ژن...! (كورتەچیرۆك)

عبدالرحمن بامەرنی

دێمێ خوە كێشا بەر خۆدیكێ و ھەر ژ برییا بگرە، برۆیێن خوە وەكی كەرێ ھەیڤێ یێن تاتۆ كرین. پشتی دفنا خوە یا ئێخستییە ناڤ دەستێن نوژدارا و نەشتەرگەریێن ئێك ل دویڤ ئێكێن جوانكاریێ، دفنا خوە وەك قەسپێ یا لێكری. لامێن خوە، وەك سێڤێ یێن تژی بۆتوكس كرین. لێڤێن خوە وەكی كەرێ سێڤێ، یێن تژی فیلەر كرین. بێھنا وێ ب بەرێخودانا دێمێ وێ بتنێ نەھات و ھندی جلكەكێ دبەردا مێیاتیا وێ نخافتین، كت كتە ژبەر خودا ئینان. خوە رویت و رویس دیت. ھندەك دبێژنە رووساتیێ تازی، ئەم ژی دێ د چیرۆكا خوەدا بێژین، خوە ل بەر خودیكێ تازی كر و چاڤێن وێ چوونە سەر فنجانێن مەمكێن وێ و ژووردا بۆ ناڤتەنگا وێ یا زراڤ، ئەڤا ب ھەیڤا بەرنامە بۆ خوارنا خوە دانایی و ئێدی چاڤێن وێ ھەمی رووساتیا وێ دكرە شەریتەكا سینەمایی، وەك ئەڤێن ل فلمێن پورنوو چاڤان بۆ خوە رادكێشیت و بیرا خوە ل وان ھەمی گەنجان و پرەمێران ئینا، دەما قەستا بازاری یان جھەكێ گشتی دكر و چاڤێن وان دڤییا وەك نوكە كت كتە جلكێن وێ، ژبەردا بینن. بیرا خوە ل قوتابخانێ ئینا، ئەو ماموستایا بیركاریێ بوو و قوتابیێن وێ ھەمی سنێلەبوون، دەما تەنوورێ خوە یێ سورێ نەدشییا رووساتیا پێن وێ ھەمیێ ڤەشێریت ل بەر خوە دكر و قوتابی ھەمی بێدەنگ دكرن. دەما ماموستایەكی ل ژوورا ماموستایان دگوت، نەخوشترین كار مرۆڤ ماموستا بیت و ماموستایێ قوتابیێن سنێلە بیت

كارگەھا چێكرنا مرۆڤێن گەمژە

عبدالرحمن بامەرنی

من وێ رۆژێ بەرێخوەددا پارچە ڤیدیویەكێ، بابەت ل سەر دەھـ زارۆكان بوو و ل نزیكی ھێلا شەمەندەفرێ یاری دكرن، نەھـ زارۆكان ژوان ل سەر ھێلا شەمەندەفرێ یاریێن خوەدكرن و بتنێ ئێك نەبیت، گوتە ھەڤالێن خوە ڤێرە یا ب مەترسییە و چوو ل سەر ھێلەكا ژ كاركەفتییا شەمەندەفرێ یاری بۆ خوە دكرن. ژ نشكەكێڤە شەمەندەفر نزیك بوو و ئەڤێ ھێلا شەمەندەفرێ بۆ ھێلا ئاسنی یا دروست ئاراستەدكەت، كەفتە دناڤبەرا یان شەمەندەفر بۆ ھێلاخوە یا دروست بچیت و ھینگێ دێ (9) زارۆك بنە قوربانی یان ژی ب بایێ بەزێ ھێلا ئاسنی بگوھوریت و بەرێ شەمەندەفرێ بكەڤیتە ھێلا ئاسنی یا ژ كاركەفتی و بتنێ دێ (1) قوربانی ھەبیت و یا دروست ھەلبژارت،

ئەڤێ دبێتە خوە بەرپرس قەردارێ منە!

عبدالرحمن بامەرنی

ئەڤا ئەز دێ نڤیسم بەحسا زەلامەكییە و رێك وی بەحسا بەرپرسەكی دكر، گوت: زڤستان بوو و زڤستانێن گوندان و تایبەتی بەری سەرھلدانێ، بەرفرو سەرما ب سەرێ خوە، ھەژاری و گوندێن مە (موحەرم)، مە ئەرزاق نە و بھیڤییا گینیكەكێ ئاری و نیڤ گینیكێ ساڤاری بۆ زڤستانێ ھەمیێ، كا دێ تێرا مەكەت یان نە. دا درێژنەكەم، شەڤەكێ ھندەك لمەبوونە مێھڤان و ھند ژێ ھارب بوون و ھند پێشمەرگەبوون، وەك ھەر جار شیڤا وان، چاندكا وان ژی مە تژی نان كر، ئێكی ژوان شەلوالێ وی كەتبوو چیقەكێ داری و دریابوو و من دوو دەستێن جلكان ھەبوون و من ئێك دا وی و وێ زڤستانێ ھەمیێ ئەز مامە ب ئێكی،

ھندەك گۆتن ل سەر ڤێستیڤالا فلمان

عبدالرحمن بامەرنی

هەر چالاكیەكا رەوشەنبیری بیت هونەری بیت و ئەو چالاكییا هەنێ بشێت بینەرەكی، خەلكەكی لدوورێن خوە خرڤە بكەت، دڤێت مرۆڤ یێ گەشبین بیت ئەم یێ پێنگاڤەكێ بەرەڤ ھشیاربوونێڤە دچین. ئەو ھشیاربوونا من دڤێت ژێ بەحس بكەم، هەمان ئەو پشت گوھـ هاڤێتنە، یا ژ سەرھلدانێ وەرە تاك ل سەر دهێتە ئاڤاكرنێ و لێ بنێرە ئەو بارۆدوخێ نۆكە ئەم تێدا، ژپرتوبلاڤەییێ و بێ باوەرییێ و قەیرانێن بەردەوام و بێ بەرنامەیی، ئەڤە هەمی ژی ئێك ئاماژەنە، كو چ پرۆژەیێن رۆھن و زەلال بۆ تاكی دئارادا نینن و دێ مینیت ئەڤ سەرباركێن برێكێن جودا دەردكەڤن چ فلمە فێستیڤال بن، چالاكیێن دییێن هونەری چ شێوەكاری یان شانۆ بیت چ سمینار و ئێڤاریێن رەوشەنبیری بن و بدیتنا من ئەڤ سەرباركێن ئەز ژێ بەحس دكەم، ئەگەر دقەبارەیێ خوەدا بەرامبەر ڤێ پشتگوھ هاڤێژتنێ دبچویك ژی بن، لێ جارا دبێژن ب سەر كەفتنا بلندترین چیا ژ پێنگاڤا ئێكێ دەستپێدكەت و رەنگە باشترین دەستپێك ژی، كو تاكەك بهێتە ئاڤاكرن و مێشكێ وی یێ ڤەكری بیت و دژیانێ بگەھیت، دێ هەر دوو بیاڤێن رەوشەنبیری و هونەری بن و ئەو دشێن ڤێ چەندێ بكەن.

