عبدالرحمن بامەرنی
من گەلەك جاران ھزر د بەختەوەریێ دا كریە، ئایا دڤێت تو یێ زەنگین و بەریكێن تە تژی پارە بن؟ ئایا دڤێت تە ترومبێل و خانی و پارچێن عەردی ھەبن؟! رەنگە ئەڤێن ھەنێ بەشەك ژ ئالاڤێن بەختەوەریێ بن، لێ بەختەوەرییا دروست بڤی رەنگی ناھێت و رەنگە ھەر ئێك ژمە دیتبیت، بەریكێن مە تژی پارە و مە پارێ دانایی ھەی، لێ مرۆڤ ھزردكەت تشتەك یێ ژ مرۆڤی كێمە و بەروڤاژی ژی بەریكێن مرۆڤی د خالی و مرۆڤ ھەست ب خوشیەكێ دكەت، ئھا من بەحسا ڤێ خوشیێ یە ئەڤا بەختەوەریێ بمە دبەخشیت.
گەلەك جاران ب مزگینیەكێ یان دەنگ و باسەكێ خوش، ئەو بەختەوەرییا ئەز ژێ دبێژم ب سەر مرۆڤیدا دھێت، رەنگە وێ رۆژێ ھەمیێ ژبەر وی دەنگ و باسێ خوش، مرۆڤ یێ گەشبین بیت و تشتێ سەیر ژی، ھەر تشتێ مرۆڤ ب بەرڤە بچیت، دێ بدەست مرۆڤی ڤە ھێت، دێ شولێن مرۆڤی و پەیوەندیێن مرۆڤی باشتر برێڤە چن و د بەرامبەر ژیدا، مرۆڤ یێ ژ مالێ دەركەفتی و رەنگە دەنگ و باسەكێ نەخوش، كارڤەدانەیەكا نەخوش یا بویە ئەگەر، وێ رۆژێ ھەمیێ مرۆڤ گەریدەیێ خەموكیێ و نە ئارامیێ ببیت، تا وی راددەی، ھەر كارێ مرۆڤی ب بەرڤە دچیت، دروست ناھێت، دێ رێگری پەیدا بن، دێ كارێن مرۆڤی ھەمی تێك ئالزن، بوچی؟ ژبەركو ھزرێن مرۆڤی یێ دگەل ئالوز بووین و ئھا من بەحسا وێ ئالوزیێ یە، ئالوزییا ھزران.
ئەز ب رەنگەكێ دی بێژم، دەما مرۆڤ شەكرۆكەكا شرین بكەتە دناڤ دەڤێ خوەدا و ژ دەڤێ خوە بینتە دەر و بدانیتە جھەكی، ئەڤ كەسێ ڤێ رەفتارێ ژ مرۆڤی دبینیت، دێ ب چاڤەكێ كێم ل مرۆڤی نێریت و رەنگە سەرا ڤێ رەفتارێن نەجوان، دگەل مرۆڤی ژی باخڤیت و تورەبیت، پشتی بێھنەكێ، دێ بینی مێش، مێری، ھەر تشتێ پیس خوە كێشاندێ و دلێ مرۆڤی بخوە ژێ رەش دبیت و لێ ئەگەر گولەك ل جھەكی بیت، ژبلی كو ژبەر جوانی و بێھنا وێ یا خوش، مرۆڤ بخوە دێ خوە كێشیتێ، لێ چ تشتەكێ جوان و ب مفا، مێشا ھنگڤینی، بەلاتینك دێ ھێن ل سەر دادەن، ئھا ئەڤە یە یا من دڤێت بێژمێ گەشبینی و رەشبینی، ئایا تو مرۆڤەكێ چاوانی؟ كابرا دێ بەحسا خوە كەت، ھەر تشتێ خراب، بێ چانسی، دێ كێیشتە خوە و دێ بێژیت ئەڤە قەدەرا منە! لڤێرێ پرسیارەك دھێت، ئایا مرۆڤ قەدەرا خوە دروست دكەت یان قەدەرا مرۆڤی ددەستێ مرۆڤی دا نینە؟! ئەز خوە نزیكی بابەتێن (غەیبی) ناكەم، ژبەركو ئەو ب خودێ ڤە گرێدایینە، لێ ھزركرنا تە ل سەر رەشبینییا تە بەشەكێ قەدەرا تە دیار دكەت و ڤەكولینێن زانستی ژی ئەڤ چەندە دوپاتكرینە و بناڤێ (زانستێ ھێزا راكێشانێ) ناڤكرینە و ئەڤ یاسایە دبێژیت: ھووردەكاریێن رۆژانێن مە یان ئەوا ئەم دگەھینێ دەرئەنجامێ ھزركرنێن مە یێن بورییە و ھزرێن مە یێن نوكە ژی، ئەون یێن ئایندێ مە ئاڤا دكەن و ئەڤ یاسایە دبێژیت: (ھێزا ھزركرنا ھەر كەسەكی، تایبەتمەندیەكا مەزنا راكێشانێ ھەیە و چەند تو ھزران دتشتاندا بكەی، ھزرێ دتشتێن رەشبین و نەگەتیف، دێ وان ب بەرخوەڤە راكێشی و چەند تو ھزرێ و خەونا و خوزیان بۆ تشتێ جوان و یێ باش راكێشی، ئەو بخوە دێ خوە بنك تە ڤەكێشن و د كوردەواریێ ژیدا گوتنەك ھەیە دبێژیت: (تو چ ب چینی دێ وی ھەلینی) و خودێ دبێژیت: (أَنَا عِنْدَ حُسْنِ ظَنِّ عَبْدِيَ الْمُؤْمِنِ بِي، إِنْ خَيْرٌ فَخَيْرٌ، وَإِنَّ شَرٌّ فَشَر).
ل دەرئەنجامێ دووماھیێ ژی، ھەلبژارتن دێ یا تە بتنێ بیت، تو دشێی د بوریێ خوەدا بمینی و ژیانا خوە ژناڤ ببەی و د ھەمان دەمدا، تو دشێی كەسەك گەشبین بی و ھەر تشتێ جوان بۆ خوە راكێشی و ئایندێ خوە ل سەر دروست بكەی.
گەلەك جاران ب مزگینیەكێ یان دەنگ و باسەكێ خوش، ئەو بەختەوەرییا ئەز ژێ دبێژم ب سەر مرۆڤیدا دھێت، رەنگە وێ رۆژێ ھەمیێ ژبەر وی دەنگ و باسێ خوش، مرۆڤ یێ گەشبین بیت و تشتێ سەیر ژی، ھەر تشتێ مرۆڤ ب بەرڤە بچیت، دێ بدەست مرۆڤی ڤە ھێت، دێ شولێن مرۆڤی و پەیوەندیێن مرۆڤی باشتر برێڤە چن و د بەرامبەر ژیدا، مرۆڤ یێ ژ مالێ دەركەفتی و رەنگە دەنگ و باسەكێ نەخوش، كارڤەدانەیەكا نەخوش یا بویە ئەگەر، وێ رۆژێ ھەمیێ مرۆڤ گەریدەیێ خەموكیێ و نە ئارامیێ ببیت، تا وی راددەی، ھەر كارێ مرۆڤی ب بەرڤە دچیت، دروست ناھێت، دێ رێگری پەیدا بن، دێ كارێن مرۆڤی ھەمی تێك ئالزن، بوچی؟ ژبەركو ھزرێن مرۆڤی یێ دگەل ئالوز بووین و ئھا من بەحسا وێ ئالوزیێ یە، ئالوزییا ھزران.
