جیلێ مە و یێ وان!

عبدالرحمن بامەرنی

جیلێ مە دگوتنێ (جیلێ نەستەللا)، مەبەست ژێ، ب ساناهی یێن مەزن دبن و چ كارەكێ ب زەحمەت ناكەن، هەر چەندە ئەز چەند سالەكان ژڤی جیلی مەزنتربووم، لێ ئەز دێ بەحسا جیلێ نوكە جیلێ (فەیسبووكێ و تیك توكی)كەم. من گوت جیلێ نەستەللا، ژبەركو یێن بەری مە هەمی كارەبوون، شڤانێن كاركا بوون، د چوونە ناڤ رەزی، هاری دەیبابێن خو، زەرەر و زیانێن وان كێمتر بوون، هەر كارێ هەبا. كورتیا وێ ژی د وی جیلیدا، هەر تشتێ زارۆك و جحێلا كربا، وەك یێن جیلێ بەری وان بوو و مەزنا ژی د وی تەمەنیدا هەمان تشت دكرن. د لێكگەهشتنا هەردوو جیلاندا ئەڤ سوحبە دهاتەكرنێ، دالەهیێن جیلێ بەرێ ژی بۆ یێ نەستەللا، هەر تشتێ بۆ وان باش و بۆ جیلێ نەستەللا نەباش دگوتن و ڤەدگێران و خوە ددەرێخستن كەسێن سەركەفتی و ئەوان ژیانا خوە مسوگەر كربوو و دگوتن هین دێ كەڤنە لەپێن خوە و هین نەشێن خوە ب خودانكەن! بەهانا جیلێ نەستەللا ژی بۆ وان، دگوتن: "ئاخر جیلێ مەیە پێن هەوە ژ ئاخێ راكرین و بەری نوكە ئەگەر وە ڤیابا ژ دەڤەرەكێ بچنە دەڤەرا دی دڤیابا دەوار هەبا یان ب پیا هین چبانە، لێ نوكە ترومبێلەك ژ ئاسنی و چار تایرە لبن یا وە ڤەدگوهێزیت"، و ژبەركورتیا بابەتی ئەوا من گوتی بەسە، لێ نوكە جیلێ فەیسبووكێ و تیك توكی یە و جیلێ بەری نەستەللا هەر نەشێن خوە دگەل بگونجینن و بتنێ ب تمتمكا جیلێ نوكە داددەن و ب خریان ناڤ دبەن و جیلێ نەستەللا ژی لجهێ خوە مان، موبایلێن وان یێ ددەستێ واندا و ل پوستێن فەیسبووكێ و پارچە ڤیدیویێن تیك تیوكی دنێرن و بۆ خو زەوقێ ژ هەر تشتی دبینن و جیلێ نوكە لدەف ب روینە خار، یێ بەحسا پارەكێ خەیالی دكەن، خەیالی مەبەستا من پارەكی ژ چنەیێ بدەستڤەدئینن و د مالێدا روونشتی و لێ دا ژبیرنەكەم ژی، هێشتا تێكەلیەك دناڤ ڤان هەرسێ جیلاندا دهێتە دیتنێ و هێشتا گەنجێ هەی نزانیت خوە بدەتە دگەل كیژ جیلی ژئەڤێن من گوتین.

ــــــــــــــــــــــــــ

رۆژناما ئەڤرو ژمارە (3467) یا رۆژا 2024/1/28