خوزیێن زارۆكینیێ!

عبدالرحمن بامەرنی

ھینگێ ھەمی تشت دجوان و سادە بوون، مە ھزردكر ھەمییان باشییا ھەمییا دڤێت و ھەر كەسێ سویند بخووت، ئێدی ئەو راستییێ دبێژیت و گەلەك جاران دا سویند خووین و دا بێژین دڤێت ھەتا ژمارە سەد ھەناسا خوە بگرین؟! چاڤێن مە دسەرێ مە را سوور دبوون و مە ھەناسا خوە بەرنەددا، ژبەركو مە سویندا بڤێ چەندێ خاری. مە دگوت دلێن ھەمیان دنەرمن و چ كەرب و كین ھەتا ھەتایێ نینن و سلبوونا ژ ھەمییان درێژتر، یا حەجویێ فەلەكێ و ئەحمویێ بنێ گیزێ بوو و ئەم ھینگێ راوەستییاین، ھەتا مە پێكئیناین و ژخوە دزی ھەر شەرم بوو، دەما ئازویێ سەعدێ لوقمەك ژ دكانا ئەحمەدێ لەیلایێ دزی،

دگەل فلمێ ددەمێ گونجاییدا (In time)

عبدالرحمن بامەرنی

نڤیسەرێن فلمان حەزدكەن بەری زانستی راكەن، ھەر چ مەبەست پێ ھەیبت، چ بۆ خوشییا فلمی و نوییاتییا فلمی بیت، چ پێشبینی بن بۆ ئەڤا زانست ھێشتا نەگەھشتیێ و چ ژی ھشیاركرنەك بیت برێكەكا نویی و دڤی فلمێ بناڤێ (ددەمێ گونجاییدا)، ھەر سێ تشت دكەڤنە بەرچاڤێن بینەری و دا ژ چیرۆكا فلمی دەستپێبكەین. چیرۆكەكا سەیر و رەنگە ھەڤشێوەیێن وێ نەبن و چ جارەكێ ژی زانست نەگەھیتێ، لێ پەیامەكا ڤەشارتی و بترس دگەلدا ھەیە، ئەگەر جارەكێ بۆ راستی و دگەل زانستی و تەكنەلوجیایێ ھەمی تشت چێدبن. ھەر ژ دەستپێكا فلمی ل سەر دەستێ ھەمی كەسێن د فلمیدا بەشدار، ژیێ وی ب چركە و خولەك و دەمژمێر و سال ل سەر دەستێ وییێ چەپێ دیاردكەن و تشتێ سەیر، خەلك مامەلێن كرین و فرۆشتنێ ب ژیێ خوەدكەن، دشێن یان ژیێ خوە درێژ بكەن یان كورت بكەن و بۆ نموونە، ئەگەر كەسەك پێدڤی خارنەكێ بوو یان كرینا تشتەكی دێ بھایێ وێ دەت، رەنگە 30 خولەكێن ژیانا وی بن و زەنگینی و ھەژاری لدەف ڤی خەلكی ل سەر وێ ژمارێ دیار دبیت كا چەند ژ ژیێ وی مایە و ھوسان فلمی چەندین روودان و دزی و تاوان و كوشتن تێدا ھەنە، ھەمی ژی بۆ بدەستڤەئینانا ژیەكێ درێژتر.

محاضرة عن رواية سمو بابير/ داود مراد الختاري

 الباحث- داود مراد الختاري 

محاضرة عن رواية سمو بابير

عقدت جلسة التوقيع على رواية (سمو بابير ) للروائي عبدالرحمن بامرني من قبل مركز لالش / شاريا بالتنسيق مع الهيئة العليا للمركز يوم امس 3 كانون الاول 2024 ، والقيت محاضرة عن حملة ايادة قبيلة باسان والرواية معتمدة على احداث كتابنا ( ابادة قبيلة باسان) والقى الزميل حسو هورمي عن دور المجلس الروحاني في مساعدة البطل سمو بابير ، وبعدها تحدث الروائي عن مضمون الرواية.

الجدير بالذكر حضر جمهور غفير من المثقفين والمهتمين في الجلسة وكانت هناك مناقشات وتساؤلات من قبل الحاضرين حول مضمون الرواية .

نڤیسەری ب نموونا توندوتیژیا دژی ژنان

عبدالرحمن بامەرنی

ئەگەر ئەم درێكەفتی بین، كو مافێن ژنان ژ گەلەك روویانڤە دھێنە خوران، ژبەركو بتنێ ژنە! ئەرێ نڤیسینێ چ گرێدان بڤێ چەندێ ڤەھەیە ،چ ژن بنڤیسیت یان زەلام بنڤیسیت؟ ژبەركو نڤیسین زێدەتر پەیوەندییەكا روحییە دناڤبەرا خودیێ مرۆڤی و ئەو تشتێ دكەڤیتە بەرچاڤێن مرۆڤی و چ جارەكێ وێنەیێ نڤیسەری نەبوویە ھاندەر، كو نڤیسینێ ژ نڤیسینێ جوداھییا خوە ھەبیت؟ ئەز نموونا ئێك ژ نڤیسەرێن دھوكێ بەحس بكەم، كو ھەم د رۆژنامێدا كاركرییە و دیسان ئێك ژ نڤیسەرێن بەرنیاسێن دھوكێ یە و چەندین پەرتووكێن خوە یێن چاپكری یێن ھەین، بێی ناڤئینانا وی. ھوسا گوتە من، ئەرێ شێخ ئەز پرسیارەكێ ژتە بكەم، ئەڤ ژنێن بۆ تە دنڤیسن، تو بۆ وان دنڤیسی یان راست مە نڤیسەرێن ژن ھەنە؟ من گوتێ، ئەز بەرسڤێ ب ئەرێ یان نەخێر نادەمە تە، لێ ئەز دێ فەیسبووكا چەند نڤیسەرێن ژن بۆ تە فرێكەم و تو بخوە دگەل باخڤە، ژبەركو ژی تو نڤیسەرەكێ بەرنیاسی، دێ بەرسڤا پەیوەندیێ و پرسیارێن تەدەن و دێ ھینگێ زانی كانێ مە نڤیسەرا ژن ھەیە یان نە و جارەكێ ژی ئێك ژ نڤیسەرێن ژن بابەتەك بۆ من نڤیسا بوو و ئەو بابەت من د مالپەرێ خوەدا بلاڤكر، كو من ئەو مالپەر برێڤەدبر و یێ تایبەت بوو بنڤیسینا گوتارێ، نامەكا تایبەت بۆ من فرێكر و گوت: ئەز دێ شێم داخوازەكێ ژتەكەم؟

ئیمزاكرنا سمۆیێ باپیر ل شاریا و چەند سمینار

 ل بنگەھێ لالش ل كومەلگەھا شارییا، ئێڤاریەكا تایبەت ھاتە رێكخستن بۆ ئیمزاكرنا رۆمانا من (سمۆیێ باپیر)، دڤێ ئێڤاریێدا ھەر دوو بەرێزان نڤیسەر و ڤەكولەر داود مراد خەتاری و نڤیسەر ھەسۆ ھورمی ل سەر كومكوژییا گوندێ باسا سمینار پێشكێشكرن و من كورتییەك دا سەر رۆمانا خوە بەحسكر و پاشی دەرگەھێ دانوستاندنێ ڤە بوو و لدووماھیێ ژی پەرتووك ل سەر بەشداربوویان ھاتە بلاڤكرن و بۆ ھاتنە ئیمزراكرنێ، جھێ ئاماژێ یە كو ئەڤ ئێڤاریە ژلایێ نڤیسەر ساكار كامل ڤە دھاتە برێڤە برن.

