ئەڤرو ل پەرلەمانێ كوردستانێ..!!

 عبدالرحمن بامەرنی

ئەڤا ئەز دێ نڤیسم چ گرێدان ب چ لایەنێن سیاسیڤە نینە و بەلكو ل ھەلبژارتنێن پەرلەمانێ یێن كوردستانێ یێن دەرباز بووی، ھەمان تشت من گوتبوو، دیسان ل چەندین ھەلكەفتێن دی، ژبەركو ئەڤە دیتنا منە و ئێدی حزب و لایەنێن سیاسی پرۆژەدووربینیێن خوە ھەنە و لدویڤ وێ دووربینیێ و وان بەرژەوەندییان، ئەو سیاسەتێ دكەن، لێ ئەمێن نڤیسەر ژی جوداتر دێ نڤیسینێن خوە كەین و خواندەڤان ژی جوداتر ژ مە ھەردووكان، وەك بینەرەك، وەك وەرگرەك، وەك چاڤدێرەك دێ بابەتان ھەلسەنگینیت. من بەحسا (وەرگر، خواندەڤا و چاڤدێرێن حزبی) نینە، ژبەركو ئەو دێ لدویڤ بەرژەوەندی و دویربینییا حزبێن خوە بابەتی خوینن و ھەلسەنگینن، دبیت ھندەك خوە لایك ژی نەكەن، ژبەركو لایك كرن ژی دھێنە حسابكرن و دیڤچوون بۆ دھێتە كرنێ.

یا من دڤێت بێژم راستە راست بۆ حزبێن مەیە، ئەڤێن پشتی سەرھلدانێ كورسیكێن رێڤەبرنێ گرتینە دەست، چ باش چ خراب، ئەڤرو زێدەتر ژ سیھـ سالێن حوكمرانیێ ب سەر ھەرێما كوردستانێ دا دەرباز بوون، تا نوكە ژی ھەرێم ل سەر دوو كەرتان یا دابەشكریە، ڤێجا كیش كەرتی، ئازادی زێدەتر ھەبیت، كیش كەرتی حزبێن سیاسی زێدەتر ھەبن و ل كیش كەرتی حزبەك بالادەستتر بیت، ئەڤە ھیچ تشتەكی ژ ھەڤكێشەیێ ناگوھوریت، ژبەركو حزبێن مە، راستتر بێژم نە پارتی و نە ئێكەتیێ ھیچ تشتەك بۆ گوھورینا ھەڤكێشەیێ نەكریە، ڤێجا شكاندنا ھەیبەتا پەرلەمانی، رەخنەكرن و رەدكرنا ئێك و دوو بیت دێ واقعێ ھەرێما كوردستانێ ھەر ئەڤا چووی بیت، دوو كەرت، ئەڤە نە بۆ پارتییە كو كورسیێن پەرلەمانی یێن كوتا زێدەتر نزیكی وێنە، لێ ئەگەر بەروڤاژی بیت و دەھـ كورسیێن دی ژی زێدەتر بۆ ئێكەتیێ ل كەرتێ دی بن، ئەگەر ئێكەتیێ زێدەتر ژ پێنجیی كورسیان ھەبن ژی، دێ ھەردوو كەرت وەك خوە بن، من گوت دێ وەك خوە بن ب ھەمان دەستھەلات و ھەمان قەبە و ھەمان گەف.
كورتیا من دڤێت بێژم، بھێلن ئەم بژین، مەبەستا من ئەم ھاولاتی و بھێلن ئەم پیچەكێ تەنا بنڤین، ھزرێن مە د دوو كەرتكرنێ دا و ناكوكی و لێك تێنەگەھشتناندا نەبیت، ھزرێن مە د موچەیێ مە، د پرۆژێن خزمەتگوزاریێدا نەبیت، ژبەركو ھەرێما كوردستانێ دخازیتە ھەبوونا دوو كەرتان، ھندی شەر د پەرلەمانی ڤە بھێنە كرنێ، بتنێ شكاندنا ھەیبەتا ھەرێما كوردستانێ یە و یێ ل راگەھاندنا عەرەبی و جیھانێ ژی بنێریت، مەبەستا من ئەڤرو، دێ زانیت سەنگا مە بەرەڤ چ دچیت و وە لسەلام.

----------------------

https://rwangauraxna.com/ba/detail.aspx?IDNews=7286

https://www.facebook.com/photo/?fbid=10218599104089142&set=g.209899095715001

كل التفاعلات:

٦٤أنت، وSeid Sherif Seid، وSegvan Ertisi و٦١ شخصًا آخر