عبدالرحمن باممەرنی
دگەریانێن مندا دناڤ سوشیال میدیایێدا، چاڤێن من كەفتنە سەر پەیكەرەكی ل جاددەیەكا سەرەكی یا باژێرێ (ئنتربرایس) یێ ئەمریكا هاتبوو دەینان. پەیكەر بۆ من بخوە یێ سەیر بوو و دروست وێنێ كێزا سەیدان ددا، ئەڤ كێزا دەهان جاران ل زارۆكینیێ مە دەزیەك د ئێخستە پێن وێ و د فراند و دبوو بڤەبڤا وێ. ئەڤ نڤیسینا لبن وێنەی، هوسا دگوت: "د سالەكێدا ڤێ كێزێ ب ژمارەكا زور هێرشی پەمبیێ جوتیارێن باژێری كر و ژبەركو بەرهەمێ سالەكێ یا چاندنێ ژناڤبر، جوتیارێن باژێری بریاردان شینا پەمبی (گەزوو)یا بچینن و دەركەت داهاتێ وێ دوو جاران هندی یێ بەرهەمێ پەمبی و ئەڤە ددەمەكیدا جوتیارێن باژێری بێهیڤیبوون، كو ئێدی بشێن كارێ جوتیاریێ بكەن، لێ ژبەركو ئەڤ كێزە بۆ ئەگەر كو بەرهەمێ وان یێ چاندنێ بهێتە گوهورین، ئەڤ پەیكەرە دروست كرن، كو ب سایا سەرێ وێ، ژیانا خەلكێ باژێری هەمی هاتە گوهۆرین".
بابەتێ گوهورینێ لدەف پرانیا خەلكێ مە ژ بابەتێن سورە و حەزناكەن ئەو دەستپێشخەربن و دەهان نمونێن زیندی لڤی باژێری هەبوونە، ل بیرا كێیە دەما ئێكەم بیتزا ل جهێ پاركا نەوروزا ئەڤرو هاتیە ڤەكرن، پشتی هینگێ وێرەكی بۆ خەلكێن دی ڤەبوو، دكانێن لەفا و ڤێرا هەرە تا دگەهییە ئاڤاهیێن ئەڤرو ل باژێری دهێنە دیتن، یا من دڤێت بێژم هەر گوهورینەكێ نوویاتیەك یا دگەل و گوهورینێ ی وێرەكی بۆ دڤێت و ەك ڤێ نمونێ، ل جاددەیەكێ كەسەكێ دەولەمەند زارۆكەك دیت، كارتوونەك ل بەر سینگا وی بوو و چەند كێك تێدا بوون، زەنگینی گوتە وی زارۆكی: "ئەز دێ ڤی دەرهەمی هلاڤێژم (كتبە و سورانێ)، ئەگەر تە ژمن بر هندی پارەك و تشتەك د بەریكێن مندا خرەك بۆ تە و ئەگەر من ژتە بر، كێكێن تە هەمی بۆ من؟ زارۆك نەوێریا و گوت ئەگەر تە ژمن بر، ئەڤە كێكێن من هەمی چوون و دێ چاوان زڤرمە مالێ، هەما بهێلە ئەز ب ژیارا خو رازیمە، دەولەمندی گوتێ، بڤێ هزرێ دێ هەر مینی كێك فرۆش". ئەڤە ددەمەكیدا ئەگەر وی زارۆكی ترس ژ دەستدانێ نەبا، رەنگە دا ژیارا وی هەمی هێتە گوهۆرنیێ.
ـــــــــــتت
د رۆژناما ئەڤرو ژمارە (3455) یا رۆژا 7/1/2024ێدا ھاتیە بلاڤكرن.
ليست هناك تعليقات:
إرسال تعليق