سمۆیێ باپیر، بەشوێن رفێندراوە ئێزدییەكاندا دەگەڕێت

لە نوێترین بەرهەمی ئەدەبیی خۆیدا نووسەر و رۆژنامەنووس عەبدولڕەحمان بامەڕنی رۆمانی (سمۆی باپیر، رفێندراوە ئێزدییەكان رزگار دەكات)ی بڵاوكردەوە و هەنووكە لە دووتوێی بەرگێكی جواندا كەوتووەتە بەردەستی خوێنەران.

سەبارەت بە بیرۆكەی رۆمانەكە و ناوەڕۆك و چیرۆكەكانیشی، عەبدولڕەحمان بامەڕنیی نووسەر لە لێدوانێكیدا بە دوالاپەڕەی كوردستانی نوێ - ی راگەیاند: رووداوەكانی ئەم رۆمانەم دەگەڕێتەوە بۆ جینۆسایدكردنێكی دیكەی مێژوویی ئێزدییەكان لە كاتی جەنگی یەكەمی جیهانیدا لە رۆژی 14/5/1916

كە ئێزدییەكانی گوندی باسا دەكەونە ناو بۆسەیەكەوە و تێیدا 180 كەس كەمەڵكوژ دەكرێن و چەندین كچ و ژنی ئێزدیش دەڕفێندرێن.

عنواين قصصية من نماذج قصص (عبدالرحمن بامرني)

 دراسة نقدية

قیرین عجو

العنوان تعتبر العتبة، أو المدخل لدخول إلى احداث النص، والعنوان قد تعبّر أحيانا من البداية عن الاحداث والمجرايات، وأحيانا تكون غامضة. إضافة هي العتبة التي يقف عليه الكاتب كي يدخل إلى عمق الحدث والتفاصيل. العنوان قد يتألف من كلمة واحدة، أو جملة، أو كلمات مركبة..

استراتيجية العنوان

الاستراتيجية التي اعتمده الكاتب في اختياره للعناوين في قصصه، تعتمد على اللهجة المحلية والعامية التي يستخدمها الشعب في حياتهم اليومية. تعتبر مصطلحات قديمة أو تراثية وإضافة إلى صفات كان يستخدمها الناس في يومهم. فقد استغله الكاتب بذكاء في خدمة قصصه التي تصنف كقصص السخرية أو التهكم، القريبة من اسلوب (عزيز نسين) المعروف بفكاهيته الساخرة و اللاذعة. في قصة (خره خر) العنوان مؤلفة من كلمة مركبة، تأتي بمعنى الضجيج، وهي كلمة قديمة متوارثة عن الاجداد، كانت تستخدمه عامة الشعب حين كانوا يشاهدون ضجيجاً ما. وهنا استخدمه الكاتب كنوع من السخرية، في تقديم قصته الواقعية، حيث يعيش البطل واقعاً مزرياُ. وقد قام بالتشبيه ما بين ضجيج الشارع و ما بين ضجيج زوجة البطل في القصة. وفي الواقع في هذه القصة تعيش ضجيجاً غير اعتيادي، إلى درجة الهذيان، مع تسارع في نمطية الاحداث. كل هذا الضجيج المتسارع في كفة، و ضجيج الزوجة في كفة أخرى.

كی مێژوویا مە بنڤیسیت؟!

عبدالرحمن بامەرنی

راستی ژی بیت، كی مێژوویا مە بنڤیسیت؟ ئەڤە ئەو بابەتە گەلەك جاران من دڤێت ب ئازرینم. ئایا وەسانە وەك دبێژن مێژوویا مە ب سترانا گەھشتییە مە؟! دەما بابەت دچیتە سەر دەنگبێژیێ و سترانێن شەران، گەلەك دھێنە پێش و دبێژن مێژوویا مە یا نزیك ل سەر ئەزمانێ سترانبێژان گەھشتییە مە و ھندەكێن دی بۆ پەسەندا گوتنێن ان دبێژن دڤێت ئەم ل سترانێن خوە یێن دەنگبێژیێ ڤەگەرین، ژبەركو ئەم دشێین گەلەكێ ژ مێژوویا خوە یا بەرزە یان یا نەھاتییە نڤیسین، ئەم بنڤیسین. ئەو ژی راست دبێژن، گەلەك ژ روودان و سەرھاتیێن مە یێن بووینە ستران و بدەنگێ دەنگبێژان یێن ھاتینە ڤەگێران و ئەگەر ئەم حەز بكەن، ئەم دشێین ل سەر كار بكەین و چەندەكێ ژ مێژوویا خوە بینینە زمان، ھەر چنەبیت باش یان خراب، ئەم تشتەكی بەلگەبكەین. لێ لێرە ژی پرسبارەك خوە دوبارە دكەت، ئایا ئەو سترانێن گەھشتینە مە، ئەو روودان و شەر و ناكۆكی و مێژوویا دناڤ سترانێدا دھێتە باسكرنێ، ئایا ئەو روودان وەك خوە ھاتینە ڤەگوھاستن یان ل سەر داخوازا ھندەك بووینە ستران و ژ كەسەكی بۆ كەسەكێ دی دھێنە ڤەگوھاستن؟

دەما ناڤنیشانێ شعرێ بخوە شعر بیت

عبدالرحمن بامەرنی

گەلەك نڤیسەران كێشا ھەلبژارتنا ناڤنیشانەكی ھەیە، ژبۆ ناڤكرنا تێكستێن خوە. گەلەك ژی ژبەر دانانا ناڤەكێ گونجای دێ بیرۆكا تێكستێ خوە ھەمیێ گوھورن، ژبەركو ناڤنیشان یێ گونجای نەبوویە یان ژی بدلێ وی نەبوویە و ژ خوە بۆ گوتارێ ژی ھوسا و خوە بۆ رۆمانێ ژی و نڤیسەر ھەبوویە، بتنێ ژبەركو ناڤنیشانێ رۆمانا ئەو دنڤیسیت یێ سەرنج راكێش نەبوویە، رابوویە ب دوبارە نڤیسینا رۆمانێ ھەمیێ و لێك كشكرنا روودانێن رۆمانێ، كو ئاڤاھیەكێ نوی و ب ئەندازەیەكا نویتر بەرھەم بینیت.

