عبدالرحمن بامەرنی
دەما كێشە زێدەبن، قەیران دبێژنە قەیرانێ جھێ من بكە، ھینگێ دڤێت مرۆڤ پێداچوونەكێ دخوەدا بكەت، ئایا خەلەتی ژكیڤەیە و ئەڤا ئەز دێ نڤیسم، ژ بەرپرسێ ھوبێ، بەرپرسێ بەشی، رێڤەبەری، رێڤەبەرێ گشتی و تا گزیری بخوەڤە دگریت و ھەر كەسەكێ گومانێ ژخوە ببەت، رێك من بەحسا وییە.
حاكمەكی ھەڤژینا خزمەتكارەكێ خوە دیت و دلێ وی كەفتێ، نەزانی دێ چاوان خوە نزیكی وێكەت. رۆژەكێ كارەكێ دەرڤەی باژێری بۆ خزمەتكارێ خوە دەرئێخست و حاكمی بدەلیڤە دیت، قەستا مالا خزمەتكارێ خوە كر و ژبەركو ھەڤژینا خزمەتكاری حاكمی ناس دكەت، ھەر چەندە گوتێ خزمەتكار ل مالێ نینە، لێ حاكم چوو دژوورڤە. ھێڤە و وێڤە حاكمی مەبەستا خوە بۆ ھەڤژینا خزمەتكارێ خوە دیاركر، كو دلێ وی یێ كەتیێ! لێ ئەڤ ژنە گەلەك یا ژیر و تێگەھشتی بوو، گوتێ لدەف من كێشە نینە، بتنێ من مەرجەك یێ ھەی، ئەو ژی بۆ من بەرسڤا ڤێ گوتنێ بزانی، دەما دبێژیت (خێ بكار دئینن دا تشتێن دی خراب نەبن، لێ ئەگەر خێ بخوە خراب بوو دێ چكەین؟).
حاكم دەركەت و قەستا كوچكا خوەكر، كەسپ و كارێن وی بۆ شرۆڤەكرنا ڤێ گوتنێ و كەسێ بەرسڤا وێ نەزانی، ئێك ژ ئاقلدارێن كەڤن بتنێ مابوو و پشتی حاكم چوویە دەف، وی گوتێ: ئەز نزانم بابەت چییە، لێ ئەو كەسێ ئەڤە گوتی كەسەكێ گەلەك ژیر و تێگەھشتییە و نەڤییایە دلێ تە بھێلیت و نەڤیایە داخازییا تە ژی قەبیل بكەت، رامانا گوتنێ ژی، خێ ب كار دئینن دا تشت خراب نەبیت، لێ ئەگەر خێ بخوە خراب بوو، مەبەست، ئەگەر كەسەك خرابیەكێ دكەت حاكم سزای ددەتێ، لێ ئەگەر حاكمی بخوە خرابی كر. حاكم تێگەھشت و ئێدی خو ژ ڤێ ژنێ دا پاش و گەلەك رێز ل خزمەتكارێ خوە ژی گرت.
كورتییا ڤێ سەرھاتیێ ژی، ھەر چەندە پێدڤی روھنكرنێ ناكەت، لێ دێ بێژم، دەما مرۆڤ ھەست ب نەدادیێ دكەت، مرۆڤ پەنایێ بۆ دەستھەلاتێ دبەت و لێ دەما دەستھەلات بخوە بەشەك بیت ژوێ نەدادیێ؟!!
حاكمەكی ھەڤژینا خزمەتكارەكێ خوە دیت و دلێ وی كەفتێ، نەزانی دێ چاوان خوە نزیكی وێكەت. رۆژەكێ كارەكێ دەرڤەی باژێری بۆ خزمەتكارێ خوە دەرئێخست و حاكمی بدەلیڤە دیت، قەستا مالا خزمەتكارێ خوە كر و ژبەركو ھەڤژینا خزمەتكاری حاكمی ناس دكەت، ھەر چەندە گوتێ خزمەتكار ل مالێ نینە، لێ حاكم چوو دژوورڤە. ھێڤە و وێڤە حاكمی مەبەستا خوە بۆ ھەڤژینا خزمەتكارێ خوە دیاركر، كو دلێ وی یێ كەتیێ! لێ ئەڤ ژنە گەلەك یا ژیر و تێگەھشتی بوو، گوتێ لدەف من كێشە نینە، بتنێ من مەرجەك یێ ھەی، ئەو ژی بۆ من بەرسڤا ڤێ گوتنێ بزانی، دەما دبێژیت (خێ بكار دئینن دا تشتێن دی خراب نەبن، لێ ئەگەر خێ بخوە خراب بوو دێ چكەین؟).
حاكم دەركەت و قەستا كوچكا خوەكر، كەسپ و كارێن وی بۆ شرۆڤەكرنا ڤێ گوتنێ و كەسێ بەرسڤا وێ نەزانی، ئێك ژ ئاقلدارێن كەڤن بتنێ مابوو و پشتی حاكم چوویە دەف، وی گوتێ: ئەز نزانم بابەت چییە، لێ ئەو كەسێ ئەڤە گوتی كەسەكێ گەلەك ژیر و تێگەھشتییە و نەڤییایە دلێ تە بھێلیت و نەڤیایە داخازییا تە ژی قەبیل بكەت، رامانا گوتنێ ژی، خێ ب كار دئینن دا تشت خراب نەبیت، لێ ئەگەر خێ بخوە خراب بوو، مەبەست، ئەگەر كەسەك خرابیەكێ دكەت حاكم سزای ددەتێ، لێ ئەگەر حاكمی بخوە خرابی كر. حاكم تێگەھشت و ئێدی خو ژ ڤێ ژنێ دا پاش و گەلەك رێز ل خزمەتكارێ خوە ژی گرت.
كورتییا ڤێ سەرھاتیێ ژی، ھەر چەندە پێدڤی روھنكرنێ ناكەت، لێ دێ بێژم، دەما مرۆڤ ھەست ب نەدادیێ دكەت، مرۆڤ پەنایێ بۆ دەستھەلاتێ دبەت و لێ دەما دەستھەلات بخوە بەشەك بیت ژوێ نەدادیێ؟!!
-----------------
https://www.facebook.com/photo/?fbid=10218914363890440&set=g.209899095715001
%20copy.jpg)
ليست هناك تعليقات:
إرسال تعليق