ئەز ب رەنگەكێ دی بێژم، دەما مرۆڤ شەكرۆكەكا شرین بكەتە دناڤ دەڤێ خوەدا و ژ دەڤێ خوە بینتە دەر و بدانیتە جھەكی، ئەڤ كەسێ ڤێ رەفتارێ ژ مرۆڤی دبینیت، دێ ب چاڤەكێ كێم ل مرۆڤی نێریت و رەنگە سەرا ڤێ رەفتارێن نەجوان، دگەل مرۆڤی ژی باخڤیت و تورەبیت، پشتی بێھنەكێ، دێ بینی مێش، مێری، ھەر تشتێ پیس خوە كێشاندێ و دلێ مرۆڤی بخوە ژێ رەش دبیت و لێ ئەگەر گولەك ل جھەكی بیت، ژبلی كو ژبەر جوانی و بێھنا وێ یا خوش، مرۆڤ بخوە دێ خوە كێشیتێ، لێ چ تشتەكێ جوان و ب مفا، مێشا ھنگڤینی، بەلاتینك دێ ھێن ل سەر دادەن، ئھا ئەڤە یە یا من دڤێت بێژمێ گەشبینی و رەشبینی، ئایا تو مرۆڤەكێ چاوانی؟ كابرا دێ بەحسا خوە كەت، ھەر تشتێ خراب، بێ چانسی، دێ كێیشتە خوە و دێ بێژیت ئەڤە قەدەرا منە! لڤێرێ پرسیارەك دھێت، ئایا مرۆڤ قەدەرا خوە دروست دكەت یان قەدەرا مرۆڤی ددەستێ مرۆڤی دا نینە؟! ئەز خوە نزیكی بابەتێن (غەیبی) ناكەم، ژبەركو ئەو ب خودێ ڤە گرێدایینە، لێ ھزركرنا تە ل سەر رەشبینییا تە بەشەكێ قەدەرا تە دیار دكەت و ڤەكولینێن زانستی ژی ئەڤ چەندە دوپاتكرینە و بناڤێ (زانستێ ھێزا راكێشانێ) ناڤكرینە و ئەڤ یاسایە دبێژیت: ھووردەكاریێن رۆژانێن مە یان ئەوا ئەم دگەھینێ دەرئەنجامێ ھزركرنێن مە یێن بورییە و ھزرێن مە یێن نوكە ژی، ئەون یێن ئایندێ مە ئاڤا دكەن و ئەڤ یاسایە دبێژیت: (ھێزا ھزركرنا ھەر كەسەكی، تایبەتمەندیەكا مەزنا راكێشانێ ھەیە و چەند تو ھزران دتشتاندا بكەی، ھزرێ دتشتێن رەشبین و نەگەتیف، دێ وان ب بەرخوەڤە راكێشی و چەند تو ھزرێ و خەونا و خوزیان بۆ تشتێ جوان و یێ باش راكێشی، ئەو بخوە دێ خوە بنك تە ڤەكێشن و د كوردەواریێ ژیدا گوتنەك ھەیە دبێژیت: (تو چ ب چینی دێ وی ھەلینی) و خودێ دبێژیت: (أَنَا عِنْدَ حُسْنِ ظَنِّ عَبْدِيَ الْمُؤْمِنِ بِي، إِنْ خَيْرٌ فَخَيْرٌ، وَإِنَّ شَرٌّ فَشَر).
ل دەرئەنجامێ دووماھیێ ژی، ھەلبژارتن دێ یا تە بتنێ بیت، تو دشێی د بوریێ خوەدا بمینی و ژیانا خوە ژناڤ ببەی و د ھەمان دەمدا، تو دشێی كەسەك گەشبین بی و ھەر تشتێ جوان بۆ خوە راكێشی و ئایندێ خوە ل سەر دروست بكەی.
------------------
https://www.facebook.com/photo/?fbid=10218425195501536&set=g.209899095715001
%20copy.jpg)
ليست هناك تعليقات:
إرسال تعليق