دڤێ خواندنێ دا، ئەز دێ ل سەر شعرەكا خانمەكا باژێرێ دھوكێ (رێژین حكمەت) راوەستم و تشتێ ژڤێ شعرێ ئەز راكێشایم ژی، ھەر ناڤێ شعرێ بخوە بوویە و ژبەركو ئەز گرنگیێ ب وێنەیێ شعری ددەم، دناڤ خودیێ تێكستێ شعریدا دەما ئەز دخوینم، زێدەتر دەستھەلیێن شاعری ددروستكرنا وێنەیێ شعری، ھونەرێ وێنەیێ شعری من بۆ خوە رادكێشیت و ئەو وێنە چەند دشێت ببیتە تابلۆ، ئەو تابلۆ چەند دشێت بینەری ل بەرامبەری خوە راوەستینیت و ھەر ژ خواندنا من یا ناڤنیشانێ ڤێ شعرێ من ئەو تابلۆیە دیت و تشتێ ئەز راكێشایمە ڤێ نڤیسینێ ژی، من ئێك مەبەست ھەبوویە، ئێك ئەز ل سەر گرنگیا دانانا ناڤنیشانی یان تایتلی راوەستم و دوو ھندەكێ بەحسا گرنگیا دروستكرنا وێنەیێ شعری بكەم.

ديمۆكراسييه‌تا ژ (دابونه‌ريتان بۆ سۆشيال ميديايێ) د ناڤبه‌را پێشڤه‌چوون و پاشداچوونێ دا

عبدالرحمن بامەرنی

پوختە:

سوشیال میدیا بڤێ چەندێ دھێتە ناسكرنێ، كو گرنگترین رێكارێن پەیوەندیكرنێ یە لڤێ دووماھیێ خوە فەرزكری، ژبەر رۆلگێرانا وێ د بلاڤكرنا نوویاتیان و بابەتێن گەرما و گەرم د بیاڤێن جودا و گشتیدا و شیایە ببیتە خەلەكەكا بھێز دناڤبەرا خەلكی و خودانێن بریارێدا ل سەر بابەتێن گرێدایی كومەلگەھی و بەرێخوەدان و گرنگیدانێن وی. ڤەكولینا مە ژی بۆ ڤێ چەندێ یا تەرخانكریە، رولگێرانا سوشیال میدیایێ د دروستكرنا راییا گشتیدا، د ئاراستەكرنا كومەلگەھیدا ل سەر پرسێن تایبەت یێن گرێدایی رۆژەڤا وی و گرێدایی ئاینده‌یێ وی یێ سیاسی و كومەلایەتی و رەوشەنبیری و بۆ ڤەكولینا خوە ژی، مە پشتبەستن ل سەر ھەرێما كوردستانێ كریە و دیموكراسیەتا ل ھەرێما كوردستانێ دھێتە پەیرەوكرنێ، ماف و ئازادیێن خەلكی و چاوان ئەڤ خەلكە دھێتە ئاراستەكرن و چاوان دكەڤیتە بن بارێ ئەجندایێن حزبی و رۆلگێرانا سوشیال میدیایێ چاوان دێ خزمەتا دیموكراسیەتێ كەت و ماف و ئازادیێن خەلكی پارێزیت.

كلیكێن ڤەگولینێ:

دیموكراسیەت، راییا گشتی، سوشیال میدیا، دابونەریت.

دگەل سایدێن ڤەكری

عبدالرحمن بامەرنی

دەما ئەز شوفێریێ دكەم، تشتێ ژ هەمیێ بۆ من نەخوشتر، دەما ل ترافیكێن ڤەكری كەسەك سەرێ ترۆمبێلا خوە دئینتە دناڤ (رێزێ)را و ئەگەر تو رێكێ نەدەیێ ژی، یان دڤێت هورێنەكێ بۆ لێدەیی یان ژی ترۆمبێلێن وە دگەل ئێك قوچانێ بكەن. ئەز ل وە ناڤەشێرم بەری چەند سالەكان من (بی ئێم)ەك هەبوو و هندەك جاران سەرێ من ژی گەرم دبوو و من نەدهێلا كەسەك رێزێ ببریت، هەر چنەبیت خەلكەك فێری رێزگرتنێ بیت و راستی ژی بیت، ئاسنێ (بی ئێم)ێ چەند جاركی بەرامبەری خوە و ترۆمبێلێن نوكەیە.

پێكئینانا حكومەتێ ئیرادە بۆ دڤێت

 سەرگوتارا من د(كوردستانی نوێی بادینان) ژمارە (8)دا

عبدالرحمن بامەرنی

قوناغا ھەلبژاردنان بدووماھی ھات و ھەر حزبەكێ، سەنگا خوە زانی. پێش وەخت ھندەك حزبان ھەلویستێ خوە بۆ چوونا ناڤ حكومەتێ دیاركرییە و حزبێن خودان زێدەترین كورسی وەك (ئێكەتی و پارتی)، شاندێن خوە بۆ دانوستاندنان دیاركرینە و ئەگەر ل ژیێ حوكمرانییا ل ھەرێما كوردستانێ ژی بنێرین، سێ دەھك دەرباز بوون و نەھـ حكومەت ھاتینە پێكئینان و ئەڤ حوكمرانییا ل ھەرێما كوردستانێ دھێتە دیتن، بدرێژترین حوكمرانییا كوردان دھێتەزانینێ و وەك چاڤدێرێن سیاسی ژی ئاماژێ بۆ دكەن، رەنگە پێكئینانا حكومەتا ڤێجارێ یا ب ساناھی نەبیت و ئەگەر بتنێ درووشمێن حزبان یێن ھەوا ھەلبژاردنان بخوینین، حزبێن سیاسیێن كوردستانێ ل سەر دوو بەرەیان ھاتبوونە دابەشكرن،

مە چ ئەزموون ژ ھەلبژاردنان وەگرت؟!

عبدالرحمن بامەرنی

ھەلبژاردن ب پرۆسەكا دیموكراسی دھێنە زانین و لھەمی وەلاتان تایبەت ئەڤ وەلاتێن پێشكەفتی و ئەڤێن گرنگیێ بمافێ مرۆڤی ددەن، ھەلبژاردنان دكەنە بنەمایەك بۆ رادەستكرنا دەستھەلاتێ، چ ل سەر ئاستێ تاكی بیت یان حزبێ و ئەڤا من دڤێت دڤێ گوتارێدا بەحس بكەم، ئایا مە شییا چ ئەزموون ژڤێ گەرا ھەلبژاردنێن پەرلەمانێ كوردستانێ وەربگرین یێن 2024ێ؟ ئەز بەحسا قوناغا پشتی دەنگدانێ ناكەم و چ حزبەكێ دەنگێن خوە كێمكرن یان زێدەكرن و كیژ كاندید شییا دەنگێن پێدڤی بۆ خوە بینیت، لێ ئەز دێ بەحسا بەرنامەیێ حزبان كەم، بەرنامەیێ كاندیدان.

