ هەبونا خوە بكەت..
ـ گومان ـ
روژنامەڤانی
زمان و گوهـ و چاڤێن خەلكی یە.
ئەو روژنامەڤانیا دهێتە كرین و خواندن ژی
خەلك ل لاتەكێ یە و
ئەو تشتێ دهێتە بەلاڤكرن
ل لاتەكا دی..
%20copy.jpg)
ليست هناك تعليقات:
إرسال تعليق