چیرۆكا من و بەرچاڤكێ

عبدالرحمن بامەرنی

لڤان سالێن دووماهیێ، من هەستكر ئەگەر ئەز بەرچاڤكەكێ بدەمە بەرچاڤێن خوە دێ باشتر بیت، ئەڤە ژی پێنەڤێت ل سەر داخوازییا هەڤالەكێ من بوو. ئەڤ هەڤالێ من، دووراتییا چاڤێن وی یا باش نەبوو و من ژی ب یا وی كر، ژبەركو ئەوی كەرب ژ بەرچاڤكا من یا رەش ڤەدبوون، ئەوا ژبەر هەتاڤێ من ددا بەرچاڤێن خوە. من بەرێخوەدا ئێك ژ كلینیكێن دهوكێ و ئەز چوومە دەف نوژدارەكێ چاڤا، پشكنینەك بۆ چاڤێن من كر، نەڤیا بێژیتە من، چاڤێن تە پێدڤی بەرچاڤكێ نینن و ددەمەكیدا ئەز پاریەكێ باشم و ئەو یێ زمان خۆش، گوت ئەگەر تو بەرچاڤكەكێ بدەیە بەرچاڤێن خوە، وەك تو بەرێخوە بدەیە كچەكا مكیاجكری. پێنەڤێت ئەڤە زمانەكێ بازرگانیێیە و من ژی بۆ كەنییا وی گوتێ، یەعنی تا نوكە ئەز كچكان بێ مكیاج دبینم؟ ئەوی كەنییا خوە بەردا و من زانی (10) هزار دینار چوونە سەر بهایێ بەرچاڤكێ و دا كورت كەم، (65) هزار دینارێن رەق من كرنە ددەستێ ویدا و درێژناكەم رۆژەكێ ئەز یێ سیارێ دهاژووم و نزانم چاوان من دەستێ خوە برە چاڤێ خوە، كتەكا شیشێ بەرچاڤكێ پێڤەنە.

بۆچی ترس ژ ھەلبژارتنان؟!

عبدالرحمن بامەرنی

باوەری ب ئەنجامێن ھەلبژارتنان، مەزنترین كوسپەیە ل بەرامبەری لایەنێن ھەڤرك و دەنگدەری بخوە ژی. رەنگە ئەڤا ئەز ژێ بەحسدكەم، زێدەتر بۆ كومەلگەھێ مەیێ كوردی بیت و تایبەت ژی ل ھەرێما كوردستانێ و گومانا ھاولاتییا یا بەردەوام، ل سەر پاقژییا رێڤەچوونا ڤێ پرۆسێ بخوە و دەما ئەنجام بدلێ وی دەرنەكەڤن. دێ بینی گەلەك ھاولاتییان ترس و گومانا ھەی، یاری ب دەنگێن وان بھێتەكرنێ یان دەنگێن وان بھێنە دزین و نەھێنە ھژمارتنێ یان سندوق ب دەنگێن ساختە بھێتە تژیكرنێ یان كرین و فرۆشتن ب دەنگان بھێتەكرنێ و چەندین ترس و گومانێن دی، كو وی پاشگەز بكەن، ئێك باوەری ب ئەنجامێن دەنگان نەھێت و دوو، پێشوەخت بریارا خوە بدەت نەچیتە دەنگدانێ!

ل سەر بابەتێ بەھییا و بەھیداریێ

عبدالرحمن بامەرنی

ل بازاری من ھەڤالەكێ خوە دیت و پشتی كەیفخوشیێ، گوت: ئێدی ئەز تە ل ناڤ بەھیان ژی نابینم، مانێ داوەت ھەرچوون!. ھەڤالێ من راست دگوت، ژبەركو ل ناڤ بەھییان مرۆڤ ھەمیان دبینیت، مرۆڤ پرسیارا ساخی و سەلامەتییا ئێك دكەت و خوە ئەگەر ئەو دەرفەت دروست نەبیت، كو تێدا مرۆڤ لدەف ئێك روینیت و دەرفەتا ئاخفتنێ یا كێم ژی بیت، لێ مرۆڤ دشێت تشتەكی ژ رەوشا وی بزانیت، ژ تەندروستییا وی، دەما مرۆڤ ل سەروچاڤ و پریڤەچوون و راست راوەستیانا وی دنێریت. ژ حالخوشییا وی، كا چ جلوبەرگ ل بەرن و كا چەند كەس بخێرھاتنێ دگەل دكەن. ھەر چەندە ل ناڤ داوەتان تشتەكێ جودا بوو، ئەگەر كەسەكی بەرگیز نەبانە ژی، دشییا ب (20) ھزار دیناران بەژنا خوە ب جوانترین شەل و شەپك ب خەملینیت و ئەڤە بۆ ژنان ژی ھوسا، لێ دگەل حالخۆشبوونا خەلكی، دگەل نەمانا نەختی، ئێدی سەر سوبەحی ژی كێم بوون و ئەگەر كەسەك داوەتەكێ بكەت ژی، ئەو داوەت ژ چوارچوڤێ خێزانێ یان كەس و كارێن نزیك دەرباز نابیت.

رەڤاندیێن ئێزدی دناڤبەرا دوو فەرماناندا

 عبدالرحمن بامەرنی

پشتی روودانێن داعشا تیرورتسی و ب سەرداگرتنا دەڤەرا شنگالێ و كوشتن و تالانكرن و برنا كچ و ژنان. تشتێ ھەرە بەرچاڤێ ئەز بخوە ڤە مژویل دكرم، چاوانیا باوەریبوونا كچ و ژنێن ئێزدی بوو، ئەڤێن خوە ژ دەستێ داعش رزگار دكرن و دھاتنە ناڤا جڤاكا ئێزدی ڤە! بێی ئەڤ كچ و ژنێن ھەنێ ھزربكەن، كو رەنگە د چاڤێن جڤاكێ ئێزدی دا شكەستی بن یان بەرێخوەدانا جڤاكێ ئێزدی ب چاڤەكێ كێماسی بیت و ئایا دێ ئەو ھێنە قەبوولكرن یان نە؟ د دەمەكیدا، رەنگە دەستدرێژی و كرین و فرۆشتن و ئاین گوھورین د دەرحەقی واندا ھاتبیە كرنێ.

ئەڤرو (عەیدا نەبیا)نە

نۆكە ناڤێ وێ یێ كریە مەولید نەبەوی و لێ یا دروست، مە دگوتێ عەیدا نەبیا، بۆ من ھەردوو ناڤ ئێك رامان

دگەھینن، ئەو ژی ساخكرنا ڤێ رۆژێ یە و مە ھینگێ عاشورا ژی ساخدكر، ئەو رۆژا خودێ مووسا پێغەمبەر ژ فیرعەونی رزگار كری و ب شەڤێ ئەم چەند زارۆك، ھینگێ مە دگوتێ ئەم چەند (بچیك)دا ڤێكەڤین و چینە بەر دەرێ مالان، مە دگوت (عاشیرا عاشیرا.. مەمكێت داپیرا.. پەخكێت باپیرا.. بۆ مە كتك و ھژیرا) و ئەڤا ئەز ژێ بەحس دكەم مە ل بامەرنێ و بڤی رەنگی ئەڤ رۆژە ساخدكرن. بۆ عەیدا نەبیا، ئەم ئەڤێن ل سەرێ گوندی ل تاخێ گەلی، خوشییا مە ئەڤ رۆژە بوو، دایكێن مە خوارن دروست دكر، دكرنە ئامانەكی و مە دبرنە سەر بانێ (حەجی محەمەدێ توڤی) من بخوە یێ

میتا ڤەگێران د رۆمانا رەشكۆی یا (عبدالرحمن بامەرنی)دا

شەڤین مستەفا

مەبەست ب میتا رۆمانێ، ئێك ژ شێوازێن نڤیسینا جورەكێ رۆمانا تایبەتە، دگەل ڤەگێرانێ، نڤیسەر د پەیوەندییا راستەوخودایە دگەل خواندەڤای یان بەرێ وی ددەتە لاپەرێن بوری ژ رۆمانا خوە یان دێ كەڤیتە دانوستاندنێ دگەل ئێك ژ كەسایەتیێن رۆمانا خوە و ب ھاریكاریا ڤان تەكنیك و رێكێن جودا، چیرۆكا خوە ئاراستەی وەرگرەكێ ھوشمەند و زیرەك دكەت. ئەڤ جورە تەكنیكە ژی ژ نیشانێن پاشنویخازیێ نە د ڤەگێرانا رۆمانێدا. ئەڤ ڤەكولینا ل بەر دەست، لێگەریانەكە دناڤ رۆمانا (رەشكۆ)ی یا عبدالرحمن بامەرنیدا، لدۆر پرسیارا گریمانەیی یا ڤەكولین بزاڤێ دكەت بەرسڤێ بۆ دروست بكەت، ئایا عبدالرحمن بامەرنی د رۆمانا خوە (رەشكۆ)یدا چەند شیایە رێك و تەكنیكێن میتا رۆمانێ ب كار بینیت و ئەڤ چەندە ژی ب زەلالی ئاشكەرا دبیت، ئەو ژی ب پەنابرنا نڤیسەرێ رۆمانێ بۆ بەر رێك و تەكنیكێن رۆمانێ، وەك: (پەیوەندیا راستەوخو یا نڤیسەری دگەل خواندەڤانی و تەكنیكا چیرۆك دناڤ چیرۆكێ دا و تەكنیكا كەسایەتیێن دزانن ئەو بخوە كەسایەتیێن رۆمانێ نە. و تەكنیكا كومێنت و رەخنە ل سەر چیرۆكێ، د پەراوێزاندا یان دناڤ تێكستی بخودا و تەكنیكا ئاشكەرابوونا ڤەگێری وەك كەسایەتی و وەك ڤەگێر) و ئەڤە وێ چەندێ د سەلمینیت، كو پرانیا رێك و تەكنیكێن میتا ڤەگێرانێ د رۆمانا رەشكۆی دا ھاتینە بكار ئینان.

دنیا ھەر ھۆیە مامكۆ

عبدالرحمن بامەرنی

ھێشتا ھینگێ گوند گوند بوون، دەولەت ژی وەكی نۆكە نەبوون بشێن خزمەتگوزارییان بگەھیننە ھەمی گوندان و ژبەر پێدڤییا گوندییان ب بابەتێن ئاینی و تایبەت ژی كورد ئایندارن و پێدڤییا وان ب مەزگەفتێ و مەلایی ھەبوو. بوویە ل ھەر گوندەكی بۆ خوە مەلایەك پەیدا دكر، مەزاختیێ مەلایی ژلایێ گوندییانڤە دھاتەدان و ئەڤە تا دەستپێكا سەد سالییا بۆری ژی ھەر ھۆسا ھەبوو! دا بھێمە سەر بابەتێ من مەبەست پێ. ل گوندەكێ مەلا و ئاغایێ گوندی رێكەفتنێ دكەن، سالێ ھەمیێ ئەڤ مەلایە ل گوندی بمینیت، بەرامبەری كۆژمەكێ پارەی و ل رۆژەكێ داوەتا كورێ ئاغایی بوو،

بێ بەھاكرنا دیموكراسیێ

عبدالرحمن بامەرنی

دیموكراسیەت ب كورتییا پێناسا خوە، یانكو دەستھەلاتا پترییێ. پتری، یانكو ئەو لایەن دێ دەستھەلاتێ گریتە دەست یێ باوەرییا پترترین كەس یان دەنگدەر بدەستڤە بینیت و ئەڤ چەندا ھەنێ، ل ھەمی كوژیێن دنیایێ تشتەكێ رەوایە و لایەنێن ھەڤرك، شەری ل سەر ڤێ چەندێ دكەن، دێ چاوان شێن باوەرییا پترییا دەنگدەران بدەستڤەئینن. ل ھەرێما كوردستانێ و ژبەركو ئەم دروست دچەمكێ دیموكراسیەتێ نەگەھشتینە، ئەڤ پرۆسەیە ژی ب لەنگی دەرباز دبیت و لێ ھەر چاوا بیت، دناڤبەرا ئەگەر ھەلبژاردەیا ئایا ھەلبژارتن بھێنەكرنێ یان نەھێنەكرنێ؟ پێنەڤێت ھەلبژارتن باشترە و ھەر چنەبیت، دەنگدەری مافێ گازندێ نامینیت، ژبەركو ئەو بوویە بەشەك ژ دانانا سیستەمێ نوویێ برێڤەبرنێ، چ باش چ خراب.

رەوشەنبیرییا گەشتییاری و پێشوازییا كەسێن بیانی!

عبدالرحمن بامەرنی

كەس نینە ئەگەر ھەر ئێك ژمە گەشتەك یان چەندین گەشت یێن كرین، چ بۆ ناڤخوییا باژێری بن یان باژێرێن دەوروبەر یان ژی دەرڤەی وەلاتی و ئەگەر ھەر ئێك ژ مە، چەند دیمەنەكان ژ وان گەشتان بینیتە بەر چاڤێن خوە و ب بابەتێ رەوشەنبرییا گەشتیاری ڤە گرێدەین و ئەم خوە و خەلكێ خوە و سەرەدەرییا خوە دگەل گەشتیاران رەخنە بكەین، دێ چ بینین؟!!

بەری چەندەكێ بوو و ژ نشكەكێڤە ئەم چەند ھەڤالێن دێرین گەھشتینە ئێك و ئەم پێكڤە چووین چایەكێ ڤەخوین، پێنەڤێت ژبلی سوحبەتێن تو چ دكەی و تو ل كیرێ (سافی) بووی؟ مە بابەت قولباندە بیرھاتنێن خوە و كا كێ تشتەك مایە ل بیرێ و كێ نەمایە ل بیرێ، مەبەست ژێ دا پەیوەندییا ھەڤالینیێ پێ گەرم بكەینەڤە. ھەڤالەكێ مە گوت: "بیرا وە دھێت دەما ئەم ب پاسێ ژ باژێرێ نەجەف چووینە كەربەلا و دەما ئەم چووینە خورانگەھەكێ و مە پێكڤە داخوازا تەشریبێ كری، بۆ مە خوارنا مە ئینا و ئەم ماینە ل ھیڤیا كاچكا و ئەم ب سوحبەتێن خوە یێن جاران ڤە مژویل بووین و دەما خودانێ خوارنگەھێ ھاتییە ھنداڤی سەرێ مە، گوت: ھین بۆ خوارنا خوە ناخوون و ئەگەر بدلێ وە نەبیت دێ بۆ ھەوە گوھورین؟ مە گوتێ مە (خاشۆك) دڤێن! چوو ل خورانگەھێ گەرییا و دووماھیێ كەسەك فرێكرە جھەكێ دی بۆ مە خاشۆك ئینان"، ھەڤالەكێ مە یێ دی گوت: "بەری ئەم بچینە كەربەلا بیرا وە ل وێ پاسێ دھێت،

گوتارا كەرب و كینێ

عەبدولڕەحمان بامەڕنی
ئەم یێ بەرەڤ بانگەشەیا هەلبژارتنان دچین و ژبەركو هەلبژارتن بخوە پرۆسەكا دیموكراسییە، دڤێت ئەم رێزێ ل وێ دیموكراسیەتێ بگرین و ئەم خوە ژ گوتارا كەرب و كینێ دویر بگرین. هەلبژارتن یان كو ھندەك كەس، دێ نوینەراتییا مە دكارەكێ دەستنیشانكری دا كەن و ژبەركو مە هەمیان مافێ هەلبژارتنا وان نوینەران هەیە، یانكو ئەم هەمی د پرۆسەیەكێ دا بەشدارین و ئەم ب دەنگێ خوە دێ ئاڤاھییەكێ دروست كەین. ئەگەر شەنگستێن وی ئاڤاھی د موكم بن، ئەڤە بۆ ماوەیێ چوار سالێن دی، دێ ژیانا مە یا گرەنتی بیت و دەرئەنجام، دێ كێشێن مە كێمتر بن و خزمەتگوزاریێن مە زێدەتر بن و ئەو ئاڤاھییێ ئەز ژێ بەحس دكەم، پەرلەمانێ كوردستانێ یە و بتنێ ئەندامێن پەرلەمانی دشێن، شەرعیەتێ ب دروستبوونا وی ئاڤاھی بدەن. 

كێشا مە كوردان ب كورت و كرمانجی!!

عبدالرحمن بامەرنی

ھەر كەسێ گوھداریا سترانا ئوسێ زەری كربیت ئەڤا سترانبێژ (حەسەن عەلێ خەنجەر) دبێژیت و دەما ب سەر تالانێ واندا دگرن، ئوسێ زەری دبێژیتە برایێ خوە، ھلو سەرێ مە چوو. برایێ وی دبێژیتێ سەرێ مە ئەڤە بمەڤە، سەرێ مە چاوا چوو؟ ئوسێ دبێژیتێ سەرێ مە چوو، یانكو مامێ مە چوو و سترانێ چیرۆك و رویدانێن خوەھەنە، دێ دەستا ژێ بەردەین. (شارلوك ھولمز و دكتور واتسون) دێ كەسێن ناڤدارن پێكڤە دچنە گەشتەكا ڤەدیتنێ و لێ دبیتە شەڤ، چادرا خوە ڤەددەن و د كەڤنە خەوێ و ل نیڤا شەڤێ، ھولمز ژ خەوێ ھشیار دبیت و ھەڤالێ خوە واتسونی ژی ھشیار دكەت و دبێژیتێ كا سەحكە عەسمانی تو چ دبینی؟

واتسونی گوت: ئەز یێ ب ملیونان ستێرا ل عەسمانی دبینم.

ھولمزی گوتێ: ئەڤە چ دگەھینیت؟

واتسونی ھزرێن خوە كرن و گوت: ژ روویێ فەلەكناسیێ ڤە، دبیت ب مەلاینان وەك ڤان ستێران ل عەسمانی ھەبن و رەنگە ب ملیاران ژی و ژ روویێ دەمێ ڤە، ئەز وەسا دبینم نوكە دەمژمێر سێ كێم چارێكەكە و ژ روویێ ئاینیڤە، ئەز مەزناھییا خودێ دبینم و ژ روویێ سەقای ڤە، دنیا ساھییە و دێ گەشتا مەیا سوبەھی گەلەكا خوش بیت. بەلێ پا تە نەگوتە من، لدەف تە، ئەڤە چ دگەھینیت؟!

ھولمزی گوتێ: گەمژە.. كەسەكی چادرا مە یا دزی..!

كورتەچیرۆكا (مالا ژ مەچێتران)* دناڤبەرا (جوانكاریێ و كەلتووری)دا

ھەر ل سەر بابەتێ ژنان

عبدالرحمن بامەرنی

ئەم ل مالەكێ دروونشتی بووین و بۆ بەحسێ ژنا و ژنخازیێ، كورەكێ وان ھاتبوو ژنان و د دو دلبوون كانێ كێ بۆ خوازن. ھەر چەندە وان چ كێشێن دارایی نەبوون و حالێ وان یێ خوش بوو. كورێ وان شقەیەك ھەبوو و یا ل سەر ناڤێ وی بوو، ترۆمبێلەك ژی ھەبوو و دكانەك ژی ھەبوو و دكان یا وی بخوە بوو. لێ كێشا وان، كورێ وان خواندنا خوە نەبرییە سەری و بتنێ تا سیێ ناڤنجی یا خواندی و كورەكێ گوھدار، ژنخازی ھێلابوو بھیڤیا دەیبابان ڤە و دناڤبەرا كا كچەكا خواندەڤا بخوازن یان خواندنا وێ ژ یا كورێ وان كێمتر بیت، مابوونە ئاسێ. دەما من پرسیار ژێكری و گوتیێ، بوچی، ما كچا خواندەڤا بیت باشترە نینە؟ گوتە من نەخێر. من ژی ڤییا بزانم، كا دیتنا وان ل سەر كچا خواندەڤا و نە خواندەڤا چییە، ئەو چ پیڤەرن سەركەفتنا كچێ دیاردكەت؟ ڤێ ژنێ گوت: كچا سەركەفتی ئەوە یا بكێر بەرمالیێ بھێت و بزانیت دێ چاوان زەلامێ خوە برێڤە بەت. من گوتێ، ما ھەمی كچ نەشێن ڤێ چەندێ بكەن؟ گوت: ئەو كچ یا باشە ببیتە بیكا مە یا بزانیت ئامانان بشووت، خارنێ بلێنیت و بزانیت دێ چاوان زەلامێ خوە راگریت. من گوتێ: ئێ ما كچا خواندەڤا ژی دێ شێت ڤێ چەندێ كەت. گوت: نەخێر، ئەو كچا خواندەڤا یا تو ژێ دبێژی، ئەو دێ كچەكا ب سەر كەفتی بیت و دێ یا ژیر بیت و دێ ئاستێ وێ ژ ئاستێ كورێ مە بلندتر بیت و ئەڤە ژی كێماسیینە و مە كچەكا وەسا نەڤێت، كو كورێ مە ل بەر خزمەتا وێ راوەستیت یان وەكی تەشیكێ لدوور تلا خوە بزڤرینیت.

كورە ئاغا و چالاكڤانێن قارەمان و زەلامێن ئاینی!

عبدالرحمن بامەرنی

بەری سەرهلدانێ، رۆلێ ئاغا و عەشیرەتێ یێ خورت بوو. مەبەستا من ب بەری سەرهلدانێ، رێك من بەحسا سەردەمێ رژێما بەعسا دكتاتور بوو، ئەو رژێما دەهان كارەسات ب سەرێ گەلێ كورد ئیناین، هەر ژ كیمیا بارانكرنێ و كاڤلكرنێ و بنئاخكرنێ و ڤێ رژێمێ سیاسەتا زیندیكرنا ئاغا و سەرۆك عەشیران گرتە بەر. رۆل پێدا، پارە ئێخستنە بەر دەستا، دەستهەلات كرە ددەستاندا و كێشێن جڤاكی ل سەر دەستێن وان دهاتنە چارەسەركرن و ئەڤە ژی ب مەبەستا، خەلك پەنایێ بۆ عەشیرەتێ ببەن، پەنایێ بۆ كوچكا ئاغای ببەن و ئێدی ئاغا و سەرۆك عەشیرەت بوونە داردەستێ رژێمێ و قازانجا رژێمێ ژڤێ چەندێ. هەر گاڤا ئەجندایەك هەبایە و ڤیابا جێبەجێبكەت، بتنێ ئاغا و سەرۆك عەشیرەت گازیدكرن و خەلكێن دی هەمی دبن لەبێ و بەلێ یا وانڤە بوو.

كی مالێ پرێڤەدبەت ژن یان زەلام؟

عبدالرحمن بامەرنی

ئەم ل جھەكی دروینشتی بووین و بۆ سوحبەتا ژن و مێرەكان، ژنێ گوت: ماموستا من گوھێ خوە ددا رادیویێ و بەحسا ئەرك و مافێن ژنان دكر، دگوت ل سەر زەلامی پێدڤییە كو داینەكێ بۆ زارۆكان بینیت و خوە ل سەر ژنێ نینە خارنێ ژی بۆ زەلامی دروست بكەت، دڤیا ڤێ پرسێ بكەتە بەھانە و بەرسڤەكا لدویڤ دلێ خوە ژمن دڤیا. من گوتێ بەس من ژی ل رادیویەكێ گوھێ خوەدایێ دگوت، مافێ زەلامییە چار ژنان بینیت!

ئەز چ ژنان نائینم!

عبدالرحن بامەرنی

ھەڤالێ منە و ئەم دبێژینە ئێك پسمام ژی. دگەل ھەڤالینیا خۆش، مرۆڤ خێزانێن ئێك ژی ناس دكەت و من و برایێ وی ژی تێكەلی دگەل ئێك ھەبوو و برایێ وی چبوو د سەر سیھـ سالیێدا، لێ ھێشتا یێ زگورد بوو و كەیفا وی ئەو بوو، دەما ل كافیێ دروونشتە خارێ و نارگیلە دكێشا. ئەو كافیا ئەز ژێ دبێژم، كافیێن ناڤ بازاری نەبوون و قەستا جھێن خۆش دكر، ھەكو ئەم ب كولانكی دبێژینێ جھێن (راقی). كابرایی منەت پێنەبوو و ژبەركو چ بەرپرسایەتی ل سەر ملا نینن، ئێدی وەك وی دڤێت دێ بۆ خوە خۆش دكەت، لێ ڤێ خۆشیێ برایێ وی یێ مەزن نە ئارام دكر و جارەكێ گوتە من، ئەر تو بۆچی جارەكێ دگەل برایێ من نائاخڤی و بێژیێ بۆ خوە ژنەكێ بینیت؟ ئەم ھەڤالین و نەخۆشیا وی یا منە و تێكەلیێن من ژی دگەل برایێ وی تێكەلیێن رێزگرتنێ نە و من گوتێ بلا.

ئەسمەرێ

 كورته‌چيرۆك/ ژ ئه‌ده‌بێ به‌رى سه‌رهلدانێ

عبدالرحمن بامه‌رنى

چیرۆكا من دیمەنەكە ژ بەری سەرھلدانێ، چیرۆكا خێزانەكێ یە بەرەڤ باژێرێ مووسل ڤەدچن و خانییەكی بكرێ دگرن و تێڤە دژین. خێزان ژ دوو خووشكان و دوو برا پێكدھێت و ئەڤا من كرییە كاراكتەرا ڤێ چیرۆكێ، ناڤێ وێ ئەسمەرە و ژ قەدەرا وان، ئەو خانییێ تێڤە دكەڤیتە بەرامبەری شوعبەكا حزبا بەعس. ئەز بەحسا خویشك و برا و دەیبابێن ئەسمەرێ ناكەم و بتنێ دێ فۆكسا چیرۆكا خوە ئێخمە سەر كاراكتەرا چیرۆكا خوە. ئەسمەر دژیێ خوە یێ 17 سالیێدا بوو و ژبەركو خویشكا وێ دوو سالان ژ وێ مەزنتر بوو و مالا وان دكەڤیتە بەرامبەری شوعبێ، شووشتنا بەر دەرۆكێ مالێ بھیڤییا ئەسمەرێ ڤە ھێلابوو.

شانۆیە چیرۆك

 عبدالرحمن بامەرنی

دیمەنێ ئێكێ:

دیمەن ھولا دادگەھێ یە و ژبلێ دادوەری، كچەك و كورەك و بابێ كچێ و بابێ كوری د روونشتینە.

ـ دادوەر: تە ئەڤ كورە دڤێت؟

ـ كچ: من چ سەربورێن ڤیانێ نین، ببورە ئەز نەشێم بەرسڤا تە بدەم.

دادوەر: تە ئەڤ كچە دڤێت؟

ـ كور: ئەز چ ژ ڤیانێ نزانم، لێ ئەڤە ل ژێر فشارا جڤاكییە و دڤێت ھەڤژینیێ دگەل كچەكێ پێكبینم.

دادوەر: تو ھزردكەی كچا تە یا بەرھەڤە و ئایا دێ شێت ھەڤژینیێ دگەل كورەكی پێكبینیت؟

بابێ كچێ: بۆ سالێن درێژ من كچا خوە یا پەروەردەكری، كارێ لێنانێ و پاقژكرنێ و شووشتنێ دزانیت، باوەرناما خوە یا زانینگەھێ ژی یا ھەی.

دادوەر: كورێ تە دێ شێت بەرپرساتیا ھەڤژینیێ ھەلگریت؟

بابێ كوری: كورێ من ژی دەرچوویێ زانینگەھێ یە و كارێ خوە یێ ھەی و شقا خوە ژی یا ھەی.